السيد العقيد ♥️

الجزء 56 : (غيرة أحدهم 💜)

🌿 بقلمي : هند حداوي 🌿

علي كل شوية يقوليها كولي ماكليتي والو بحال الى غي هي لي كاينة..ماداهاش فلاخرين واش كاينين كااع..اصلا فلماكلة ماكايعقل على حتى واحد..ولكن ياسمين حالة خاصة..سالاو الماكلة..وجابو ليهم ديسير..كان كلاس كاراميل زوين..وبنين..ياسمين مابقا عندها فين تزيد..

- مريم: اووه الحمد لله...شكرا على العراضة اعلي..

- علي(ببرودة) : عادي ..راك بحال ختي امريم..

- مريم(ماعجبهاش لحال): احم..المهم حنا خاصنا نمشيو ياك اياسر..

- ياسر: اه ..بصح..
سلمو على بعضهم..ومشاو فحالهم...

- علي: خاصاك شي حاجة؟
-ياسمين: لا صافي غا ياله نمشيو ..
-علي : عييتي دغيا..
-ياسمين: اه جاني الملل..
-علي: هي حنا جبنا ليك الملل
-ياسمين: اوا نتوما كاتهدرو وانا كانشوف فيكم..ماغايجينيش الملل؟
-علي: اوا نتي لي بقيتي ساكتة..او لا ..
-ياسمين:نتوما كاتهدرو فلخدمة وانا مالي؟🤷
-علي: تقلقتي؟
-ياسمين: لا ..
-علي: انا جبتك هنا باش تفوجي شوية..ماشي باش ترجعي مقلقة. ..
-ياسمين(بضجر): ولكن انا را بصح مامقلقاش..ياله نمشيو .. عندي مايدار..
-علي: اوك..
ناضت ياسمين ..وهو هز كويرتو..من فوق الكرسي..وغادين خارجين فحالهوم..ماخلصش..واستنتجات على حد قول مريم قبيلا..أن المطعم ملكو..ياله غايخرجو من لباب ديال المطعم..وهو يدق فكتاف علي واحد الشخص..دارت وهي تلقاه..السيد لي تلاقاتو فممر المرحاض..بدا قلبها يضرب..واخا مادارت والو ولكن تخلعات..
-علي(خنزر فيه): كاين مانقضيو..
-الرجل(بإبتسامة..كايشوف مرة مرة فياسمين): سمحليا الى زعجتك..ولكن قبيلا شفت الأخت ديالك او عجباتني صراحة..ماكرهتش تعطيني نيميرو . نتكلم معاك..نتفاهمو على شي حوايج... نجيب واليديا ونجي نخطب..
علي سكت..تصدم..وماحملوش..ماكرهش يطير عليه..ولكن تحكم فراسو فآخر لحظة..
-الرجل(فاش شافو ساكت..بدا كايعبر بكل حرية..اعتبر صمتو موافقة على داكشي لي كايكول..): كون مابانتش ليا محتارمة..مستورة..وبنت ناس ماكنتش غانفكر فهادشي لي قلت ليك دابا ولكن..را القلب ماكانتحكموش فيه..
علي..شاف فياسمين..لقاها مصدومة..وحشمانة..
-علي(بخشونة شاف فيها ..ومد ليها سوارت): هاكي سيري للطوموبيل حتى نجي..
-ياسمين(دارت ليه حركة إيجاب براسها): واخا..
مشات بزربة وهي كاتحس بلمشية تالفة عليها..كيفاش طرا هادشي الله أعلم..بقاو ليها غا الخطاب..آش خاصك العريان خاتم أمولاي..
أما سي علي كاتحس بالدخان طالع ليه مع وذنيه...
- علي(خنزر فيه مزيااان..وخشا يديه فجيبو..تحنا لعندو ): نقوليك 2 كلمات... ماكاين لا خطبة لا زواج..فوتها عليك...
-الرجل(شاف فيه بإستغراب): علاش؟..ماكانظنش انه كاين شي سبب مقنع يخليك ترفضني..الحمد لله بداري وخدمتي ..غانوفر ليها. .. أي حاجة بغاتها..
-علي(زاد تعصب): لي عندي قلتو..
-الرجل: قالت ليا بلي نتا بحال خوها..داكشي علاش جيت ندير معاك صواب أما راك ماتستاهلش صراحة..كان عليا نهدر معاها نيشان..ونتفاهمو..
-علي(غاسمع هاد لهدرة وركبوه جنون): شناهوا؟😠..(ماعقلش على راسو..حتا هز يديه حتا لسما على شكل بونية وعطاها ليه لوجه..ماجا سيد يستوعب دقة..حتا زادو وحدة اخرة..عطاه دقة للنيف رعفو..خبط ليه وجهو مع ركبتو وجمعو بنص..خلاه منشور تماك ومشا للطوموبيل لي كانت شوية مدركة..

