ဒီအပိုင်းလေးက ကျန်းမာရေး ပညာပေးအကြောင်းရာလေးတွေ များတယ်ရှင့်...
——————
မနက် မိုးသောက်အချိန်တွင်တော့ စုရပ်ဖြစ်သည့် ရွာလူကြီးဖြစ်သူ ဦးဖိုးလှရဲ့ အိမ်ရှေ့တလင်းပြင်တွင် 'ရွှေစည်သာ' ရွာအပါဝင် တခြားသော အင်းတပတ်က ရွာသူ ရွာသားများပါ ဒေါက်တာတို့ရဲ့ ကျန်းမာရေး အသိပညာပေးခြင်း ( health education ) အစီစဥ်ကို အားတက်သရော လာရောက်စုဝေးလို့ နေကြလေပြီ ။
ထိုလူများရဲ့ ရှေ့မလှမ်းမကမ်းမှ ခုံတန်းလျားများတွင် ဒေါက်တာတို့က လူစုံအောင် ထိုင်စောင့်လို့နေရင်း စားပွဲဝိုင်းတွင် ပြင်ပေးထါးသည့် မနက်စာများကို အစာပြေ စားလို့နေကြသည်။
မြစ်ရိုးတလျှောက်က တောထဲမှ အသားမျိုးစုံလည်းရသေးဖြင့် ဆတ်သား ၊ တောဝက်သား ဂျီသားများ စတဲ့ ဟင်းပန်းကန်များက စားပွဲပေါ်တွင် အစီအရီ....
မကေက တောဝက်သားဟင်းကို ရွှေသွေးပန်းကန်ထဲသို့ပါ ထည့်ပေးလေတော့
ဒေါက်တာက ဘာဟင်းမှ ထည့်မထားရသေးသော သူ၏ ထမင်းဖြူ အလွတ်ပန်းကန်လေးနဲ့ လဲလိုက်၏ ။" ဘာလို့လဲဟင်....မကေ ဟင်းထည့်ပေးတါမကြိုက်လို့လား "
" မဟုတ်ဘူးမကေ ရွှေသွေးက ဟင်းအနှစ်တွေနဲ့ ထမင်းမစားတတ်လို့ "
" ဟယ် ဟုတ်လား အစ်မ မသိလို့နော်ကလေး "
" ရတယ်ဗျ "
ထိုအခါမှ မကေက စိတ်ဖြောင့်ဖြောင့်နှင့်သာ ထမင်းစားလို့နေချေပြီ ။
ဒေါက်တာက ဟင်းအနှစ်လေးများကပ်နေသည့် အသားဖက်လေးများကို သူ့ပန်းကန်တွင်လူးပြီးကာမှ ရွှေသွေးပန်းကန်ထဲသို့ ထည့်ပေးပြီးစားစေသည်။
" စား ကလေး.. ပြီးရင် ကိုယ်တို့ ဟောပြောပွဲလုပ်နေချိန် ဘယ်မှ လျှောက်မသွားရဘူး ဒီနားမှာပဲ ထိုင်နေနော် "
" ဟုတ် "
" လိမ်မ္မာလိုက်တာ ကိုယ့်ရဲ့ ရွှေသွေးလေးက "
ဆံပင်းကလေးများကို ထိုးဆွလို့ ချီးကျူးလို့နေသည်။
-"ဟဲ့ ကောင်မတို့ရေ ဟို ဂျူတီကုတ်နဲ့ ဆရာဝန်ဘေးက ကောင်လေးက ချစ်စရာကောင်းတာဟယ်"
KAMU SEDANG MEMBACA
" Tripartite Love " Season 1 + 2
Romansa"ဇာတ်လမ်းအကျဥ်း" ဒေါက်တာသျှားညိုမင်းသွင် ကလေးအထူးကုဆရာဝန်ကြီး ( Child Specialist ) နှင့် တစ်ပွင့်ပန် ဆိုသည့် အမျိုးသမီးတို့ လက်ထပ်မည့်စဲစဲတွင်မှ နန်းရွှေဆိုင်စံအိမ်တော်ရဲ့ သခင်လေးဖြစ်သူ ရွေသွေးနန်းဆိုင်က ဒေါက်တာကိုအပိုင် သိမ်းယူလိုက်ခြင်းကနေ ဇာတ...