السيد العقيد ♥️

الجزء 16 : ( ذكر) 💜

🌿بقلمي : هند حداوي 🌿
20:23

وصلات لديك الكوميسارية بمشقة الانفس ماخلات ما سمعات من عند الذكر لي جا معاها حيت الآخر كان سايك لوطو... بعض الذكور فالمجتمع كايستقواو على النساء كايكونوا واخدين مفهوم غالط للرجولة .. الرجولة ياعزيزي ماشي هي انك ضرب ختك ولا مرتك وتبين لينا بلي نتا الرجل ديال دار .. بلعكس الرجولة مواقف توقف مع ختك الى تظلمات الى شفتيها غادة فاتجاه خاطئ تجلس معاها وتفهمها بالتي هي احسن .. اما الضرب والكلام الجارح ماكايوصل لفين غي كاتحقدها عليك وتخليها دير عكس داكشي لي نتا باغي .. كاتخليها تحس انها بوحدها وكاتلجئ لشخص آخر يملئ داك الفراغ العاطفي.. شخص يحن عليها ويقوليها كلام زوين .. تحس براسها هي لي كاينة وتجدد ثقتها بنفسها .. وقطرة قطرة يحمل الواد كيف كانكولو.. هنا فين كاتلعب الذئاب البشرية لعبتها الماكرة.. وكاتستدرج الفتاة حتى كايوقعو فالخطيئة .. لو كانت البنت تايقة فراسها من الاول وعندها ما يكفيها من الحنان سواء الابوي أو الأخوي.. واليديها وخوتها ما باخلينش على بعضهم بالكلام الزوين .. اكيد ما غاتفكرش فشي حد لي غايلوث شرفها وسمعتها.. واخا كاين لي كايكون عندو كولشي وكايبغي يجرب .. كايكونوا ضحايا الرغبة الفضولية المفرطة وكانلقاو واحد كايشوف مو وعائلته عاد كايبدا يغوت على مرتو ويدير فيها هو الراجل ديال الدار.. علاش ؟! باش تبین ليهم انك نتا لي كاتحكم ونتا الآمر الناهي ؟! على العكس تماما هنا كاتبين الضعف ديالك.. وكيفما كايقول القيصر "إنما الرجال فوارس لكنما لا سلطة تعلو على النسوان " الى عاملتي مرتك مزيان قدام عائلتك غايحتارموها أكثر ويعطيوها قيمة اما الى كنتي نتالي راجلها وما محتار مهاش اش خليتي للغير؟ الرجولة .. ليست اسم مذكر .. ولكنها فعل يذكر .
💜