🌿بقلمي : هند حداوي🌿
16:26
.. همم... نشوفو اش كاين.. لقات روايات أحلام مستغانمي.. ولكن ماشي نوعها المفضل... پاولو كويلو... منی سلامة..دعاء عبد الرحمن...اه هاهيا لقاتها حنان لاشين.. العشق الأبدي... إذن هادي هي السلسلة الجديدة.. مملكة البلاغة ... نبدا اليوم إيكادولي وغدا نشوف الجزءين لي بقاو.. ومن بعد ندوز لروايات خولة حمدي ...ياي .. هاد الفترة غادوز زوينة بزااف .. اوو الحمد لله ما غايبقاش يجيها الملل..همم .. قرات صفحات من هذه الرواية الخيالية.. ومشات غسلات سنيناتها ووجها بصابون وتخشات تحت لمانطة تنعس..ياله كاتديها عينها حتا كاتسمع لباب تحل.. طلات بطرف عينها من تحت لمانطة.. وهو يبانليها .. سيهم علي .. كا يقرب لجهتها.. واحد لحاجة فاش كاتنعس كاتخشى كاملة تحت لمانطة.. ماكاتخلي لا رجلين لا راس ( هادي أنا ) .. كايقرب كايقرب.. او هادا اش كايدير هر لمانطة شوية من جهة رجليها .. غابانو ليه وهو يقلب دورة ورجع منين جا.. يكون ضاربو حمار الليل زعما .. وانا مالي... لمرة جاية غانبقا نسد لباب بساروت .. صباح فاقت مع 8 .. غسلات وجها وحكات سنانها .. ولبسات پیجامة مستورة فلكرونة مع فولارها باج .. وهبطات.. لكوزينة .. لقات دادا کاتصايب فلفطور .
-ياسمين( باستها) : صبح الخير ...
-دادا (بإبتسامة): صباح النور الحبيبة .. كيصبحتي مزيان -ياسمين: اه الحمد لله.. نعاونك فشي حاجة..
-دادا: لا صافي ساليت.. دي معاك هادشي لصال أمونجي... -ياسمين: اه واخا.. هزات ياسمين سينية ديال اتاي..داتها ورجعات هزات البلاطو فيه القهوة... المسمن.. الحرشة .. بتيبان.. كيكة.. زبدة بلدية.. البيض بلدي.. العسل.. لكونفيتير.. طبلة عامرة... بحال الى ماشي غا 3 ناس لي غايفطرو.. غاسالاو وهو يدخل قباض الأرواح.. بلبسة سپور كيف عادتو.. كانت طروا بييس.
YOU ARE READING
السيد العقيد ♥️
Romanceقصة فتاة عايشت تحرش الأخ وجشع الأب .. نهشتها أنياب الحياة من دون رحمة فأضحت ذات شخصية قوية .. ثابتة .. منطلقة 💞
