🌿بقلمي : هند حداوي 🌿
-الأب: أقسم أن أقول الحق ولا شيء غير الحق .. اسيدي حنا حالتنا المادية صعيبة .. وبغيت لي يعاوني على زمان ... وسيد الحاج معرفة من زمان والله يعمرها دار ميسور الحمد لله .. طلبتو يشوفليا شي خدمة لهادي... ومع مرتو مريضة وانا ثقة قاليا ماشي مشكل تجي تقابلها ... اوا مشات معاه ومن بعد وقع لي وقع سرقات ذهب وهربات واخا حنا ماربیناهاش على هادشي.. ربيناها تكون قنوعة ولكن لي فيه شي قاعدة عمرها تحيد منو..هي بنتي اه ولكن الحق والقانون لا يعلى عليه....
-القاضي: تفضل لمكانك.. ياسمين اليوسفي..ماذا تقولين في
التهمة المنسوبة إليك؟
-ياسمين: .. شافت فواحد الشخص جالس فلخر ديال القاعة وشافت فباباها .. وسيهم الحاج عاد نطقات مع إبتسامة ما مفهومش معناها انا كانعتارف اسيادة القاضي.. اني سرقت ذهب الحاجة سمية .. دون إرغام.. بكامل قواي العقلية.. وانا مستعدة لأي عقوبة ..
زوج شرطيات جروها من مرفقها بلؤم.. من بعد مسافة الطريق .. لقات راسها قدام باب من الحديد كبييير بزااف . من بعدو كاين بزااف ديال الممرات كل واحد وفين كايدي . دخلوها لواحد الجناح او كيفما كايقولو العنبر .. فيه بزاف دیال ناموسيات وعاد كوزينة وطواليطات تقولي دار .. شي ك يلعب الكارطة.. وشي ناعس وشي كايصبن.. كل واحد اش كايدير..
- الحارسة : (داتها لواحد ناموسية فلقنت) هاهيا بلاصتك.. الى درتي عقلك ما تخصك حتا حاجة غاماتكونيش عنيدة بزااف باش ما تآذایش ... حاولي تفاداي المشاكل
💜
YOU ARE READING
السيد العقيد ♥️
Romanceقصة فتاة عايشت تحرش الأخ وجشع الأب .. نهشتها أنياب الحياة من دون رحمة فأضحت ذات شخصية قوية .. ثابتة .. منطلقة 💞
