🌿بقلمي : هند حداوي🌿
15:05
.. غي رجعات للجناح وهي تلقا دنيا كاتسنا فيها...
-دنيا (بقلق): ياكما وقعات شي حاجة ؟؟
-ياسمين ( بفرحة .. جراتها لواحد لبلاصة مدركة شوية): لا ماكاين والو هاد ساعة ولكن عندي ليك خبر ماعرفتش واش غايكون زوين بالنسبة ليك ولا لا.. جا عندي المحامي وقال ليا بلي خرجت براءة .. حيت فاش بحثو مزيان لقاوني ماشي انا لي سارقة .. خاصة ان الحاجة سمية اعتارفات
-دنيا: اوو الحمد لله.... واخا انا ولفتك بزاااف .. غانرجع للوحدة والعزلة عاوتاني بعدما لقيت معامن نتوانس... -ياسمين (اختفت إبتسامتها): ماتقوليش هاکا..انا غانبقى نجي نزورك ديما.. وبيناتنا تيليفون.. وان شاء الله تخرجي -دنیا : دابا فاش غاتخرجي اش غاديري ؟؟ وفين غاتمشي بعدا
-ياسمين (سكتات .. شحال): بصراحة مافكرتش فهادي فين غانسكن ولا اش غاندير كولشي جا على غفلة ...
-دنيا (مدات ليها شي سوارت ): هاكي هادو ... سوارت ديال دار ..كاينة هنا فكازا نيت.. فلمعاريف.. وهادا نيميرو ديال المحامي .. فاش تخرجي اتاصلي بيه يديك حتال للدار .. -ياسمين: ولكن ...
-دنیا : ماكاين ما ولكن .. نتي بحال ختي اياسمين .. شحال من حاجة مادرتهاش فحياتي نتمنى ديريها فبلاصتي. -ياسمين (عنقاتها) :شكرااا بزاااف ادنيا .. بلا بيك ماكنتش
عارفة اش غاندير ..
-دنيا : ولو... ما نبقاش نسمع منك هاد لكلام مرة اخرة صافي ..
واخا هاكاك كانت كاتحس ياسمين بتأنيب الضمير.. شوف دنيا اش دارت معاها وهي كذبات عليها .. ما قالتش ليها الحقيقة وانها هي المسؤولة على هادشي لي وقع
-ياسمين : كانتمنى تخرجي حتى نتي عما قريب..
-دنیا (بأمل): اه را داك نهار قاليا المحامي بلي يقدر يعطي كفالة.. ونخرج واخا غاتبقا عليا الرقابة من طرف الشرطة ومانقدرش نمشي لشي مكان اخر.. ولكن ماشي مشكل المهم هو اني نخرج من هاد المكان الموحش
-ياسمين (بابتسامة): ان شاء الله يا ربي
يتبع
YOU ARE READING
السيد العقيد ♥️
Romanceقصة فتاة عايشت تحرش الأخ وجشع الأب .. نهشتها أنياب الحياة من دون رحمة فأضحت ذات شخصية قوية .. ثابتة .. منطلقة 💞
