السيد العقيد ♥️

الجزء 61 (إنقاذ) : 💜

🌿بقلمي : هند حداوي 🌿

شي 15 دقيقة حتى لقا راسو حدا واحد لخربة..على شكل پتي فيلا..ولكن قدييمة بزاااف..حيطانها راشيين..تشوف فيها تحس بالكآبة..والأرواح الشريرة مالية المكان..عرفهوم ماغايكونوش كايدخلو من لباب لي كلو ربيع..يعني ماكايبانش..وهادشي باش يتفاداو الشبهات..فلاها مزيان..حتى لقا واحد سرجم صغير..تعلق فلحيط..لي كايكونو خارجين منو بحال لحجيرات صغار..وطلع بكل سهولة بحكم التدريبات..راه كولونيل ماغاتجيهش شي حاجة بحال هادي صعيبة..تحل بكل سهولة..مايمكنش ليه يدخل منو حيت صغيير بزاااف..ولكن غا باش ياخد فكرة على المكان..غي حلو تحلو عينيه على مصراعيه..الحيوان لي تلاقا فلقهوة كايحاول يحيد لياسمين حوايجها..وهي كاتبكي فصمت وكاتقاومو..مخرج لسانو كايلهث بحال شي كلب جائع..صعر مزييااااان..عينيه حمارو..ولاو بحال جمر..كايحس بدمو ولا سخوون..كايفور بالأعصاب..نقز تنقيزة وحدة .. كايقلب على شي حاجة بجهالة..لقا واحد لحجرة موقرة..وطلع عاوتاني بزربة..قنا على هدفو مزيااان .. ولي كان مؤخرة رأس داك الشاذ المريض.. رجع شوية لور..وشير عليه..طاح فلبلاصة..حيت داك المكان بالضبط حساس .. ياسمين .. تخلعات وفرحات فنفس الوقت..ماعرفت منين جات دقة..ولكن تكون منين ما كانت..را مزيان..هناتها من هاد المتوحش..المريض..كاتمسح فدموعها.. بغات تخرج لقاتو ساد لباب عاوتاني ..تفو على زهر.. اما علي..كان غايدخل من الباب ولي ليها ليها..جبد لفردي..وحيد داك ربيع من طريقو..دخل بحذر.. مالقا حتى واحد..دار خاااوية..من لداخل كارثة أكثر من برا..سمع لحس وتخبا مور واحد لحيط... غا بان ليه شي واحد عاطيه بظهر..هو يعطيه بلفردي لراس..طاح كااو..زاد بحذر كبير..وهو كايدخل لدوك لبيوت لي مسخين..ماعندهومش بيبان..الا واحد بابه..من خشب..بغا يحلو لقاه مسدود.. رجع لور..وعطاه برجليه  بلفقسة..حتا تحل بز منو..غا دخل وهي تبان ليه ياسمين..كاتبكي..خايفة..كاترجف كاملة..ولاخر طايح حداها..جات عندو كاتجري وتلاحت عنقاتو..
عنقاتو كااتبكي..فلول بصمت ومن بعد بدات كاتشهق..ماشي ساهلة تعرضي للاختطاف..والأصعب هو انه لي مختاطفك يكون مريض نفساني..اما هو اكتفى بانه يدوز يديه على راسها بحنان..
-علي(كايمسح ليها على راسها..بحنان قاليها): صافي كولشي سالة ..  ماحدي عايش حتا واحد على وجه الكرة الأرضية..ماغانسمحليه يآذيك..ششش .. براكا من لبكا البكاية..هانا معاك..ماعندك مناش تخافي.. (جرها موراه..):اجي هنا خليني نتفاهم مع هادا..
-ياسمين(باقا كاتشهق): اهئ اهئ..ا لاللا عععافاااك خلييينا نمشيوو من هنااا اللله يخليييك..اهئ اهئ..
-علي(كايسكت فيها): هششش.. ماعندك مناش تخافي..انا غانتفاهم معاه..ضروري ...باش عمرو مايعاود يآذي شي بنت ناس..(داها لواحد دخيشة).. اجي جلسي هنا خمسة دقايق وهانا معاك... خلاها تماك..واخا مابغاتش..ولكن قدر يقنعها نسبيا..مشا صاعر لداك الحيوان..لقاه بدا يفيق..قلب فدوك لبلاكارات..ساعة مالقا والو..مشا عمر واحد سطل ديال لما لقاه حدا داك لبيت..باارد..وكبو ليه على راسو حتا فاق قافز..
-علي(كايضحك بإستهزاء): على سلامة... طولتي علينا لغيبة اسيي؟؟ .. (ماتسناهش يجاوبو):جد بوك ماشي ديال لهدرة الحيوان..(مشا ليه بقا كايدخل ليه فلكروشيات..لاخر واخا كايبغي يدافع على راسو..ولكن مالقا كيف يدير سي علي كان هايج ولأقصى درجة..هز رجليه حتا هزها وعطاها ليه لكرشو..حتا سال ليه فمو بدم..لوا ليه يدو مزيان..عاود عطاه برجليه لوجهو..طاح على يديه تسمعاات طااااااق..فلعصو مزياااان..وفينما كايتفكر داكشي لي كان غايدير لياسمين..كايزيد يصعر عليه ويدخل ليه..حتا ولا كي شرويطة..وواخا هاكاك مابردش حتا حس بشي واحد موراه كايشد فيه..دار بزربة باقي معصب..لقاه عثمان..هز يديه  على شكل بونية..عطاها ليه لوجه..
