السيد العقيد ♥️

الجزء 40: (السي الكولونيل 🖤) 💜

🌿بقلمي : هند حداوي🌿
15:06

-عثمان : العفو .. ماتبقايش تشكريني مرة اخرة.. (كمل بجدية) : فاش دينا سهام البارح.. عذبناها مزيان حتى عتارفات معامن هي والعصابة لي كاتخدم لصالحها.. وملي درنا البحوث ديالنا لقينا بلي هاد العصابة ماساهلاش.. وراتنا الوكر ديالهوم ولقينا عليهم القبض فنفس النهار.. ولكن للأسف البوس ديالهم هرب ولد الحرام.....
-ياسمين (بخوف) : يعني
- عثمان: كاين خطر على حياتك اياسمين را ساهل عليهم يعرفو شكون نتي وفين كاينة.. مافيا خطيرة بزااف .. خصوصا راس الحربة...
-ياسمين (بدموع): كيفاش... دابا اانا فخطر .. خاصني ال -عثمان (كايهدن فيها ) : ماتخافيش ..نتي فحمايتنا دابا.. جميلك ما يتنساش .. كاين حل واحد .. هو انك تخباي لبعض الوقت ..
-ياسمين : فين غانتخبا ؟
-عثمان : عندي واحد صاحبي كولونيل.. شاد كونجي دابا.. وغالبا كايبقا فواحد دار عندو خارج كازا.. بطبعو عزيز عليه الهدوء.. ما نكذبش عليك.. فاش قلتها ليه فلول مابغاش... اضطريت نتكلم مع باه ونفهمو الوضع .. والحمد لله قدر يقنعو بطريقتو الخاصة..غاتجلسي معاه شي ايام بينما نلقيو القبض على لبوس.. كون كنت مسالي كون ديتك عند لواليدة تجلسي معاها .. ونكون انا تماك .. ولكن مرتي حفصة حاملة وقريبة تولد مانقدرش نخليها بوحدها.. خاصها العناية -ياسمين: ااه .. مبروك عليك
-عثمان: الله يبارك فيك ... جاب ليهم سيرفور لفطور.. ليها هي عصير الليمون.. بتيبان ..ميلفاي وحلوة شوكولا.. فرماج .. حريشات صغار... مسمن.. وليه هو قهوة كحلة.. كلاو وسالا
- عثمان : قبل مانمشيو بغيت نوصيك على شي حاجة
اياسمين.

-ياسمين : اها

- عثمان : هاد صاحبي لي قلت ليك عليه سميتو علي .. هو شخص ملتزم... وطبعو حاد شوية .. ولكن ولد ناس ومحترم بزااف .. هو الشخص الوحيد لي عندي فيه كامل الثقة بأنه غايحميك ويرد ليك البال .. لي نقول ليك...