ဒီလိုနဲ့ မနက်ဖြန်မနက်ဆိုရင် ဒေါက်တာတို့ 'ရွှေစည်သာ' ရွာကလေးမှ ပြန်ကြရတော့မည်။
အထုပ်ပိုးများကို စနစ်တကျ ထည့်နေရင်း သူ့ရှေ့မှာ တင်ပြင်ခွေထိုင်ပြီး
ငူငူငိုင်ငိုင်ဖြစ်နေသည့် ယုန်ပေါက်လေးအား အကဲခတ်လို့ နဖူးပေါ် လက်လှမ်းတင်ရင်း
" ရွှေသွေး....ကလေး နေမကောင်ဘူးလား"
" ကောင်းပါတယ် "
" မင်းကြည့်ရတာ တစ်ခုခုဖြစ်နေသလိုပဲ "
ဟုတ်တယ် တစ်ခုခုဖြစ်နေတာ ။ မနေ့က
ဦးဇင်းရဲ့ သူ့အတွက် ဟောကိန်းက တကယ်ကို မဖြစ်နိုင်တဲ့ ကိစ္စတစ်ခုကို ဟောကိန်း ထုတ်ခဲ့သည်မဟုတ်လား ။
သူ့စိတ်အာရုံတစ်ခုလုံးကို ထိုဟောကိန်းကသာ စိုးမိုးထားဆဲ။
" ဟေး..ကြားလား ကိုယ်ပြောနေတာ "
" ဟင်! ..ဘာ...ဘာပြောလိုက်တာလဲဗျ "
" ကျစ်..ကိုယ့်မျက်လုံးကို သေချာကြည့် ၊ ပြီးရင် မင်း စိတ်ထဲ ဘာတွေ ခံစားနေရသလဲဆိုတာ ပြောပြ "
အကြည့်စုံလေတော့ ဝမ်းနည်းစိတ်ကသာ နေရာယူလျက် ။ တကယ်ပဲ အမှန်တိုင်းပြောရမလား ။ မျက်လုံးကို သေချာကြည့်လို့ နှုတ်ထွက် မုသားစကားသာ....။
" ကျွန်တော် ဒီရွာလေးကို သံယောဇဥ်ရှိလို့ ပြန်ရမှာ ဝမ်းနည်းသလိုမို့ "
" ဘာများလဲလို့ကွာ... ။ ကိုယ်တို့လို နိုင်ငံ့ဝန်ထမ်းတွေဆိုတာ ဒီလိုမျိုးပဲ ရွှေသွေးရဲ့ တနေရာနဲ့ တနေရာ ခဏသဘောမျိုးသာ နေထိုင်ရတာမျိုးပဲ ။ ခံစားချက်ကို ဦးစားပေးလို့မရဘူးလေ ။ ဒါ့ကြောင့် စိတ်မကောင်း မဖြစ်နဲ့နော် နောက်ကျလည်း ဒီဒေသလေးကို ပြန်လာရမယ့် အကြောင်းတရားတွေလည်း ရှိချင် ရှိလာမှာ ကလေးရဲ့ ကိုယ်ပြောတာ နားလည်းလား "
" ဟုတ် "
" ကြည့်...ကြည့် ငို တော့မှာလား မင်း မျက်နှာက "
" ကိုး.."
" ပြောလေ ကလေးရဲ့ "
" ဗေဒင်တွေ ၊ ရှေ့ဖြစ် ဟောတာတွေ ယုံလားဟင် "
" ဟွန်.... ။ ဟင့်အင်း ကိုယ်ကတော့ အယုံကြည်မရှိဘူး ။ "
" ဘာလို့ အယုံကြည်မရှိတာလဲ "
YOU ARE READING
" Tripartite Love " Season 1 + 2
Romance"ဇာတ်လမ်းအကျဥ်း" ဒေါက်တာသျှားညိုမင်းသွင် ကလေးအထူးကုဆရာဝန်ကြီး ( Child Specialist ) နှင့် တစ်ပွင့်ပန် ဆိုသည့် အမျိုးသမီးတို့ လက်ထပ်မည့်စဲစဲတွင်မှ နန်းရွှေဆိုင်စံအိမ်တော်ရဲ့ သခင်လေးဖြစ်သူ ရွေသွေးနန်းဆိုင်က ဒေါက်တာကိုအပိုင် သိမ်းယူလိုက်ခြင်းကနေ ဇာတ...
