السيد العقيد ♥️

الجزء 47: (عصبية) 💜

🌿بقلمي : هند حداوي 🌿

16:26

سالات ياسمين غسيل لماعن.. ودادا كانت دارت طاجين

بسفرجل.. بقاو كايهدرو على يامات زمان لي تفكراتهوم الدادا.. حتا دخل علي .
- علي: دادا واش كولشي واجد ...
-دادا : اه اولدي .. ها ياسمين غاتجيب ليكم لغدا..
-علي (شاف فياسمين.. ورجع شاف فدادا) : لا بلاش انا غانديه ... تغذا و وسالاو.. وحلفات ياسمين حتى هي لي تجمع دنيا .. تخلي الدادا ترتاح .. غسلات لماعن... وجفات لكوزينة.. سيهم علي ما رجعش لماعن ديال لغذا.. وحتى هي ماخرجاتش تشوف باش ما تخالفش كلامو .. طلعات لبيتها .. بدلات عليها بيجامتها لبسات وحدة غوز.. وتكات دير القيلولة واحد نصف ساعة.. ضرباتها لفيقة مع ديك 16 توضات وصلات العصر.. بقات كاتقرا فالقرآن وتسبح .. قرات شوية من الرواية .. حتى حسات براسها جاها جوع..عاد هبطات لتحت.. وفولار بيض فوق راسها... مشات نیشات للثلاجة.. جبدات لمسمن..سخناتو.. ودهناتو ب شكلاط.. وكاس لحليب.. وخرجات للصال أمونجي..ياله جلسات تاكل حتى بانليها داخل ومعاه صاحبو ..واقيلا كانو فجردة .. علا شوفات بعدا كايددير فيها ...مخنزرر مزيااااان .. اما داك صاحبو کا يطلع ويهبط .. قليل لحيا ماكايحشمش...
-علي (كايضرب ظهر صاحبو... بضحك ولكن كايذخل ليه مزيان... بحال الى كايقوليه جمع عينيك.) :.. أمين سبقني للصالة بينما نجيب لوراق من البيت ونجي
-أمين: (عاد بعد نظرو على ياسمين): اه واخا... غا زاد أمين للصالة.. ما بقاش كايبان.. وهو يجي ليها.. صعصع...

-علي (مخنزر): اش قلتليك؟

-ياسمين (بغباء): اش قلتي ليا؟
-علي :(زادت عصباتو) : ماتبقايش تستغباي عليا.. ياك قلت ليك صاحبي كاين فدار ماتهبطيش لتحت او لا ؟!