السيد العقيد ♥️

الجزء 41 :(أناس جدد) 💜

🌿بقلمي : هند حداوي 🌿
15:06

- عثمان:  لي بغيت نقوليك.. را واخا يدير معاك شي تصرف ولا يغوت عليك ماتدیش عليه..هه را طبع المخزن ماشي ليه
فدم وقااصح..
-ياسمين (بخوف) : واش قبييح بزااف ..
-عثمان (كايضحك عليها): هههه لا .. هو قبيح مع لقباح ولكن نتي مانخافش عليك ..
-ياسمين (ارتاحت شوية): نتمنى ....
-عثمان (مد ليها شي فلوس ):  خودي هادو حصتك .. - - -ياسمين : دیالاش؟

-عثمان : مقابل لخدمة لي خدمتي
- ياسمين:  (رجعاتهوم ليه ): لا لا شكرا.. يكفي داكشي لي درتي معايا ..
-عثمان: لا والله حتى تاخذيهم صافي.. اصلا لبنات كاتخصهوم شحال من حاجة.. وهادو را ما عاطيهومش ليك انا را رزقك
- ياسمين : الى كان هاكا واخة.. خدات من عندو لفلوس وخرجو من لكافي بعدما خلص عثمان داكشي لي كلاو... داها لواحد لمول.. باش تاخد داكشي لي خاصها .. ياسمين بصراحة هاد لفلوس جاو فوقتهوم.. كانت خاصاها شحال من حاجة.. خدات بيجامات منوعين شي قصير شي مستور واغلبية كانو فيهم ميكيات... اولويز منوعين... كريمات .. وعاد حوايج لخروج خدات شي كسيوات مع فولاراتهوم... صنيدلات .. صبيبطات .. وعاد شوميزات مع سراول... المهم تبرعات مزيان.. وخلصات وخرجات عندو كان جالس فواحد لكافي.. تماك .. طلعو فلوطو وزادو فحالهوم.. بقاو غادين شحال ..خرجو من كازا وبقاو ساعة تقريبا.. عاد بداو يبانوليها .. لفيلات .. وصل حدا وحدة.. كانت بلبيض ولكري .. حميمية.. زوينة بزاااف ومريحة.. كانت صغيرة شوية .. وفيها جريدة واعرة دايرين فيها جليسة .. هادشي لي بانليها غا من برا ...
- عثمان:  ها حنا وصلنا تفضلي...