🌿بقلمي : هند حداوي🌿
15:05
اليوم الموالي.. مع 8 صباح تسمع ضجيج برا العنبر.. حتى حلات الحارسة الباب ودخلوا رجال الشرطة..كان العقيد عثمان مترأسهم .. شي 5 بحال هاكاك..دار براسو ما کا یعرفهاش وحتا هي ماداتهاش فيه.. باش ماثيرش الشبهات.. مشاو نيشان للمراحيض.. تحت استغراب الكل بما فيهم سهام.. هاد الأخيرة لي توترات فاش شافتهوم غادين لتواليت... اتجهوا جهة الباب الخفي..بقا واحد كايخدش تماك هو يتحل.. عثمان دار شاف فسهام بتشفي.. زعما راكي تكشفتي عييتي ماتهربي وفلخر جيتي لجهنم برجليك... دخلو معاه لقاو دروج كايوصلو لواحد دخيلة برات سجن.. رجعو للجناح ومشاو للسرير.. قلبوه مالقاو والو .. قلبو تحت منو هي تبانليهم شي حاجة مهزوزة شوية.. كان لباب ديال صندوق.. حلوه هوما يلقاو الخيرات.. جبد خنيشة ذاق منها...
-عثمان (بإستهزاء): الأنسة سهام كاتبيعي ي طحين فلحبس ؟!
-سهام مشات عند الله: ااا ااه.. هاداك مااشي ديالي...انا
ما اعرفتش شكون حطو ليا تماك.. اا والله ماديالي صدقني .. ماشي معقول انا المسؤولة عن العنبر.. ونبيع الكوكايين .. لا لا .. انا لي كانحارب هادشي ماشي العكس لبنات بقاو غا كايشوفو فيها زعما الله يمسخك.. تفضلات وحدة من ديما كانت عندها عداوة معاها
-البنت (سامية): لا اسيدي هي ديما كاتروجو هنا فلحبس.. وكاتبيعو للبنات .. لدرجة عنبرنا ولا معروف بين العنابر الأخرى اننا اكبر بزنازة.. ما خلات حتى نوع ماجابتوش
-سهام (حصلات ) : سكتي نتي ياديك لفعة.. الى كنتي ماكاتحملينيش ماشي بالضروري تكذبي عليا باش تهناي مني وكملات بدموع التماسيح ها ادي اهئ شي حاجة مادخلش للعقل .. انا راا من نهاار دخللت لهنا ندمتت وتبدلت كليا.. ما نقدرش اهئ ندير شي حاجة بحال هادي ابدا . وطاحت سخفات
DU LIEST GERADE
السيد العقيد ♥️
Romantikقصة فتاة عايشت تحرش الأخ وجشع الأب .. نهشتها أنياب الحياة من دون رحمة فأضحت ذات شخصية قوية .. ثابتة .. منطلقة 💞
