🌿بقلمي : هند حداوي 🌿
-دنيا( بنظرات مخيفة) : مافقت حتى دفعني عمي جيت طايحة فالارض ... ولكن كان فات لفوت .. شتي قلت ليك كانتشابهو و بزااف كاع .. كلنا ضحايا لوحوش آدمية... ناس ماكايعرفوش الرحمة ... عندهم حياة الناس بحال اللعب.. ولكن دعوة المظلوم ما کاتردش ابدا
-ياسمين (تنهدات) : بعدا بقات ليك ماماك الله يخليهاليك - -دنیا : (بوجه حزين) ماما الله يرحمها..ماتت عاماین دابا.. بعد هاد الجلسة.. تغيرات العلاقة بيناتهوم.. ولاو مصاحبین بزااف وعزاز على بعضهم... مما زاد هالة التقدير حول ياسمين.. حتى سهام ما تقدرش تقرب ليها .. ياسمين خط أحمر .. وشكون يقدر يقرب ليها وهي صحبة الحارس الشخصي لي هيا دنیا.. ما تنكرش انها ماعجباتهاش الطريقة الجديدة لي ولاو كايعاملوها بيها.. وتزادت عندها حتى ثقتها بنفسها ... ولات محط إهتمام وإحترام الجميع.
واحد نهار وحدة من لبنات دارت ليها لحشيش تحت لمخدة وبغات تبلغ عليها ولكن ياسمين اكتشفت الأمر .. وعطاتها قتلة ديال لعصا ... دكاتها مزيان.... لبنات سدو الباب وبداو كايشجعو فياسمين.. لي بقات كاضرب فلبنت بوحشية..حتى حسات براسها عيات وولات كاتلهت عاد توقفات وشافت فلبنت لي كان وجهها عامر دمايات..... تما بالذات اكتاشفات انو شي حاجة تغيرات فيها .. انو مشاو ليها صفاتها زوينين
وحل محلهم صفات اكثر وحشية.. هادشي لي كانت خايفة منو من لول انها تفقد سماتها.. انها تخرج من هنا انسانة أخرى غير لي دخلات.. وها هي كاطيح فمخاوفها للأسف ..لابد من بعض التنازلات الى بغيتي تستمري فهاد الحياة .. القوي ياكل الضعيف .. خذات من دنيا صفاتها العدوانية.. وولات نسخة مصغرة منها...
💜
YOU ARE READING
السيد العقيد ♥️
רומנטיקהقصة فتاة عايشت تحرش الأخ وجشع الأب .. نهشتها أنياب الحياة من دون رحمة فأضحت ذات شخصية قوية .. ثابتة .. منطلقة 💞
