ကျလာသည့် မျက်ရည်စများကို မသုတ်ပဲ
နန်းရွှေဆိုင် ဆိုသည့် စံအိမ်တော်အား ငေးလို့သာကြည့်နေမိသည်။
ခဏအကြာတွင် သားထက်ရဲ့ ကားလေး
ထိုးရပ်လာတော့သည်။ lover seat မှာဝင်ထိုင်ရင်း ကားပြတင်းမှန်မှတဆင့်
ရောက်တက်ရာရာငေးကြည့်နေ၏ ။
" မင်းရဲ့ ပါးက ဘယ်လိုဖြစ်ရတာလဲ ၊
ကိုသျှားသိရင်တော့ စိတ်မကောင်း ဖြစ်တော့မှာပဲ "
"........"
ရဲတွတ်ပြီး လက်ချောင်းရာများ ထင်းနေသည်မို့ မနေနိုင်စွာ မေးမိသည်။
သည်ကောင်က သားထက်လို အသားညိုသူမဟုတ်ပဲ ပိုးဟပ်ဖြူလေးလို့မို့ တစ်ခုခုထိခိုက်မိရင် ဒဏ်ရာက ထင်းကနဲပဲ ။
ကားပေါ်မှဆင်းကာ မန်းလေးကျုံး၏
ခုံတန်းတစ်နေရာသို့ ရွှေသွေးနှင့် သားထက် ထိုင်လိုက်ကြသည်။
" မင်းသိလား ရွှေသွေး အခု မင်းခံစားနေရတာတွေက အစပဲရှိသေးတယ်ဆိုတာ ၊ "
သားထက် စကားရဲ့ အဓိပ္ပါယ်ကို ရွှေသွေး ကောင်းကောင်းကြီး သဘောပေါက်ပါ၏ ။
" မင်းရော ငါ့ကို ရွံလား ၊ ငါက အားလုံးကို စိတ်ဆင်းရဲစေတဲ့ ဂြိုလ်ကောင်ဖြစ်နေပြီ "
" ဟက်.. ဘာစကားလည်းကွာ ၊ မင်းဘာမင်း ဘာကောင်ကြီး ဖြစ်ဖြစ် ငါ့သူငယ်ချင်းဆိုတာ ဘယ်တော့မှ ပြောင်းလဲသွားမှာမဟုတ်ဘူး "
ရွှေသွေး ငိုသည်။ သူ့မျက်နှာ သူ လက်နှစ်ဖက်နှင့် အုပ်၍ ပုခုံးများ လှုပ်ကာနေသည်အထိ ရှိုက်၍ ငိုနေသည်။
ဝမ်းနည်းသည်။ ရင်ဘက်တစ်ခုလုံး ပူလောင် မွန်းကြပ်သည်အထိ ခံစားရသည်။ တကယ်အဆုံးမှာတော့ သူ့ဘေးမှာ ရပ်တည်ပေးမယ့်
ဘယ်သူမှ မရှိတော့ဘူးဆိုတဲ့အတွေးက သူ့ကို ရူးသွပ်သွားစေနိုင်လောက်အောင်အထိ လုံလောက်သည်။
" ငါရှိတယ် ၊ မင်းဘေးနား ငါရှိတယ်
ရွှေသွေး။ တလောကလုံး မင်းဘက်မရှိလည်း ငါက မင်းဘက်ကပဲကွ ၊ ပြီးတော့ ဂုဏ်ယူတယ် မင်းအပိုင်သိမ်းသွားနိုင်တာ ငါ့အစ်ကိုဆိုပေမယ့် ဆယ်ကျော်သက်အရွယ်မှာ ပထမဆုံး သဘောကျ ခဲ့ရတဲ့ ကိုယ့်
အချစ်ဦး ကို မင်းက အရယူနိုင်တာပဲကွ "
YOU ARE READING
" Tripartite Love " Season 1 + 2
Romance"ဇာတ်လမ်းအကျဥ်း" ဒေါက်တာသျှားညိုမင်းသွင် ကလေးအထူးကုဆရာဝန်ကြီး ( Child Specialist ) နှင့် တစ်ပွင့်ပန် ဆိုသည့် အမျိုးသမီးတို့ လက်ထပ်မည့်စဲစဲတွင်မှ နန်းရွှေဆိုင်စံအိမ်တော်ရဲ့ သခင်လေးဖြစ်သူ ရွေသွေးနန်းဆိုင်က ဒေါက်တာကိုအပိုင် သိမ်းယူလိုက်ခြင်းကနေ ဇာတ...
