السيد العقيد ♥️

الجزء السابع : (ثمن الأولاد) 💜

🌿بقلمي : هند حداوي 🌿

"كم تبدو الحيواتُ سعيدةً عن مسافةٍ
خلفَ الوجوهِ و النوافذ."

- سوزان عليوان .

12:41

-الأم: غاكوني لالة ومولاتي وباراكا من لبهلان ديال والو .. اللهم راجل بعقلو ولا دري يبقا يتفلا عليك...
-ياسمين : ماما الله يهديك.. واش واحد رجل فدنيا ورجل فالاخرة هو لي غانعيش معاه ومرتو مسكينة مشللة
ماشفتیهاش باين الحزن فعينيها
-الأم: شكون قالها ليك؟! هي اصلا لي باغا تزوجو واخا حتال هاد العمر ولكن را ربي مارزقهومش لولاد وبقا صابر عليها شحال ودابا بغات تشوف وليدات يخلفوهم مايبقاوش مقطوعين من شجرة .. ماتلقا حتا شكون يترحم عليها الى ماتت
-ياسمين: لولاد ماشي هوما كولشي را شحال منهم والدينهم ولا حوهم سيري غا لدار العجزة تعطيك الخبار ..وطمع ماكايوصل لفين.. كاتلقايهم لاباس عليهم وماها نيينش... مايكون عندك والو وتحط راسك على المخدة تنعس ونتا مرتاح ولا يكون عندك مال قارون وما يجيكش نعاس كاع راسك فيه الف مطرقة وشحااال من واحد حاضيك .. ماكاين غا لي باغيها فيك ويتسنا امتا تجيك دقة .. انا حاجة وحدة لي متأكدة منها فهادشي كااامل ومتيقنة كل اليقين ان الله سبحانه ما غا يضعنيش .. انا ظنيت بيه خير .. وحاشا واش الله يخيب ظن عبده به .. " انا عند ظن عبدي بي فليظن بي عبدي ماشاء "" والحمد لله على كل حال

عند أب ياسمين (محمد..جالس هو والحاج مصطفى)
-الحاج مصطفى: اوا اش قلتي ؟! لوراق غاياخدو وقت..وانا غانسافر للسعودية باش نجيب شي نسلعة .. وضروري
ماندي معايا مرتي .. نديرو الفاتحة.. ومن بعد ندفعو الاوراق.. وكيف قالو ناس زمان الزواج بالنية والحرث بالنية

-محمد: ما عرفت مانقوليك اانا
قاطعو الحاج مصطفى : ماتقول والو را عشرة زمان حنا مالنا كانتفلاو هاك هاد البركة حرك بيها لوقت شوية .. دفع ليه جوا فيه 5 د لمليون..
-محمد(حل جوا عينيه حوالو): نسول الدار ونرد عليك مانقدر نقول والو دابا.. الله يعاونك ..

💜