السيد العقيد ♥️

الجزء الثامن: (عتاب وقسوة) 💜

🌿بقلمي: هند حداوي🌿

01:37

والحال كما قال محمود درويش:
‏"قد مات فينا فجأةً، مانشتهيهِ ويشتهينا."

- ياسمين ( بصدمة .. وعينيها مغرغرين): با؟ انا بنتك ابا ..انا لي ديما كنتي كاتلعب معايا فاش كنت صغيرة وكاتقول ليا نتي هي نور عيني.. با انا را باقا ديك ياسمين صغيورة ماتبدل والو.. ما تبيعنيش برخيص ابا ..اهی اهي..واش يبقالي؟؟ الى نتالي با ونتي لي مي من لحمي ودمي بعتوني برخيص ..اش. خليتو للغريب مايتقال؟! الله يا ربي الله .. با عارفني مانقدرش نطيح كلمتك.. عافاك ابا ماتبيعنيش بحال ها ابا را لفلوس ماشي هوما كولشي فالحياة .. اهئ اهئ ائ..الله يا ربي الله تيتمت فشبابي وانا باقا ماشفت ماتشوفت يا ربي دير ليا لي فيها الخير يا ربي نتا لي عندي ونتا لي بقيتي ليا ياربي.. كولشي باعني ونتا لي عندي..يارب انت فوق كل شيء وكاتشوف اي حاجة .. اهئ اهئ ..اللهم إني قد مسني الضر وانت أرحم الراحمين .. اللهم اني قد مسني الضر وانت ارحم الراحمين .. اللهم اني مسني الضر وانت أرحم الراحمين كان هذا هو لكلام لي وجهاتو ياسمين لباها بعدما خبرها بأنه خاصها تجمع حوايجها باش تمشي لدار راجلها لي جاو دارو الفاتحة بلا عقد بلا والو بحجة ان الاوراق خاصهم وقت وهو مشغول .. كاتبكي .. كاتبكي وكاتبكي ..واد ودايز.. كون كان الحجر كون بكا من هاد الموقف... كانت بحال شي طفلة يتيمة ماعندها حد.. وفعلا كاين لي ميتم وواليديه على قيد الحياة للأسف الشديد...
-الأب تأثر شوية ولكن ما بينش.. وبجدية وملامح جامدة رد عليها بلاما ديري ليا هاد دراما كااملة.. سيد عطيتو لكلمة وسالينا .. حنا ماشي دراري صغار..وسي الحاج عندو الكلمة هي الكلمة .. قاليا من بعد وغاديرو العقد را ما كايضحكش... معقول وعقلو موزون ..جمعي حوايجك .. غدا فصباح غايجي موراك. ماماها كاتشوف وكاتبكي ماباليد حيلة .. كيف ناس زمان الى راجلها هدر تحني راسها وتسمع هدرتو واخا يكون غالط ...
Vos opinions?!
💜