ဒေါက်တာက လူနာကုတင်ရဲ့ ခေါင်းရင်းအနားတွင် ခပ်လျှောလျှောလေးမှီထားပြီး
သူ့ဘေးနား ထိုင်ကာ တရှုံ့ရှုံ့ရှိုက်ငိုနေသည့် ယုန်ပေါက်ကလေးအား ကြည့်လို့" တော်ပြီလေ ကလေးရယ် ၊ ဘယ်အချိန်ထိ ငိုနေမှာလဲဟမ်... ပြောပါဦး ကိုယ့်ကို "
မျက်ရည်ကလေးများအား ဒေါက်တာက သုတ်ကာပေးရင်း အမေးစကား ဆိုလေ၏ ။
တကယ်ပဲ ရွှေသွေးနန်းဆိုင်တို့က မျက်ရည်တွေက ပေါလျှံနေတာ" ကိုးမသိပါဘူး .....ကိုး ကို သွေးတွေ အများကြီးနဲ့ မြင်လိုက်ရချိန် ကျွန်တော်ရင်ထဲ ကမ္ဘာပျက်သွားသလိုပဲဗျ...အင့်.. "
" အခုဘာမှ မဖြစ်တော့ဘူးလေကွာ ၊ မငိုနဲ့တော့...တိတ် "
ဒေါက်တာ ဝမ်းဗိုက်ရဲ့ အောက်ခြေနားက ပတ်တီးဖြူလေးကို ကြည့်လို့သာ ငိုပြန်ပါပြီ။ ဒီကလေး တွေးတွေးပြီး ဝမ်းနည်းနေပုံပဲ ။
ဒေါက်တာက ရွှေသွေး ခေါင်းလေးကို ညင်သာစွာ ပွတ်သပ်လို့သာ
" ကိုယ့်ကလေးက ပြောစကားလဲ နားမထောင်တဲ့ တကယ့်အဆိုးလေးပါကွာ ၊ ပြောစမ်းပါဦး ရွှေသွေးနန်းဆိုင်တို့က ဘယ်ချိန်ကတည်းက လမ်းဘေးမှာ ရန်ဖြစ်တတ်သွားတာလဲ ဟင်...၊ "
" အခု ကိစ္စက ဟိုဘက်က အသားလွတ် ကျွန်တော့်ကို အရင်လာပြီး လက်သီးနဲ့ ထိုးတာဗျ "
ကောင်လေးရဲ့ နှုတ်ခမ်းထောက်နားမှ အညိုမဲ ဒဏ်ရာကလေးအား အသာဖွဖွထိကိုင်လို့
" အရမ်းနာနေလားဟင် ၊"
" ဟင့်အင်း..."
အခန်းတံခါးလေးခေါက်သံနဲ့အတူ ဝင်လာသူက ရှေ့နေသူရိန်မောင်...
" ဒေါက်တာ နေလို့ ကောင်းတယ်နော် "
" ကောင်းပါတယ် "
" ကိုသူရိန် ဟိုကောင်တွေရော မိလား"
"သုံးယောက်စလုံး အချုပ်ထဲ ထည့်ထားပါတယ် သခင်လေး "
" အာမခံနဲ့လည်း ထုတ်မပေးနဲ့ ကိုသူရိန်၊ ကျွန်တော် သူတို့ကို တရားစွဲပြီး သေချာပေါက် ထောင်ချပစ်မယ် "
" ကလေးရယ် ရန်ကိုရန်ခြင်း မတုန့်နှင်းချင်ပါနဲ့ကွာ... ကျေအေး ပေးလိုက်နော် သူတို့လေးတွေက ငယ်ရွယ်သူတွေဆိုတော့ "
YOU ARE READING
" Tripartite Love " Season 1 + 2
Romance"ဇာတ်လမ်းအကျဥ်း" ဒေါက်တာသျှားညိုမင်းသွင် ကလေးအထူးကုဆရာဝန်ကြီး ( Child Specialist ) နှင့် တစ်ပွင့်ပန် ဆိုသည့် အမျိုးသမီးတို့ လက်ထပ်မည့်စဲစဲတွင်မှ နန်းရွှေဆိုင်စံအိမ်တော်ရဲ့ သခင်လေးဖြစ်သူ ရွေသွေးနန်းဆိုင်က ဒေါက်တာကိုအပိုင် သိမ်းယူလိုက်ခြင်းကနေ ဇာတ...