السيد العقيد ♥️

الجزء 62 : (معافاة) 💜

🌿بقلمي : هند حداوي 🌿

الأقدار.. هي الأقدار.. واخا ماعرفت شنو يطرا.. غاتبقا هي هي..  الا في حالة واحدة..  هي اذا قرر الله يغيرها.. سواء للافضل او للافضل..  هادشي لي وقع ليك مكتاب..  ماعندك كيف تغيريه..  والحمد لله ملي خرجات سالمة..  لذا خاصك..  تكوني قوية .. تواجهي المخاوف ديالك.. ماتهربيش.. منهوم.. ونتي ماشي بوحدك.. انا معاك.. وغانبقا ديما فجنبك بإذن الله.. (مشا جاب لپلاطو حطو حداها).. 
-علي: ياله كولي.. 
-ياسمين(وأخيرا تكلمات.. بصوت مبحوح) : وواخا.. 
هزات سوندويتش لي صايب ليها..  ولكن ماعندهاش لخاطر للماكلة. .. (عاودات حطاتو فلپلاطو)..
ياسمين: مافيا ماناكل..
-علي(خنزر فيها..  المهم تخنزيرة ديال بلعاني ههه..هز سوندويتش وخشاه ليها ففمها) : عضي
ياسمين(مالقات مادير عضات منو شوية..  وولا غي يحس بيها سرطات يهز ويعطيها.. ويشربها العصير.. سالات ماكلتها..  نقا ليها 🍎..  و ليمونة..  كلات وسالات..  واخا مافيهاش ولكن بزز عليها..  هز لپلاطو داه للكوزينة.. وخلاها ترتاح شوية..ومشا هو لبيت ضياف يتكى حتا هو..  حيت من نهار تخطفات ماشاف نعاس..
وصلات ديك 7 ديال لعشية..  ضرباتو لفيقة..  اول حاجة دار مشا طل على ياسمين فلبيت لقاها ناااعسة..  دار ليه قهوة كحلة باش يصحصح شوية.. شربها على خاطر خاطرو.. لبس حوايجو لي كانو هاد لمرة كلاس..  ومشا دق على ياسمين فلبيت..
حلات ليه لباب..
-ياسمين(بتساؤل): همم؟
-علي(حك ذقنو) : تبغي تخرجي ناخد ليك حوايج..باش تبدلي.. منها تغيري الجو..
-ياسمين(بقات ساكتة.. او ربما متخوفة من آخر مرة خرجات فيها اش وقع) : لا غا سير انا مافيا مانخرج..
-علي: ياسمين نعطيك 5 دقايق.. انا جالس فصالون..
هوووف على متكبر نعطيك خمسة دقايق.. ياه لا تعطينيش كااع..  تااء..
بقات بحوايجها نيت.. وزادت عليهم واحد كلاكيطة لقاتها تماك ديال دادا واخا كبيرة عليها شوية.. المهم هو أنه كانت مبهدلة بإمتياز.. خرجات عندو للصالون.. ومارضاتش هو بكامل أناقتو وهي كاتبان مبهدلة.. هو ماداهاش فداكشي لي لابسة حيت كان آخر همو.. كل ماكايهمو هو انه تكون مستورة.. ومفاتنها مايبانوش..
-علي(شاف فيها) : مالكي؟
-ياسمين(طايح عليها ضيم) : ماماليش.. غا ياله نمشيو باش نرجعو دغيا حيت عيانة..
-علي: واخا...حل لباب ودارليها طريق منين دوز.. كاليها تبقا غادة حداه.. كايبانو بحال الى ملاصقين.. هبطو للتحت.. تسناو شوية.. وصلات اوطو.. رونج فلكحل.. عطاه لي كان سايق سوارت.. وحل ليها لباب.. وطلع حتا هو.. ساق بيها.. حتال لموروكو مول.. هبط ونزلها معاه.. ماقدرش يشد ليها فيديها.. لذا اكتفى بأنه تبقى قريبة ليه.. اول حاجة دارها هي انه دخلها لمحل ديال الفساتين النسائية.. واخا مامولفش يمشي مع شي واحد يتقدى.. والى كان باغي شي حاجة كايمشي ليها نيشان يجيبها.. ولكن ياسمين غيرر.. كايدير معاها حوايج عمرو مافكر يديرهم مع شي واحد..
-ياسمين(شافت فيه) : هادشي غالي بزااف.. وانا ماهازاش معايا لفلوس..
