ITIM AT PULA [ ON HOLD]

Kalaban sa dilim I

***

Isang babae ang naka upo sa isang waiting shed malapit sa isang  terminal ng mga sasakyan, matao ang lugar at napapaligiran ng mga sasakyan, mausok at maingay na nagbibigay irita sa babaeng kasalukuyang tila ba nagmamanman at parang may hinihintay.

Matangkad ang nasabing babae at maganda ang kanyang postura, ang kanyang buhok ay purong itim na sumasalungat sa kanyang kasuotang puti ,naka upo sa upuan ng waiting shed, ang kanyang balat ay kasing puti ng nuebe at ang kanyang buhok naman ay kasing itim ng gabi, may itsura siya na masasabing isa na sa pinaka magandang babae na iyong makikita, ngunit kahit ganun pa man ay tila hindi alintana ng mga tao sa kanyang paligid ang kanyang kagandahan, tila ba wala sa paningin nila ay parang hindi nila nakikita ang babae na naka upo.

"Oh pano ba yan tol....mauuna na ako"
Wika ng isang lalaki sa kanyang dalawang kasamahan.

Naagaw ang atensyon ng babae sa tatlong lalaking nag uusap di kalayuan sa kanyang pwesto.

"Ate, koya! Mag ingat kayo, di nagbabayad yan!"
Pabirong wika ng isa sa kasamahan ng lalaki na sumakay ng jeep.

Napatingin ang mga tao sa tinutukoy ng lalaki na kasalukuyang naka sakay sa jeep.

"H..hindi po! Nagbibiro lang siya hehe~ Walang hiya ka rhodney! Malalagutan ka sa akin sa lunes humanda k-"
Patuloy sa pagsasalita ang lalaking nakasakay sa jeep ng umandar na ito paalis.

"Grabe ka naman kay dante haha!, Siya na nga naglibre sa atin doon sa karaoke eh"
Natatawang wika ng isa pang lalaki na kasamahan ng dalawa.

"Haha!, Anyway jonathan...sige mukang mauuna na ako..eto na yung jeep oh"
Wika ng isa at naghanda na siya sa pagsakay sa isa pang jeep.

"Sige ingat ah....sa lunes pasok ka ng maaga tayo ang cleaners haha!"

"Kaya mo na yan, magpapalate ako"
Wika ng lalaki sabay sakay sa jeep.

"Hahhaa adik...o sha~, ingat rhodney ah"
Wika ng kasamahan niya.

Ilang minuto pa ang lumipas nang mapuno ang jeep ay umandar na ito, kasabay ng pag alis ng jeep sa terminal ay saka nawala din ang babaeng naka upo sa bench.

************************************

Sa isang madilim at hindi pa alam na lugar ay kasalukuyang may babae at lakaki, walang malay ang lalaki at kasalukuyan siyang ginigising ng babae.

"Kuya.....kuya gising...kuya gising!"
Pasigaw na wika ng babae sa lalaki na tinawag niyang kuya.

" Oy kuya gising! Ukinana!"
Naiinis ang babae dahil sa wala pa ding kibo ng lalaki ay napamura siya at ihinanda niya ang kanyang palad.

*K..kapangyarihan ng kalikasan, magtipon tipon kayo sa aking palad at bumuo ng isang enerhiya*

Wika ng babae at biglang tila ba kumislap ang suot suot niyang kwintas na gawa sa ginto at may kakaibang bato sa gitna, kasabay ng pagkislap nito ay ang tila ba pagliwanag ng kanyang palad.

"SAAAAABING GISIIIING NAAA EHHH!!"
Buong lakas isipampal ng babae ang nagliliwanag niyang palad sa pisngi ng lalaking kasalukuyan pa ding walang malay.

*Pak*

Pak~

Pak~

Pak~

Nag echo sa kapaligiran ang tila ba tunog ng laman na naghampasan, sa tindi ng lakas ng pagkakasampal sa lalaki ay nakailang ulit tumunog ang echo sa magkakaibang direksyon.

"P..p..prim? H..uh? A..b..bakit andilim?...gabi pa ba?"
Nang imulat niya ang kanyang mga mata ay dahan dahan napatingin ang lalaki sa kanyang kapaligiran habang bumabangon sa pagkakahiga.