-عثمان(كايمسح شوية دم جنب فمو): وا لحاج..واش عاجباك صحتك..باراكا على سيد دابا يموت ليك فيديك..
-علي(لا رد ..باقي كايدخل ليه)..
عثمان..شاف حتا عيا..مشا ليه جبدو من يديه بزووج بزز..هو يجر من هنا ولاخر كايتجابد معاه..وهو عرقان..ولا حمر..كيف كايكولو تحطي عليه لبيضة طيب .. بعد منو فاش تفكر انه باقي واحد لتحت..هبط ليه بجرا..لقاه فايق..ومكتف..بكوردة صحيحة..مايكون غا عثمان لي كتفو..عطا حتا هو قتلة ديال لعصا..ولكن ماشي بحال لي كلا لول.. خلاه مليوح تماك..جاو رجال الشرطة..حاوطو المكان..فلاوه مزيان..ومالقاوش شي حاااجة..من غير واحد سوط ولجام ديال الكلب..دلائل ان كانت تدل على شيء فانها تدل على سادية هذا المريض..علي طلع عند ياسمين..لقاها مخشية فبعضياتها .. وباقا مرة مرة كاتخرج ليها شهقة بزز منها..
-علي(حط يديه على راسها): ياسمين..
-ياسمين(لا..رد..باقا فنفس الوضعية)..
-علي(مالقا كيف يديرليها..هزها بين يديه..اما هي كاتبان واعية وماواعياش..وكاملة كاترجف..هبط مع دروج..وخرج فحالو..لقا سيارة شرطة... فإنتظارهم..بما ان سيارتو خسرات ليه. حل ليه واحد منهوم لباب لور..حط ياسمين و جلس حداها..مدور يديه عليها..كايحاول يوعيها..يخليها تحس بالأمان..وان الكوشمار سالا..لله الحمد..زاد بيهم السيد للعنوان فين كايسكن..ولسانو كايذكر الله..كايحمدو ويشكرو..حيت لقا ياسمين فآخر لحظة..شوية سمع تيليفون كايصوني..شاف لقاها خالتو..طفا تيليفون .. وكال للسيد لي معاه..
علي(بخشونة): احم..بدل الوجهة لحي السلام..تجزئة النصر..حدا دوك لي زاباغطومون جداد..
السيد:  واخا اسيدي..
كيف وصلو هزها بين يديه.. كانو قدام عمارة.. راقية.. طلعو فسانسور.. من بعد اتجهو لواحد لپرطمة.. كيف كادخلي كاتلقاي صالون على لباب..مفرشو بفراش تقليدي بإمتياز.. طلامط فلموپرة.. كرونة.. كاتزيدي شوية لوسط دار.. كاينة جليسة بلفوطوي ديال جلد.. مع طبيلة ديال زاج.. بيت نعاس.. مفرشو بالأسود..  ذوق رجالي.. بيت آخر.. داير فيه پلازمة كبيرة.. مفرش فراش تقليدي.. وعاد بيت ضياف..لي كان محايد.. مفرش بلباج..  بالإضافة الى حمام..  جايا مجموعة.. واخا ماكبيراش بزااف ولكن زويينة.. حط ياسمين فبيتو..
-علي(بحنان): ياسمين.. دخلي دوشي..  غانجبد ليك شي حاجة من حوايجي تبدلي بيها بينما شرينا لحوايج.. صافي؟
-ياسمين(دارت ليه براسها اه)
دخلات ياسمين لدوش لي كان فبيتو نيت.. جبد ليها سيرفيط ديالو.. واخا غاتجيها كبييرة.. ولكن قاضية الغرض.. واحد لفولار كانت مخلياه دادا هنا. تقاشرو.. . ..  حطهوم ليها فوق ناموسية و مشا للكوزينة.. يصايب ليها شي حاجة تاكلها.. جبد لكفتة من ثلاجة.. قلاها فلمقلة.. وجبد خبز ديال پانيني..  لفرماج.. ديال سوندويتش..  عمر داكشي..  حطو فلپريسة..  جبد عصير الليمون.. كان فثلاجة.. لبنان.. تفاح.. ليمون.. دار داكشي فپلاطو.. وداه للبيت.. دق عليها..  حلات ليه لباب ورجعات لبلاصتها..
-علي(بإبتسامة): ياله نوضي المشاكسة.. تاكلي..  واخا ماكانعرف نطيب حتا حاجة ولكن حاولت.. نتفنن 😂😂
-ياسمين(لا رد..  غا كاتشوفيه) 
-علي(حط داكشي فواحد طبيلة تماك.. ومشا عندها) : احم..  ياسمين..  الحياة.. كلها تجارب.. إبتلاءات من الله عز وجل.. باش كايختابرنا واش غانصبرو ولا غانقنطو من رحمته سبحانه وتعالى..  حتا واحد ماعاش حياتو كيف بغاها او كيف مخطط ليها..  بل الحياة كاتعيشيها كيف مكتبها ليك الله..

.