🌿بقلمي : هند حداوي 🌿
12:33
-ياسمين : اه ولكن قلت لينا غاتغذ او صافي..وانا جاني جوع
وهبطت ناكل مافيها باس...
-علي ( بصبر ): صافي ..واخة..فاش تسالي طلعي
لبيتك..أ آنسة.. متافقين ؟
-ياسمين: انا بغيت نخرج لجردة .. تخنقت فلبيت....
-علي (بعصبية):... نتي راكي ماشي فسياحة.. فهمتييي ؟؟!
جمعي راسك شوية... ملي كنتي بين ربعة لحيوط ماكنتيش
مخنوقة ديك ساعة ولا شنو.. باراك من دسارة وطلعي لبيتك دابا ياله
ياسمين.. تغرغرو عينيها .. وطلعات لبيتها وهي ما حاملاهش... ها هو أول واحد بدا يفكرها بلحبس ويعايرها بيه..اش ذنبها هي الى تفلاو عليها ؟.. ما منحقهاش تخرج لجردة وتشم شوية لهوا.. ياه على بنادم كي مريض... صافي ما غاتبقاش تهدر معاه ولا تديها فيه.. الى كان الوجود ديال شي شخص كا يسبب ليك في المتاعب ماعندك ماديري بيه فالأصل.. . .. الوقح.. إنسان متعصب غي بوحدو..الله يعطيه الإسهال... بلفقسة نعسات .. ما فاقت حتا قال المغرب الله أكبر.. صلات.. وهبطات عاوتاني لتحت تشوف دادا اش كادير.. لقاتها ياله طفات على لعشا...
- دادا : مساء الخير ابنتي.. كيبقيتي شوية ؟
-ياسمين (بإستغراب): اه الحمد لله
-دادا : كنت بغيت نفيقك قبيلا ديري معانا كاسكروط... ساعا قال ليا علي بلي عيانة شوية ومافيك ما تهبطي... داكشي علاش...
-ياسمين : اه كان كايضرني راسي ... ولكن دابا الحمد لله... -دادا : یاله اجي نتعشاو .. انا وياك علي را مشا يوصل صاحبو... نخليو ليه... تعشاو وسالاو.. كانت دادا دايرة لكفتة مشوية.. أكلتها المفضلة..
-دادا: بغيت نقوليك ابنتي اني غدا غانمشي صباح
للرباط.. عند بنتي ولدات...
-ياسمين (بصدمة): اه مبروك عليها ادادا
-دادا : الله يبارك فيك.. هانتي ابنتي را كولشي كاين فثلاجة.. الى حتاجيتي شي حاجة قوليها لعلي يجيبها معاه...را من أطيب خلق الله ما يخصرش ليك
YOU ARE READING
السيد العقيد ♥️
Romanceقصة فتاة عايشت تحرش الأخ وجشع الأب .. نهشتها أنياب الحياة من دون رحمة فأضحت ذات شخصية قوية .. ثابتة .. منطلقة 💞
