🌿بقلمي : هند حداوي 🌿
دنيا : ماكنتش كانفتاعل المشاكل بحال اي بنت فسني.. حيت بكل بساطة واليديا كنت دايراهم كل حاجة فحياتي .. (دموع كاينزلو ليها من عينيها.. وكاتحاول تكتم شهقاتها لي خرجو ليها بزز منها ) صحابي.. حبابي..فيهم اي حاجة.. واش يبغي الانسان اكثر من هادشي ناس يبغيوه ويخافو عليه من أبسط الأمور.. كان عندي عمي واحد.. خو بابا لكبير.. واحد طماع جشع.. عزاز عليه لفلوس بزاااف.. دون ضمير .. كان ديما کایلتاجئ لبابا باش يحل ليه مشاكلو .. المادية طبعا.. غي دخلت للجامعة .. قرر عمي يخطبني لولدو لي ماشي حسن منو.. حتى هو واحد سكايري وطماع ..ما بغيتش .. وحتى واليديا ماوافقوش عليه وتسد الموضوع .. وعمي مارضاش طبعا ولكن ما عندو مايدير من بعد ..مرض بابا فجأة.. مرضة خاايبة.. نعس فسبيطار ومن بعد سيمانة..مات ( أجهشت بالبكاء.. ما قدراتش توقف)
- ياسمين : (كا طبطب ليها على ظهرها .. عطاتها شربات) صافي.. الى ماحسيتيش براسك مزيان خلي حتى لمن بعد وكملي
- دنيا : غايبة عن الواقع ..ماداتهاش فاش قالت و تابعات كلامها بابا خلا وصية بلي كاع املاکو فاسمي .. انا الوارثة الوحيدة.. عمي فاش عرف..جا تهجم علينا انا وماما فدار .. حيت ماعندناش راجل نتحاما و فيه.. بغاني نتزوج بولدو بزز .. لكن ماما وقفات معايا ورفضات بشدة . واحد نهار كنت خارجة من الجامعة حتى لقيت ولد عمي .. قالبا بلي ماما عندهوم فدار ومريضة شويا .. انا تخلعت عليها بزااف.. عيطت ليها فتيليفون ولكن ما كاتجاوبش.. مشيت معاه لدارنا دخلت وهو يجبد ليا تيليفون ماما من جيب.. عرفت راسي طحت فالفخ.بكييييت لحجر .. غوت.. استنجدت كنت كانقول ربما يسمعني شي واحد ويعاوني!!.. (ضحكات باستهزاء).. ولكن ما من مجيب... اغتصبني بكل وحشية .. فقدت عذريتي بسبابو.....
💜
YOU ARE READING
السيد العقيد ♥️
Romanceقصة فتاة عايشت تحرش الأخ وجشع الأب .. نهشتها أنياب الحياة من دون رحمة فأضحت ذات شخصية قوية .. ثابتة .. منطلقة 💞