-علي(..وجه كلامو للبنت لي كاينة فلمحل) : الله يخليك رافقيها تاخذ داكشي لي بغات.. عينيك عليها..(خنزر).. ماتغفليش.. (شاف فياسمين)..  انا جالس هنا..  خودي لي بغيتي..
-ياسمين: واخا.. شكرا..
مشات كاتشوف داكشي لي كاين فالمحل.. كان كولشي زوين.. وكايفتح النفس.. واخا ماعندهاش الشهية ديال شوبينغ.. مابغاتش تعيق عليه.. هزات زوج كسيوات حجابيات.. مع صنيدلات.. وزوج پيجامات ي
بيتيات فألوانها المفضلة.. الغوز ولبلو سييل.. مع پانطوفات.. .. وعاد الملابس الداخلية.. هزات داكشي لي خدات..
هزات داكشي لي خدات ومشات عندو..
-علي(شاف فيها وفداكشي لي هازة فيديها) : هادشي لي خديتي..
-ياسمين: اه
-علي: بزااف هادشي وانا ماعنديش فلوسو..
-ياسمين(من نيتها هزات داكشي باغا تنقص منو)
-علي(ضحك..وشاف فلبنت لي معاها) : ختي هزي ليها حوايج ديال الحجاب.. ماتهزيش سراول.. وداكشي مزير لا.. شي حاجة تكون واسعة ومن الأحسن العبايات..  وخودي ليها شي پيجامات.. المهم كاع داكشي لي كايحتاجو لبنات..
-البنت(بإبتسامة): مرحبا..
ياسمين..  غاكاتشوف فهاد سيد.. كيفاش عبايات.. زوينة هادي.. مشات لبنت كاتختار.. ماخلات ماهزات.. جاتها على كانتها.. كل حاجة فلمحل خدات ليها منها.. وعاد سبابط.. المهم برعاتها مزيان.. وهي غاكاتشوف.. الا اذا ماعجباتهاش شي حاجة عاد كاتدخل.. خلص داكشي جمعوهم ليهم فپلاستيكات.. وخرجو من المحل وهو هازهم..
-علي: نمشيو لشي ريسطو نتعشاو..
-ياسمين:واخا..
حطو داكشي فواحد لپلاكار تماك.. وسدوه بساروت حتا يرجعو ليه.. واتجهو لواحد المطعم فموروكومول نيت...دنيا عامرة.. مع لويكاند.. كولشي خارج.. لي كوبل العائلات.. المهم كايبان ليك كولشي ناشط وفرحان..
-علي(كايشرف فلموني) : اشنو بغيتي تاكلي.. وماتكوليش ليا لي بغيتي عاوتاني..
-ياسمين(ضحكات): همم..  بغيت شي دجاجة محمرة مع لفريت..
-علي(عيط على سيرفور) : معاك دجاج محمر مع لفريت.. وطاجين بلكرعة(طاجين فموروكومول 😒😂)..مع عصير لحامض.. وديسير جيب ليا كلاس ديال لأناناس ..
شافت فيه عاوتاني.. تفكرات داك نهار.. هادا مالو على طواجن.. بزااف.. عاق بيها.. 
-علي: انا لماكلة ديال زنقة ماكاتعجبنيش.. وحتا الى خذيتها نفضل شي حاجة مفيدة.. وعارفها كيف دايرة..
-ياسمين: اه..  مزيان 😄
-علي(بجدية): دابا ملي لبوس تشد..  ماغايبقا عندك حتا مانع من أنك.. ماغايبقا عندك حتا مانع من أنك تعيشي حياتك طبيعي.. تكملي قرايتك.. ديري داكشي لي كاطمحي تحققيه.. شنو كنتي باغا ديري.. فاش شديتي لباك؟
-ياسمين(فرحات..بهدرتو) : ماعرفتش يمكن فاش شديت لباك ماكانش عندي طموح حيت كنت عارفة انني غانجلس فدار.. (كملات بحزن).. خاصة ان واليديا مابغاونيش نكملها..
-علي: ولو..  هادي حاجة تحفزك انك تعطي كل ماعندك.. واليديك ماخلاوكش تقراي.. هادي كانت رغبتهم هوما.. ماشي رغبتك نتي.. خاصك تشوفي نتي شنو باغا..
