GROWLING HEARTS

CHAPTER 18

Chapter 18: THE TRANSFEREE

TAISSA

Nagsialisan na ang mga kaklase namin habang kami nina Joan,Shaina at Emery ay nandito pa sa classroom. Kasalukuyang nagwawalis at namumulot kami ng mga basura at kalat ng buong section. Pinakiusapan kasi kami ni Maam Aquino, ang aming adviser, na kami daw muna ang maglinis ng classroom dahil wala pa namang daily cleaners. Dahil mababait kaming mga mamamayang kabataan ng Pilipinas ay pumayag naman kami na tulungan si Maam.

"Thank you talaga sa inyo ha?" Pagpapasalamat ni Maam Aquino.

"Okay lang Maam. Magaang gawain lang naman ito." Tugon ni Shaina.

"Hayaan niyo at may plus points kayo sa unang quiz." Masiglang sabi ni Maam na nagpagalak sa aming mga puso.

"Kahit wala na ngang plus Maam." Komento ni Joan. Naputol ang pagkagalak namin.

Ang bait talaga ni Joan para hindi tanggapin ang plus points. Nainis si Shaina kaya siniko niya ito sa bewang. Sinimangutan siya ni Joan dahil napalakas yata ang siko niya. Napaaray pa nga ito.

"Bakit mo ko siniko?" Pasigaw niyang tanong. Halatang naiinis na ito.

"Wala naman. Ayon walisin mo pa iyon, may kalat pa oh." Pag-iiba ni Shaina sa usapan. Nataranta siya sa naging reaksyon ni Joan.

Natawa na lang si Maam sa nakita niya. Kinindatan niya ako, ibig-sabihin alam niya ang nangyari. Ibig-sabihin din nito ay tutuparin niya talaga ang pagbibigay ng plus points.

Nagpatuloy kami sa paglilinis at tagaktak na rin ang mga pawis namin. Patapos na rin kami sa paglilinis ng maalala ko na may transfer student pala kami sa school year na ito. Parang hindi naman pumasok iyon kanina. Tinanong ko na lang si Maam tungkol dito.

"Maam diba may bago kaming kaklase?" Tanong ko habang inilalagay ang walis sa may lagayan nito.

"Oo meron. Bakit mo natanong?" Tugon niya.

"Kasi hindi yata siya pumasok kanina." Patanong na sabi ko.

"May inayos pa siyang forms kanina kaya di siya nakapasok." Pagpapaliwanag ni Maam habang itinutuwid ang mga libro sa shelves.

"Anong pangalan niya Maam?" Pakikisali ni Emery sa usapan.

"Kapatid siya ni..." Hindi na niya natapos ang kanyang sasabihin nang bumulagta ang nagsisigaw naming kaklase na si Jonah.

"Maam si Flex po!" Hinihingal niyang sabi.

Sabi niya ay may nakaaway daw si Flex. Mukhang ang trasferee daw ang nakaaway nito. Agad naman kaming tumungo sa dako ng eksena.

Dahil sa pag-aalala ko kay Flex ay nauna akong makarating sa dako kung saan sila nag-aaway. Nadatnan kong pilit na niyayakap ni Flex ang isang lalake. Agad namang tinanggal ng lalake ang pagkakayakap ni Flex at aksidente niya itong naitulak.

Si Flex ay agad namang inalalayan  ng kanyang kaibigang babae. Lumapit ang kaklase kong si Cormac sa lalake. Mukhang galit na ito sa lalake. Hindi ko makita ang mukha ng lalake dahil bahagyang nakatabon ang buhok nito sa mukha niya.