" ကျွန်တော်တို့ နှစ်ယောက်ရဲ့ ကမ္ဘာလေး စပြီး ပြိုတဲ့နေ့ ထင်ပါရဲ့ ကိုး ရာ ၊ ကျွန်တော်တို့ရဲ့ ဘယ်ခြေလှမ်းတွေက လမ်းအမှားကို ဦးတည်နေခဲ့တာလဲ ၊ ကျွန်တော်တို့ ထပ်ပြီး လွဲချော်ရဦးမယ် ထင်ပါရဲ့ဗျာ။ ကျွန်တော်က မိန်းမတစ်ယောက်နဲ့ အတူ..အတူအိပ်ခဲ့တာတဲ့ "
ပြောရင်း ရှိုက်ငိုနေသည်ကြောင့် ရင်ခွင်ထဲမှ ဆွဲခွာ၍ မျက်နှာချင်း ဆိုင်စေကာ ရွှေသွေးပါးပြင်ပေါ်မှ မျက်ရည်စများကို ဖယ်ရှားပေးလျက်
" ဟင့်အင်း..မဟုတ်တာ ကလေးရယ် ၊ မငိုနဲ့ ကိုယ်က ရွှေသွေးကို ယုံတာမလို့ မငိုနဲ့နော် ၊ ကိုယ့်ကို ကြည့် ကလေး ပြဿနာရှိရင် အဖြေဆိုတာ ရှိတယ် ကိုယ်ရအောင် အဖြေရှာမှာမို့ မငိုနဲ့နော် "
" ကျွန်တော် ကိုးနဲ့ မခွဲနိုင်ဘူးဗျာ "
မငိုပါနဲ့ကလေးရယ်... မင်းမျက်ရည်တွေက ကိုယ့်ရင်ကို မီးစနဲ့ ထိုးနေသလိုပဲ ။ နာကျင်ရတယ် ကလေးရဲ့ ....။
" ကိုယ်ရအောင် ဖြေရှင်းမှာမို့ ကိုယ်နဲ့ အိမ်ပြန်လိုက်ခဲ့နော် ၊ ကိုယ်တို့အိမ် ပြန်ကြရအောင် "
' ကိုယ်တို့အိမ် ' တဲ့ အဲ့ဒီအိမ်လေးထဲ သူတို့နှစ်ယောက် ရှေ့လျှောက် အတူရှိနေနိုင်ပါ့မလား ။
ပြဿနာတွေ မဖြေးရှင်းနိုင်ခင်အထိ သူ ဒေါက်တာကို ဘယ်လို မျက်နှာချင်းဆိုင်ရမှာလဲ ။
" ကျွန်တော် ပြန်မလိုက်နိုင်ဘူး ကိုး ၊ စံအိမ်တော်မှာပဲ နေမယ် "
" ဘာလို့လဲ ရွှေသွေးရယ် ။ ဒီကိစ္စမှာ ကိုယ်က မင်းကို အပြည့်ဝ ယုံကြည်တာမို့ မင်းဘက်က လိပ်ပြာသန့်သန့်နဲ့ အားလုံး ကို ရင်ဆိုင်လို့ရတယ် ကလေး ၊ ပြန်လိုက်ခဲ့နော် "
သူရဲ့ လက်မောင်းသားနှစ်ဖက်ကို ဆုပ်ကိုင်ထားသည့် ဒေါက်တာလက်များကို ဖယ်ချလျက် ခေါင်းခါရမ်းလို့သာ
" အခုချိန် ကျွန်တော် တစ်ယောက်တည်းပဲ နေချင်တယ် ၊ ကိုးလည်း ခရီးပန်းလာတာ အိမ်ပြန်ပြီး နားလိုက်ပါ "
ဒေါက်တာ သက်ပြင်းချနေရသည်။ တကယ့်ပဲ အိမ်ကို ဘယ်လို ပြန်ခေါ်ရမလဲ မသိတော့ချေ ။
YOU ARE READING
" Tripartite Love " Season 1 + 2
Romance"ဇာတ်လမ်းအကျဥ်း" ဒေါက်တာသျှားညိုမင်းသွင် ကလေးအထူးကုဆရာဝန်ကြီး ( Child Specialist ) နှင့် တစ်ပွင့်ပန် ဆိုသည့် အမျိုးသမီးတို့ လက်ထပ်မည့်စဲစဲတွင်မှ နန်းရွှေဆိုင်စံအိမ်တော်ရဲ့ သခင်လေးဖြစ်သူ ရွေသွေးနန်းဆိုင်က ဒေါက်တာကိုအပိုင် သိမ်းယူလိုက်ခြင်းကနေ ဇာတ...
