السيد العقيد ♥️

الجزء الخامس : (طمع وجشع) 💜

🌿بقلمي : هند حداوي 🌿
12:10

دوزات نص نهار كامل غا فلبكا .. عارفة انه ولات كاتبان لباها منقذته من الفقر والذل لي عايشين فيه .. ولكن فين مشات القناعة ؟ الرضا ؟ شحال من ناس ماعندهومش وعايشين قانعين بلي عطاهم الله حامدينو وشاكرينو وماناقصهم حتى خير .. ولكن واش كاع ناس بحال بحال ؟ اكيد لا .. وهادشي تبين ليها غا من باها لي بغا يبني سعادته وسعادة عائلتو على ظهر بنتو .. كانت من ديما فاش كاتفرج فالمسلسلات كاتمنى زوج يكون محب ورؤوف بها .. ماهامينهاش لفلوس ولكن واش غاتعيش الحب مع رجل كون جا يولد كون ولد قدها ولا كبر منها . دازت 12 ساعة و2 دقايق و 30 ثانية .. فاش سمعو دقان فلباب .. كانت جالسة فبيت نعاس مها .. حيت لبيت فين كاتنعس هو فين غايستقبلو ضياف .. لابسة قفطان مها لي واخا جاها واسع شويا ولكن فصالتو هيا هاديك .. لبساتو بزز مادارت والو لوجهها .. وفولارها فوق راسها مصايباه مزيان .. حارسة باش ماتفلت حتى زغبة يشوفها شيبة لعاصية .. كاتسمع لهدرة ولهاراج حدا لبيت .. بعد مرور نصف ساعة جات مها عندها لبيت
-الأم: نوضي را بغاو يشوفوك .. هزي هاد سينية ديال العصير ديها فيديك .. والى هدرو سكتي وحني راسك . -ياسمين (الصمت) : دخلات لعندهوم حانية راسها كيفما وصاتها مها.. وقدمات ليهم العصير .. سلمات على مرأة تكون فعمرها ديك 56 سنة .. كانت مقعدة .. وواحد. الراجل عندو هاديك 60 عام تقريبا .. جايبين الورد والشوكولا وعاد شي هدايا حاطينها حداهم .. باينة فيهم ولاد لقاع ولباع
- المرأة (سمية): تبارك الله على لالة ياسمين .. الزين والثباثة ..ربي يحجبك ابنتي
- ياسمين (بابتسامة مزيفة): شكرا ...
اما داك الشارف عينيه غا كايدورو فراسو تكول ضاربو تريسينتي..
-مصطفى: ايوا أسيادنا ندخلوا فالمعقول .. حنا جينا طالبين راغيبين يد بنتكم الغالية لالا ياسمين إلى قبلتوا علينا ...

💜

Rédigez un commentaire...