" ဟေး... မငိုရဘူးလေ... ကိုယ်က ချစ်လို့စတာ စိတ်ဆိုးစရာလားကွ "
" မ စနဲ့ ..အင့် "
" ဟုတ်ပြီ... ဟုတ်ပြီ...ကိုယ်မစတော့ဘူး မငိုနဲ့ လာ ဟိုရှေ့နား ဓာတ်ပုံ ရိုက်ပေးမယ် "
ခေါင်းလေးကို ပွတ်သပ်လို့ အငိုတိတ်စေရန် ချော့ပြောရပြန်သည်။ အငိုတိတ်သွားမှာ လက်လေးကို အသာဆွဲလို့ ခေါ်သွားရ၏ ။
' စတွေ့ပါပြီဆိုကတည်းက ရွှေသွေးနန်းဆိုင်တို့က မျက်ရည်လွယ်တာ အခုထိပဲ '
ပဲရစ်မြို့ကြီးကို Eiffel Tower ရဲ့ ဒုတိယအထပ်ကနေ ကြည့်ရသည်မှာ တကယ့်ကို အံ့အားသင့်မှုများနှင့်အတူ လှရက်သောပဲ ။
ပျော်ရွှင်ခြင်းပါ ဖြည့်စွက်ပေးနိုင်တာ ဘေးနားမှာ ချစ်ရသော ဒေါက်တာ ပါရှိနေခြင်းကြောင့်ပင် ။
အချိန်တော်ကြာသည်အထိ ကြည့်ရှုပြီးသည်နောက်တော့
" ကျွန်တော် ဗိုက်ဆာနေပြီ ကိုး "
" ဟုတ်လား ဘာစားချင်လဲ... ကိုယ့် ကို စားမလား "
နားနားလေး ကပ်တိုးလေးပြောလာသော စကားဆိုပေမယ့် ဒီလူက အရှက်ပိုပြန်ရော
" ကိုး! "
" ကိုယ်နားထောင်နေတယ်လေ "
" မစနဲ့ဗျ တကယ် ဗိုက်ဆာနေတာ "
" ကိုယ်မစဘူး တကယ်ဆာနေရင် ကိုယ့်ကို စားလေ ၊ မဟုတ်လဲ ကိုယ်ကစားပေးရမလား...မင်းကိုလေ "
ပါးလေးနှစ်ဖက်ပါ ခပ်ရဲရဲဖြစ်နေသည့် ထိုကောင်လေးကို ဒေါက်တာတစ်ယောက် အတည်ပေါက်နှင့် စနေခြင်းပင်။
ဘာလို့မှန်းမသိ အခုနောက်ပိုင်းတွေမှာ ရွှေသွေးကို ကလေးတစ်ယောက်လိုသာ မြင်လို့နေသည်။
" ကျွန်တော် တကယ်ကို စိတ်တိုလာပြီ "
" ဟောဗျာ... ဒီမှာ ကိုင်ကြည့် မင်းကြိုက်တဲ့ ပေါင်မုန့်တွေလိုပဲ "
ရွှေသွေးရဲ့ လက်ချောင်းသွယ်လေးများကို ဆုပ်ကိုင်လို့ သူ့ရဲ့ ဝမ်းဗိုက်ကြွက်သားများကို ထိကိုင်စေသည်။
တကယ်ကို အမြှောင်းလိုက် အဖုထစ် six pack များကို ထိတွေ့ရသည်နှင့် လက်ဖျားများက အေးစက်လာတော့ လက်ကို ဇွတ်ရုန်းလိုက်ရသည်။
YOU ARE READING
" Tripartite Love " Season 1 + 2
Romance"ဇာတ်လမ်းအကျဥ်း" ဒေါက်တာသျှားညိုမင်းသွင် ကလေးအထူးကုဆရာဝန်ကြီး ( Child Specialist ) နှင့် တစ်ပွင့်ပန် ဆိုသည့် အမျိုးသမီးတို့ လက်ထပ်မည့်စဲစဲတွင်မှ နန်းရွှေဆိုင်စံအိမ်တော်ရဲ့ သခင်လေးဖြစ်သူ ရွေသွေးနန်းဆိုင်က ဒေါက်တာကိုအပိုင် သိမ်းယူလိုက်ခြင်းကနေ ဇာတ...
