ITIM AT PULA [ ON HOLD]

Simula ng Lahat

Malamig na ihip ng hangin sa daang madilim na may kaunting liwanag galing sa mga ilaw lansangan na nakasindi.

Kasalukuyan kong tinutumbok ang kalsadang walang tao kung hindi ako lang.

Parang isang tagpo sa mamahaling pelikula ay binabagtas ko ang isang lugar na kung saan ay mabigat sa pakirandam at nakakataas ng balahibo.

7:48 ng gabi naglalakad ako pauwi ng aming bahay galing eskwelahan ng may nakita ako.

Di ko sukat akalaing magbabago ang aking pang araw araw na buhay sa aking nakita nung gabing yun.

Mga nilalang na hindi ko sukat akalaing totoo pala.

Mga nilalang na kung ituring ay halimaw.

Mga aswang

13 Hours Earlier.

Around 8:00AM.

November

"waaaaaa!!!....late nanaman! ako!"
sigaw ko habang patuloy sa paglalakad ng mabilis sa hallway ng aming paaralan.

Kusot kusot ang uniporme at parang spaghetti ang sintas ay kasalukuyan ako nagmamadali sa paglalakad habang kumakain ng almusal na isang tinapay na binili ko sa daan.
ano ba yan!.

walang hiyang alarm clock di man lang tumunog!.

Patuloy ako sa pagtakbo ng may bigla akong mabanga sa intersection ng hallway na nagdulot ng aking pagkatumba sa sahig, nabitawan ko ang tinapay na halos hindi ko pa nakakalahati.

"sorry!, sorry!"
hindi pa nakikita ang taong nakabanga ay humingi na agad ako ng paumanhin para maka iwas sa mahaba habang sisihan dahil nagmamadali talaga ako.

"ok ka lang?...huh?si jonathan pala!"
wika ng taong nabanga ko at kasakukuyang nakatayo sa aking harapan.

huh?....si mam fiore lang pala.

"ah!, mam sorry!",nagmamadali ako late na kasi ako"
wika ko sabay tayo at nagsimula ulit maglakad.

"oi! dahan dahan lang jonathan!, baka bumukas yang tahi sa tyan mo at bumulwak mga lamang loob mo!"
sigaw ng lalaking kasama ni mam fiore.

"ahahaha, bumulwak..loko!, ano to horror?"
wika ko.

Mam Fiore ang pangalan ng babae at Sir Fiore naman ang lalaki.

Magkakambal sila, hindi ko alam ang kanilang totoong edad ngunit muka silang nasa 29ish , sila ang school nurse sa aming paaralan.

School nurse ng mga lalaki si sir fiore at sa mga babae naman ang kanyang kapatid na si mam fiore.

Dati silang empleyado ng isa sa pinakamalaking Ospital sa capital ngunit for some reasons ay lumipat sila at mas piniling magtrabaho dito sa isang sikat at malaking paaralan sa aming probinsya.