🌿بقلمي : هند حداوي 🌿
بقات جالسة فلكوزينة شحاال..وهوما فصالون..بعدما شافتهوم طلعو لفوق بدلو حوايجهوم عاد هبطو..لبنت لبسات پيجامة مستورة مع زيفها ...والأم دارت ليه شدة ديال ناس زمان..أما ياسمين جااها جوع وجدات ليها كاسكروط .. حطات ليها موغصو ديال لكيك..وشي لاخر دارتو فثلاجة ..ودارت ليها قهوة معصرة..مابغاتش تكثر..تعمر طبلة على والو..ياله غاتبدا تاكل..حتى سمعات لباب تحل..وخطوات داخلين لوسط دار..عرفاتو غايكون غا علي..
-علي(باس راسو مو ويديها..وسلم عليها): الواليدة توحشناك..غبرتي عليا..
-خديجة(فرحانة): حتى انا يا وليدي ربي لي عالم .. راك عاارف رقية مع لقراية..مانقدرش نخليها ونجي..
علي رد لبال لرقية..
-علي: اوووه ..لالة رقية هنا..مرحبا مرحبا..كيدايرة المشة لاباس عليك؟
-رقية(تزنكات): لاباس الحمد لله..ونتا؟
-علي: نحمدو الله ونشكروه..(دور عينيه فدار لاتبانليه ياسمين ساعة ماشافهاش..)..رتاحيتو شوية بعدا؟
-خديجة(كاضحك بلا نفس): شوية أوليدي..واخا ساعة وحنا واقفين..عاد حنات علينا لبنت ودخلاتنا..
-علي(غوبش): كيفاش؟
-خديجة: أوليدي عند بالي راك فدار داكشي علاش ماهزيتش سوارت..ساعة بقينا ساعة واقفين فشمش..واخا كلت ليها راني الأم ديالك ماحلاتليش لباب..
-علي(مابغاش يكبر الموضوع على والو): اه..غاتكون غاماعرفاتكش أمي..وراني موصيها ماتحلش لباب حتى تعرف شكون داكشي علاش..كيداير واحد محسن لاباس عليه؟
-خديجة:لاباس عليه..عندو حتا هو لعرس سيمانة جاية داكشي علاش جيت عندك..
-علي: اوا مرحبا بيك أمي..راك عارفة الدار دارك..ماتحتاجيش لي يرحب بيك..
-خديجة(نفخات ريشها): عارفة لي كاين..رقية سيري أبنتي وجدي كاسكروط..من صباح ماطاحت نعمة ففمنا..
-رقية(وقفات): اه واخا أمي..
-علي(وجه لكلام لمو): انا غانطلع نبدل حوايجي ونجي..
🌿بقلمي : هند حداوي🌿
ياله غا يطلع فدروج حتى سمع شي حاجة تخبطات فلكوزينة..مشا يشوف شنو طاح ..حتا لقا لالة ياسمين طيحات .. واحد الملك فرعوني حاطو تماك مصنوع من الزجاج الشفاف...شاريه من معرض الفراعنة بمصر..كونه مهتم بالآثار..قيمتو كاتسوى الملايين. .
-علي(خنزر فيها):اش درتي؟
-ياسمين(شافت فيه بصدمة..بدات كاتمتم عليه): ااا انا ووالله ماقصدت..سمحليا ماقصدتش نطيحو..انا دزت من حداه هو يطيح..واقيلا غا لبرد..(بدات دمع)..
-علي(باقي مخنزر): لبرد؟؟..
-ياسمين: صافي انا غا نجمعو..غا سمحليا..نخلصك فيه ماشي مشكل ..
-علي(كايضحك بإستهزاء): تخلصيني فيه؟؟..
-ياسمين(كاتشوف فيه ببراءة):اه والله حتى نخلصك فيه..صبر عليا حتى نخدم..صافي؟
-علي(كايشوف فهاد لحمقة بإستغراب): واش من نيتك كاتهدري..ولا شنو..حيدي من تماك غاتجرحي بزااج..
-ياسمين(تحنات كاتجمع فيه): لا غا خليني أنا غانجمعو..
-علي(مشا حيد ليها داكشي من يديها..): صافي هدرت معاك..طلعي لبيتك..حيت مازال باغي نتفاهم معاك على شي حوايج..
-ياسمين(شافت فيه بتوتر): اا صافي واخا..سمحليا عافاك والله ماقصدت نطيحو ..
-علي(تحنا كايجمع فداكشي بلاما يجاوبها..)
-خديجة(من موراهم): ويلي اش درتي..داكشي كايسوى لملاين طيحتيه..
-ياسمين(كاتشوف فيها ماجاوباتهاش حيت هي براسها مصدومة من داكشي لي دارت)
-علي: صافي أمي ماشي مشكل.. البنت ماقصداتش..
-خديجة(كاتخنزر فيها): أويلي على ماقصداتش..ومخلياك نتا كاتجمع فيه من لفوق..عشنا وشفنا..