-ياسمين(بحماس): هي بصراحة انا كايعجبني الطب.. (عينيها كايبريو).. نكون طبيبة عسكرية شي حاجة زوييينة بزاااف..  واو نبقا نمشي للمعسكرات ونداوي الجرحى.. 😍
-علي(ضحك برجولة) : حتى دابا باقي الحال.. تقدري دفعي لكلية الطب.. وديري طلب انك باغا تكوني طبيبة عسكرية ومريضنا ماعندو باس. ..
-ياسمين: ولكن واش يقبلوني زعما؟؟.. الباك ديالي قديم..
-علي: واخا هاكاك.. قولي ليا باش خديتيه..
-ياسمين(بإفتخار): بميزة حسن جدا.. كنت قرااية واخا هاكاك..
-علي(ضحك على الطريقة باش قالتها) : الى كان بحال هاكا.. خاصك توجدي راسك لقراية مابقاش ليها بزااف باش تبدا..
-ياسمين: الباك ديالي بقا فدارنا وانا مانقدرش نمشي نجيبو..
-علي: علاش؟؟!
ياسمين: مشاكل مع واليديا.. (عاودات ليه كولشي) .. واصلا هوما باقين ماعارفينش بلي خرجت من لحبس.. داكشي علاش مانقدرش نغامر..
-علي: همم.. صراحة ماعرفت مانقوليك.. دقة فاش كاتجيك من الواليدين كاتكون صعيبة.. ولكن الله غايعوضك خير.. إن شاء الله.. هادا ماشي شي مشكل كبير..  من بعد ونشوفو شنو نديرو فيه.. نيت دقرايا ماغاتبدا حتال شهر 9 وحنا فشهر 8 باقي قداامك الوقت.. 
-ياسمين(بإبتسامة): شكرا ليك بزاااف والله..
-علي: هانية.. مالي اش درت ليك.. والو..
جاب ليهم سيرفور داكشي لي طلبو كلااو.. مزيان.. ورجعو للمكان لي خلاو فيه لحوايج.. هزوهم.. واتجهو للسيارة.. حطهوم لور.. ومشاو في اتجاه المنزل.. ديمارا وهو طالق القرآن..سورة البقرة.. شوية صونا ليه تيليفون.. شاف شكون لقاها نمرة خالتو.. كال يخلي حتال دار ويهدر معاها على خاطرو.. ولكن تيليفون ماسكتش..
-ياسمين: جاوي تقدر تكون شي حاجة مهمة..
-علي.. (ماجاوبهاش.. هز تيليفون ..صونا عليها.. جاوباتو رقية وهي كاتبكي..)
-رقية: اهئ اهئ.. علي .. هئ هئ.. مم هئ هئ..
-علي(بخوف): مالكي أ رقية شنو واقع؟؟
-رقية (ماهدراتش غا كاتبكي) : اهئ اهئ اهئ
-علي(عصباتو..وقف طونوبيل جنب) : رقية هدرييي مااتعصبيينييش باراكا من لبكاا.. اشنووو واااقع؟
-رقية: اهئ اهئ.. ممااما جاتها لبارح كريز.. ديال لقلب.. ديناها للاكلينيك.. اهئ اهئ.. وهي ائ باقا فخطر.. اهئ اهئ
-علي(تصدم..بحال الى صرفقتيه) : اشنوو.. اا كيفاش.... انا كلينيك نتوما فيه دابا؟
-رقية:اهئ اهئ كلينيك العاصمة.. اهئ..
-علي: هانا جاي دابا..
دار بزربة.. كسيرا بسرعةة كبيييرة.. وهو خاايف.. وعلاش لي مايخافش وهي الإنسانة لي رباتو.. عطاتو حنان الأم فلوقت لي كان محتاج ليه.. لام راسو وبزاااف كاع.. حيت لبارح ماجاوبهاش.. ماوقفو حتا وصل للكلينيك لي كالت ليه.. هبط كايجري.. دخل لريسيبشن لقا واحد لبنت تماك..
-علي: خديجة الراضي.. جات هنا لبارح بسبب كريز دال القلب..
-لبنت(قلبات فواحد لكتاب عندها تماك) : الطبقة 2 .. الغرفة 208 ..
كيف سمعها طلع بجرا نسا شي حاجة سميتها سانسور.. وياسمين تابعاه.. واخا عيات ولكن ماعندها مادير..
كيف وصل لقا رقية جالسة تماك وكاتنخصص.. غاشافتو وجات عندو عنقاتو..
-رقية: اهئ اهئ ماما أ علي ماما اهئ اهئ.. هي لي عندي فهاد دنيا..