السيد العقيد ♥️

الجزء 55: (موقف) 💜

🌿بقلمي : هند حداوي 🌿
14:15

جات خارجة وهو يوقف ليها واحد الرجل فطريق.. طولتو عادية.. زوين فوجهو.. نقي.. لابس سبور.. سيرفيط زرقة.. مع سپادري بيضة .. لحية خفيفة...

-الرجل (بابتسامة ) : سمحيلي ختي نسولك عافاك...

-ياسمين (شافت فيه): اه...

-الرجل : واش هاداك السيد لي كان جالس معاك تماك خوك.؟..

-ياسمين:  تقريبا.. علاش ؟

-الرجل : والو.. سمحيلي الى برزطتك..

- ياسمين:  ماشي مشكل...

غازادت شوية .. وهي تلقا علي واقف ..

-علي (مخنزر):  اش بغا؟

- ياسمين:  والو غاسولني

-علي غادي راجع ليه:علاش يسولك واش غا أنت لي كاينة ؟

-ياسمين( كااتجر فيه ): وارا مابغا والو سولني بأدب وانا جاوبتو عادي .. مافيها والو...

- علي (تعصب ) : شوفي..ماشي غا ليجا وقف عليك تهدري
معاه

-ياسمين خنزرات فيه حتى هي: صافي سمحليا لمرة جايا انا لي نمشي نوقف عليهم باش يهدرو معايا..  يااه

ياله بغا يهدر زادت وخلاتو لقات ديك مريم جالسة كاتسنا فيهم على نار... جلسات .. وجا سيهم علي جلس حداها .. حتى وقف عليهم.. واحد دري تكون عندو ديك 24 عام.. ما عندوش اللحية لابس كلاس

- ياسر : السلام عليكم.
سلم على علي سلام رجولي.. وسلم على بنت خالتو بلابيز شاف فياسمين وعطاها يديه ..

شدها ليه علي

- علي (كايضحك ضحكة صفرة): سلم عليا غا انا اصاحبي لبنت ماكاتسلمش

- یاسر (شاف فياسمين): اه سمحيليا

-ياسمين (بابتسامة): ماشي مشكل...

الآنسة مريم ماعجبهاش الموقف.. حسات كان علي مابغاش ياسر يسلم على ياسمين.. ولكن سكتات ... بقاو كايهدرو على الأحوال.. وعلى الحياة فالغربة كيف دايرة .. الخدمة..كيف العادة ياسمين.. ساكتة.. من غير بعد المرات.. علي كايسولها الى بغات شي حاجة.. جابو ليهم طاجين لحم بالبرقوق.. لي كان باين لذيذ.. مع العصير لي قال ليهم... بداو كاياكلو... وياسمين كاتاكل بشوية عليها.. علي كل شوية يقوليها كولي ماكليتي والو...