🌿بقلمي : هند حداوي🌿
15:07
صونا عثمان.. وهو يحل ليه واحد راجل شوية كبير فلعمر
لابس بدلة زرقة
-عثمان (عنقو): اهلاا با لعربي لاباس عليك؟
-با العربي: لاباس اوليدي نحمدو الله ونشكروه كيدايرة المادام.. الواليدة كولشي بخير ...
-عثمان: كولشي بخير يسول فيك الخير.. واحد علي فدار ؟ -با لعربي : اه را کايتسنا فيك دخل عندو
- عثمان: واخا..ياله اياسمين
تبعاتو وهي كاتشوف فهاد الخير.. جريدة بورود متنوعة.. ونوعها المفضل لي هو الياسمين كاين تماك.. داكشي منظم مزيان.. ووألوانها تبث الراحة في الأنفس..كاين پيسين صغير.. حداه جليسة صغيرة... وعاد باب من الخشب..كيف دخلو تلقا ليهم..شاب ثلاثيني.. فتقادة ديال عثمان..طول منو شوية.. ومفورمي عليه.. لابس سيرفيط كري.. وسيادري بيضة فرجليه.. عندو لحية .. مطولها شوية.. وداير تحسينة عادية. ملامحو حرشة بزاايد
-علي (عنق عثمان): أهلاا اصاحبي توحشناك .. غبرتي
- عثمان(بادلو العناق بحرارة) : راك عارف غالخدمة ومشاكلها.. ورا عاودتليك اشنو وقع مؤخرا.. المهم كانقدم ليك ياسمين .. هي لبنت لي قلت ليك عليها ..
-علي (شافيها .. وشتت النظر ديالو ) : اه متشرفين اختي.. مرحبا بيك
- ياسمين ( بصوت خافت) : شكرا..
-عثمان : صافي دابا انا غانمشي ياله تهلاو .. وصلت الأمانة.. الله يعاون
-ياسمين( شافت فيه بترجي.. كأنها مابغاتوش يخليها مع هاد المخلوق): صافي غاتمشي
-عثمان (كا يضحك.. تحنا لعندها ): هههه ماتخافيش علي را ظريف ما غا ياكلكش...
-علي: فين غادي .. جلس تشرب معانا كاس ديال اتاي -عثمان: لا والو خليت حفصة بوحدها .. ووضعها حساس شوية
-علي: الى كان هاكا على خاطرك
سلم عثمان على علي.. بعدما وصاه على ياسمين.. وخرج مشا فحالو ...
أما علي ماهدر ماتكلم مشا نیشان للكوزينة.. واحد شوية جا هو وشي مراة كبيرة شوية...
-علي : المهم ادادا انا عندي شي شغل ضروري..
BINABASA MO ANG
السيد العقيد ♥️
Romanceقصة فتاة عايشت تحرش الأخ وجشع الأب .. نهشتها أنياب الحياة من دون رحمة فأضحت ذات شخصية قوية .. ثابتة .. منطلقة 💞
