🌿بقلمي : هند حداوي🌿
20:23
دخلوها للبيرو بطريقة حيوانية .. واخا تكون سارقة بصح ما خاصهومش يتعاملو معاها هااكاك لواحد يقدر الظروف
شوية.. خصوصا انها ماشي رجل ولكنها أنثى!!.. نفس لكوميسير لي كان داك نهار ولكن ماشي بوحدو معاه قباض الأرواح المسمى بالحاج ... جالس مرح بحال الى فدارو وعلى وجهه أمارات الشمتة.. شوفاتو كون كانو قرطاس كون قتلوها.. بحال الى بغا يوصل ليها انك تخباي حتا تعياي
نجبدك نجبدك
- لكوميسير (باستهزاء): مرحبا مرحبا زارتنا بركة.. لالة ياسمين بشحمها ولحمها .. المكتب نور
-ياسمين (الصمت.. وحانية راسها).
-لكوميسير (بصرامة): ياسمين اليوسفي شنو كاتقولي فالتهمة لي موجهة ليك.. ولي هي سرقة ذهب الحاجة سمية شهيبة !!
- ياسمين (كا تحاول تجمع شتات نفسها حيت الى ماقواتش ياكلوها ذياب.. وهذا ماشي وقت الضعف ): انا اسيدي بريئة مادرت والو .. هو نفسه الراجل لي كانوا باغين يزوجوني ليه وجيت درت التزام.. ولكن باينة انه ماتسرطاتش ليه وجا باش ينتاقم مني !! وهو لي كايقول بلي انا سرقتو فيناهو هاد ذهب؟! واصلا مرتو مابيني وبينها حتى علاقة اول مرة شفتها فالخطبة وكانت اخر مرة .. وماحتكيتش بها نهائيا ... -لكوميسير : ولكن ماشي هادشي لي قالينا مصطفى بأنه هو و الأب ديالك صحاب.. وباك حالته المادية مزرية طلب منو يلقا ليك شي خدمة سواء الميناج ولا اي حاجة المهم هو شي حاجة لي تجيب لفلوس .. وبما ان الحاج كريم ومعروف بنزاهته المتورارثة عن عائلته العريقة قاليه تقدر تقابل ليا مرتي المقعدة مقابل قدر مالي محترم کل شهر صحيح هادشي؟.. (وبلاما يتساناها تجوب كمل كلامو .. كأنه كايقر عليها التهمة بدون نقاش) .. ولكن نتي وحدة طماعة اول 3 ايام قابلتي فيهم المرأة ولقيتيها من أطيب خلق الله إستغلتيها وسرقتيها ...
💜
YOU ARE READING
السيد العقيد ♥️
Romanceقصة فتاة عايشت تحرش الأخ وجشع الأب .. نهشتها أنياب الحياة من دون رحمة فأضحت ذات شخصية قوية .. ثابتة .. منطلقة 💞
