အလုပ်ကိုရောက်လာသည်ကတည်းက
ငူငူငိုင်ငိုင်ဖြစ်နေသည့် ရွှေသွေးကို ကြည့်ကာ သားထက် သက်ပျင်းချမိသည်။
ထို့နောက် ရွှေသွေးအနားတွင် ကပ်ထိုင်လိုက်လေသည်။" ရွှေသွေး မင်းမျက်နှာက ဘာဖြစ်နေတာလဲ နေမကောင်းလို့လား "
" ကောင်းပါတယ်ကွ "
" အားမနာနဲ့ နေမကောင်းရင် ငါပြန်လိုက်ပို့မယ် "
" သားထက်.. "
"အင်း ပြော "
"ငါ..ငါကြောက်နေတယ် "
ရွှေသွေး စကားအသွားအလာကို သားထက်ရိပ်မိလိုက်သည်။
" မတစ်ပွင့်ပန် ဆေးရုံပြန်ဆင်းတာကြောင့်လား "
ခေါင်းညိမ့်မိသည်။ ကိုယ်ကချစ်ရသည့် သူက ၊ သူ ချစ်ရတဲ့သူနဲ့ဆေးရုံတစ်ခုထဲမှာ အလုပ်လုပ်နေသည်ဆိုတဲ့အသိက ရင်ဘက်တစ်ခုလုံးကို မီးစနဲ့ထိုးနေသလိုပင်။
" ဘာကြောက်စရာရှိလဲကွ ၊ အခု ကိုသျှားကို ပိုင်ဆိုင်ထားတာ မင်းပဲလေ ၊ ကိုသျှားက မင်းအပိုင် "
" အချစ်မပါတဲ့ အိမ်ထောင်ရေးက ဘယ်အချိန် အတိုင်းတာအထိ မြဲနေမယ်ထင်လို့လဲ ၊ ငါ့ဘက်က ဒေါက်တာကို ဘယ်လောက်ထိ ဆွဲထားနိုင်မှာမို့လို့လဲ သားထက်ရာ "
အဆုံးသတ်မှာ တိုးဝင်သွားသောအသံလေး ။
" ငါ့အမြင်ရတော့ ကိုသျှားက မင်းအပေါ်မှာ ခံစားချက်တွေ ရှိနေပါတယ် ၊ သူ မင်းအပေါ် နွေးထွေးမပေးနိုင်သေးတာက မုန်းလို့မဟုတ်ပဲ ခွင့်မလွှတ်နိုင်သေးလို့ပဲ ဖြစ်မှာပါကွ "
" သူများလက်ထဲက လုယူထားပြီးမှ ၊
ပြန်ပြီးလုယူခံရမှာ ကြောက်နေတဲ့ငါက
လူရယ်ချင်စရာဖြစ်ကောင်းဖြစ်ပေမယ့် ၊ တကယ်သာ ဒေါက်တာ့ ကို သူများလက်ထဲ ပြန်ထည့်ပေးလိုက်ရရင်ဖြင့် ငါ..ငါရူးမှာ ၊ ငါရူးရလိမ့်မယ် သားထက် "ပြောပြီး ခေါင်းငုံ့ကာ ရွှေသွေးငိုသည်။
သားထက် ထပ်မံ၍သာ သက်ပျင်းချမိပြန်သည်။" မင်းနဲ့တော့ ခက်ပြီ ရွှေသွေးရာ ။ မင်း သိပ်ချစ်ပါတယ်ဆိုတဲ့ ကိုသျှားရဲ့ ကိုယ်ကျင့်သိက္ခာကိုတောင် မင်းကမယုံဘူးလား "
YOU ARE READING
" Tripartite Love " Season 1 + 2
Romance"ဇာတ်လမ်းအကျဥ်း" ဒေါက်တာသျှားညိုမင်းသွင် ကလေးအထူးကုဆရာဝန်ကြီး ( Child Specialist ) နှင့် တစ်ပွင့်ပန် ဆိုသည့် အမျိုးသမီးတို့ လက်ထပ်မည့်စဲစဲတွင်မှ နန်းရွှေဆိုင်စံအိမ်တော်ရဲ့ သခင်လေးဖြစ်သူ ရွေသွေးနန်းဆိုင်က ဒေါက်တာကိုအပိုင် သိမ်းယူလိုက်ခြင်းကနေ ဇာတ...