ITIM AT PULA [ ON HOLD]

Ang tunay na halimaw

************************************

Sa gitna ng malalim na gabi sa himpapawid ay may matatanaw na kakaibang hugis at anino.

Nakatago sa ulap ang mga anino ng tila ba isang malaking pusang may pakpak habang may lulan itong babae, sa tabi naman nito ay sumusunod ang isang anino ng isang babaeng may pakpak ng ibon at sa kanyang bandang paanan ay may nakasabit na lalaki na mahigpit nakatali sa kanyang bewang.

Sa dulo ng kakaibang tagpo ay may nakasunod sa kanilang ibon, isang maliit na ibon.

May mga nakakita ng kakaibang tanawin sa alapaap nung gabing iyon ngunit hindi na lamang nila ito binigyan ng importansya at hindi na lamang pinansin.

"Arrrrrgghhhg!! Ang taas!, Paano niyo ba ako napa oo sa ganitong setup!..bakit sa himpapawid pa!"
Pasigaw na wika ni amaryllis fiore habang nakayakap sa binti ni maia na kasalukuyang naka anyong taong ibon, isang kinnara ayon sa alamat.

"W..wag ka ma...masyado malikot..mawawalan tayo ng balanse!"
Wika naman ni maia habang pilit ginagawang seryoso ang sitwasyon kung saan pakengkoy kengkoy si amaryllis.

"Tumahimik ka nga!,...ikaw..patahimikin mo nga ang kuya mo"
Wika naman ni elena na kasalukuyang nasa kanyang anyong aswang, isang itim na leon na may pakpak ng paniki na kasalukuyang lumilipad at lulan ang kakambal ni amaryllis na si primrose.

"Malapit na po tayo prinsesa...ayun na po ang gusali"
Wika naman ng munting ibon sa kanilang likoran.

"Ken..ikaw ang pamilyar sa lugar...agad mo hanapin si jonathan"
Wika ni elena sa munting ibon.

"Opo..maasahan niyo po ako"
Wika ni ken na siyang naka anyong ibon.

Diretso sa pagbagtas sa himpapawid ang buong grupo hangang makarating na sila sa naturang lugar.

Matapos makarating sa lugar at kasalukuyang lumilipad sa itaas ng gusali ay agad nila napansin ang kumksyong nagaganap, mga putok ng baril ang kasalukuyang umaalingawngaw sa kapaligiran at kita din ang mangilan ngilang mga tao  na kasalukuyang tumatakas paalis sa gusali, tumatakbo man gamit ang paa o naka sasakyan.

"Mukang nag e-enjoy ang pinsan mo ah"
Naiwika ni maia kay elena.

"Masyado pa maaga ang gabi, maia...sundin natin ang iplinano mo, kayong dalawa..alam niyo na ang inyong gagawin?"
Wika ni elena habang pinagmamasdan ang lagay ng gusali sa kanilang harapan, ang mismong gusali na plano nilang lusubin kung saan ay masalikuyan nang may nangyayaring komosyon.

Agad tumango ang magkakambal matapos magsalita ni elena.

Habang lumilipad sa ere ay biglang nag dive si elena na nagdulot sa pagkalaglag ni primrose na nakasakay sa kanyang likoran, mula sa tabi niya ay agad siya sinalo ng kanyang kakambal na si yllis ,agad naman yumakap ng mahigpit si primrose sa kanyang kakambal habang si amaryllis mismo ay nakakapit naman sa isa sa mga hita ni maia kahit na mahigpit siyang nakatali dito.