ရွှေသွေး ဆေးရုံမှ ဆင်းရမည်ကြောင့် ဒေါက်တာ ရွှင်မြူးလို့နေသည်။
ပစ္စည်းများကို ထုပ်ပိုးသိမ်းဆည်းနေရင်း မယ်မယ် ၊ မေလေးငယ်တို့နှင့်အတူ စကားပြောနေသော ကောင်လေးကို ခိုးခိုး
ကြည့်မိပြန်သည်။
ထိုစဥ် အခန်းတံခါးခေါက်သံနှင့်အတူ
ဝင်လာသည်က ဆရာထင် နှင့်အတူ ဆရာဝန်ပေါက်စလေးတစ်ဦးနှင့် ဆရာမ
တစ်ဦး ။
" ရွှေသွေး ဆေးရုံကဆင်းချင်ပြီလားကွ "
" ဟုတ်ကဲ့ "
" ခေါင်းမူးတာ ခေါင်းကိုက်တာ တစ်ခုခု နေမကောင်းတာမရှိတာ သေချာရဲ့လား "
" သေချာပါတယ်ဆရာ ကျွန်တော် နေကောင်းပါပြီ "
" ဒါဆိုလည်း ကိုသျှားရေ မင်းကလေးကို ဆေးရုံက ပေးဆင်းလိုက်တော့မယ်ကွာ "
" ရွှေသွေး..ကလေး ၊ ဆရာ့ကို ကျေးဇူးတင်ပါတယ်ပြောလိုက်လေ "
ဆရာ့ထင်ဘေးမှာ ရပ်နေသည့် ဒေါက်တာက လှမ်းပြောလေတော့ ရွှေသွေး
မျက်စောင်းကလေးထိုးကာ ကြည့်ပစ်လိုက်သည်ကို ဒေါက်တာ က သဘောကျကာ ရယ်ပါတော့သည်။
တကယ်ပါပဲ သူသင်မပေးလည်း ဒီကပြောမှာပဲကို လူကို ကလေးကျလို့..
" ဟုတ် ကျေးဇူးတင်ပါတယ် ဆရာ "
" ဟုတ်ပါပြီ...ဒါဆို အစ်ကို သွားမယ်နော်
ကိုသျှား "
ဆရာထင်တို့ ပြန်ထွက်သွားပြီးချိန်တော့...
" မယ်မယ်...ကျွန်တော် စံအိမ်တော်ကို ပြန်မှာနော် "
အားလုံး အံ့သြစွံ့အလို့သာ အကြည့်များက ဒေါက်တာဆီသို့...
ယုန်ပေါက်လေးဆီက ထွက်ကျလာသည့် စကားသံလေးကြောင့် ဒေါက်တာရင်ထဲ စူးခနဲ ။ ပစ္စည်းများကို သိမ်းဆဲလို့နေပေမယ့် ရင်ထဲ ဝမ်းနည်းရသည်မှာ.. တကယ်ပဲ သူ
နှင့် တစ်အိမ်ထဲ အတူမနေချင်သည့်အလား..
ဒေါ်စောမြတ်နန်းဆိုင်က ဒေါက်တာ မျက်နှာကို အကဲခတ်ရင်းနှင့်
" ဟို..သားရွှေသွေးရယ် စံအိမ်တော်ကို ပြန်လိုက်လို့မရဘူးလေ "
" ဘာလို့လဲ မယ်မယ် "
" သားနဲ့ ဒေါက်တာက လက်ထပ်ပြီးသားမို့ ဒေါက်တာနဲ့ လိုက်နေမှ သဘာဝကျလိမ့်မယ်ကွယ် "
YOU ARE READING
" Tripartite Love " Season 1 + 2
Romance"ဇာတ်လမ်းအကျဥ်း" ဒေါက်တာသျှားညိုမင်းသွင် ကလေးအထူးကုဆရာဝန်ကြီး ( Child Specialist ) နှင့် တစ်ပွင့်ပန် ဆိုသည့် အမျိုးသမီးတို့ လက်ထပ်မည့်စဲစဲတွင်မှ နန်းရွှေဆိုင်စံအိမ်တော်ရဲ့ သခင်လေးဖြစ်သူ ရွေသွေးနန်းဆိုင်က ဒေါက်တာကိုအပိုင် သိမ်းယူလိုက်ခြင်းကနေ ဇာတ...