🙏بقلمي: هند حداوي🙏

دخل وخبط لباب وااحد لخبطة..بانتليه ياسمين متوترة ..داكشي علاش حاول يتحكم فراسو ومايقولش ليها شي حاجة ماتعجبهاش..أصلا الموقف عادي علاش كبر الموضوع الله أعلم..أما ياسمين..كانت القضية مخلطة عندها..من جهة كانت حشمانة من هاد الموقف..ومن جهة آخرة..خافتو يقوليها شي حاجة..ولا يعايرها..ولكن لحسن الحظ..سكت..ماهدرش..حدو كايبان ليك صدرو كايطلع وكايهبط بالأعصاب..وعروق جبهتو تنفخو..ولا حمر..وعراق..كاتدعي فخاطرها..ياربي دوز هاد الليلة بخير وعلى خير ماقادا على صداع..ديمار طونوبيل وزاد..بسرعة أكبر بكثير على لي جا بيها..ماوقف حتا وصل للدار..نزلات هي ..وهبط حتى هو وكل واحد فيهم طلع لبيتو بلاما يكلم الآخر..
دازت سيمانة..نفس روتين كايتعاود..حتى حاجة ماجديدة..ماكايهدروش بزااف من ديك نهار..وهو قالب وجهو..بحال الى هي لي مشات خطبات دري..وحتا هي ماحاشاتهاش ليه..خلاتو على خاطرو..ديك نهار كانت كاتوجد فواحد الكيكة ديال شوكولا ..مور العصر....كاتجي زويينة..(3 خمارات..4 بيضات ..1 ڤاني..كاس زيت..كاس سنيدة...كاس ما سخون..فورص حسب الخليط..2 دراهم كاكاو..وعاد فاش كاطيب كاتزوقيها من لفوق..بشوكولا ذايبة مع دانيت....لفيغمسيل)..حتا سمعات صونيت فلباب ..تخلعات .. شكون..هادا؟..علي رجع للخدمة وماكايجي حتاا لمغرب..مشات بحذر وقلبها كايضرب. ..

-ياسمين(مخلوعة):شكووون؟
سمعات صوت شي مراة تكون عندها ديك 60 عام..غليظ شوية..
-المرأة(بخشونة): حلي..لباب ..انا الأم ديال علي..
ياسمين..ماثاقتش..طلات من ديك لعوينة..بانت ليها مراة لابسة جلابة..فلكرونة..وحداها بنت دايرة الخمار..
ماعرفات مادير تلفات..مشات بزربة للفيكس..باش تهدر معاه وتقوليه شنو وقع..صونا مرة ..زوج..ثلاثة..عاد جاوب..
-علي: الو
-ياسمين: اا سلام..بغيت نقوليك دابا جات واحد لمرا ماعرفتهاش شكون ..هي وبنت دايرة الخمار..قالتليا بلي هي ماماك..واش ندخلها..؟
-علي(غوت عليها): كاتشااااوري معايا..دخليها..واااش مااحشمتيييش مخلياها منشورة تماك..فشمش..يالااه..تحرركييي..
قطعات عليه..تيليفون وهي ماحاملاش راسها..ماحملاتوش يغوت عليها..هي ماعرفاتهاش شنو دير ..ياه على بشر..غي خلي حتى يجي...وديك ساعة يحطو النقاط على الحروف..
مشات بزربة وحلات ليهم الباب..
-ياسمين(بإبتسامة): مرحبا مرحبا..سمحوليا ولكن ماعرفتكومش داكشي علاش..
لمرا ضربات فيها ودخلات..مغوبشة..
-المراة(خديجة..كاتخنزر فياسمين): عشنا وشفنا حتا ولاو لخدامات..يسدو لبيبان على مالين دار...
-ياسمين(شافت فيها بإستغراب على اللهجة لي كاتهدر معاها بيها): انا ماشي خدامة..كايبانليا فاهمة الأمور غالطة..وزيادة على ذلك ..من حقي نعرف شكون ندخل وشكون لا..ومافيها باس..الى تسنيتي شوية بينما تشاورت مع مول دار..
-خديجة(خنزرات فيها ..وهي ماحاملاهاش): وايني راكي واحد قليلة الأدب..
البنت لي جات معاها ماكاتهدرش..حدها كاتخنزر فياسمين ..غاتكون عندها ديك 23 سنة..دايرة الخمار..بلقة..وعينيها خضرين..المهم زوينة تبارك الله..
-البنت(رقية Rokaya): صافي ..أماما ماتديش عليها..ماهاكا كايكونو قلالات ترابي ..اش كاتسناي من وحدة جالسة مع راجل مامزوجش فدار وحدة..وواخذة راحتها كأنها هي مولات دار..
ياسمين شافت فيها ..طلعاتها وهبطاتها..وضحكات ضحكة إستهزاء..ودخلات تكمل كيكتها دون ماتعطي أهمية لداكشي لي قالوا..الشيء لي خلاهم يتفقصو ..عرفات ديك نهار من عثمان ان علي ميتة ليه مو..وخديجة لي رباتو..إذن رقية غاتكون بنت خالتو وماحملوهاش..تكون فدار..همم بحال والو .. تكون حاطة عليه العين..😂..