-علي(شاف فياسمين): ياسمين طلعي لبيتك..(سمعات لهدرة ومشات طالعة مع دروج..أصلا هي ماكانتش حاملة تبقى جالسة فداك الجو المتوتر)..(علي شا ف مو..بعدما جمع زاج): مي ماشي شي حاجة..ومافيها والو الى أنا جمعت زاج..البنت كاضل نهار كامل فشقا..هي لي كاطيب
وكاتجمع دار من نهار مشات دادا..وهادي حاجة بسيطة نديرها..وكانتمنى ماتبقايش تغوتي عليها مرة آخرة..
-خديجة(عرفات راسها زادت فيه): احم..أولدي أنا غا خفت عليك..وعاد نتا عزيز عليك داك الآثار لي طيحات..
-علي (إبتاسم فوجهها): .دابا نشري واحد أحسن منو..
لاح داكشي فزبل وطلع لبيتو..دوش وبدل حوايجو..لبس سيرفيط بيتية فلكري..مع كلاكيطة..ومشا دق على ياسمين..فبيتها..لي كانت ياله سالات صلاتها..حلات عليه لباب..
-ياسمين(شافت فيه..بتساؤل): ماذا هناك..همم؟
-علي(ضحك): كايبان ليا كاتبرمجي مرة مرة على سپايستون..😂..(هادي أنا خخخخ)..
-ياسمين(إبتاسمات ليه..وخرجات عندو ..باش مايدخلش عندها لبيت): شوية وصافي..
-علي(رجع كيف كان): احم..علاش ماحليتيش لمي لباب ؟
-ياسمين(شافت فيه): نتا وصيتيني مانحلش لباب لأي كان..
-علي: ولكن را ماشي أي واحد..را مي هاديك..
ياسمين: ولو..أنا مايمكنش ليا نتيق..وأصلا صونيت عليك..وحليت ليها لباب..ماتعطلتش..وماكنظنش..أنه مشكل كبير..وأنا عتاذرت ليها..
-علي: واخا..نزلي ديري كاسكروط..
-ياسمين: لا شكرا مافياش جوع..
-علي(خنزر فيها): دويت معاك..
-ياسمين: را بصح مافياش جوع..وزيادة على ذلك نخليكوم على راحتكم .. على أي كانبقا دخيلة عليكم وخاصني نعرف حدودي مزيان..
-علي: اش كاتخربقي نتي..كيفاش دخيلة..نزلي دابا قدامي مانعاودهاش زوج مرات..
-ياسمين:هووف(هادي كالتها فخاطرها)..واخا...نلبس ونجي..
-علي: اوك..ماتعطليش..
ياسمين..دخلات لبيتها وسدات لباب..جبدات پيجامة طويلة..مع شالها..ودارت كريم مسائي..مع مرطب شفاه..ونزلات..لقات العائلة الكريمة ..ياله زوقو طبلة كيف العادة..ولكن الأمر المختلف هاد لمرة..هو أن الآنسة رقية هي لي كاتوجد..همم باغا تبان حادكة مزيان..مزيان..
اللهم بارك..الخالة خديجة كاتخنزر فيها..أما رقية قالتليها ماتعرفيش كون كانو عينيها يخرجو لقرطاس كون خرجوه..سي علي..شارد فشي حاجة..
-ياسمين(بإبتسامة): مساء الخير..
-خديجة(بدون نفس): مساء النور..
بداو كاياكلو...وكان حتى لكيك لي صايبات فوق طبلة..سلامة مايفلتو حتى حاجة..
-علي(كاياكل فلكيك):..زوين هاد لكيك الله يعطيك صحة أرقية..
-رقية(بإبتسامة): بصحتك..
أما ياسمين..كاتشوف هنا وكاتشوف هنا..تاكلو فيه سم..ولكن آخر مرة تصايب شي حاجة... الكاذبة لا خرة..
-علي(شاف فياسمين..لي غاكاتنقب): كولي..مالكي كاتنقبي ..
-ياسمين(شافت فيه): هانا كاناكل..
-خديجة: او ابنيتي..فيناهوما واليديك..؟
-ياسمين(مالقات ماتكول شافت فعلي..باش ينقذها): احم..مسافرين أخالتي..(يا ربي تسمحليا)..
-خديجة: ما عندهومش مشكل أن بنتهوم تجلس فنفس دار مع عزري..بلا زواج بلا والو..
ياسمين..تصدمات..من واحد الناحية عندها الحق ولكن را ظروفها ماتسمحش ليها تمشي لشي مكان آخر..وهادي علاش كاتقلب عاوتاني..
-علي(شاف فمو): الواليدة خوذي ليك شوية من لكيك..وخلي ياسمين فراحتها..
-خديجة: اوا انا غا قلت ليك أوليدي..نتا زعما راك عارف بينك وبين الله..مايمكنش تبقا مجلس معاك عزبة..ومابيناتكم حتى رابطة..را عطا الله الأوطيلات..
-علي(مخنزر..وجه كلامو لمو): الواليدة ..أجي بغيت نهدر معاك شوية فشي حاجة...
YOU ARE READING
السيد العقيد ♥️
Romanceقصة فتاة عايشت تحرش الأخ وجشع الأب .. نهشتها أنياب الحياة من دون رحمة فأضحت ذات شخصية قوية .. ثابتة .. منطلقة 💞
