အသင်္ချေစာဖတ်သူ၏ရှုထောင့်(အိုအာဗီရဲ့ဘာသာပြန်)

အပိုင်း ၆၄ : ပလ္လင်တို့ရဲ့သခင် (၁)

𝘜𝘯𝘪𝘤𝘰𝘥𝘦
𝘚𝘤𝘳𝘰𝘭𝘭 𝘥𝘰𝘸𝘯 𝘧𝘰𝘳 𝘡𝘢𝘸𝘨𝘺𝘪

ကင်မ်ယူရှင်း၏စတခ်ျမာ‘ဟွာရမ်းများကိုစုစည်းခြင်း’သည် သမိုင်းတွင်သေဆုံးခဲ့သော ယွန်းဟွာယန်းဒိုဟုခေါ်တွင်သည့်လက်ရွေးစင်ဟွာရမ်းတပ်သားများကိုဆင့်ခေါ်သည့်စကေးလ်တစ်ခုဖြစ်ပေသည်။

အရိုးရှင်းဆုံးပြောရမယ်ဆို ၎င်းသည် အီဂျီဟေးအသုံးပြုခဲ့သည့်‘တစ္ဆေသင်္ဘော’ရဲ့ကုန်းမြေဗာရှင်းမျိုးဖြစ်သည်။

၎င်းသည် သစ္စာနှင့်စစ်ပွဲမြို့စားမင်း၏စွမ်းအားနှင့်မယှဉ်နိုင်သော်ငြား ကြယ်တာရာတစ်ပါးအသုံးပြုသောအင်အားကြီးစတခ်ျမာတစ်ခုဖြစ်နေဆဲပင်။

“သွားတော့!”

နစ်မြုပ်နေသောအရိုးစုများ ဖယ်ကျင်းကာဘဲ့ဂျယ်စစ်တပ်အားတိုက်ခိုက်မည့်ယွန်းဟွာယန်းဒိုတပ်သားများထွက်ပေါ်လာကြသည်။တချို့ဟွာရမ်းများတွင်မျက်လုံးများမရှိတော့ဘဲ တချို့တွင်တော့ ခြေသို့မဟုတ်လက်များမရှိကြတော့။

မြင်ကွင်းဟာရက်စက်လွန်းလှသည်။ထိုတပ်သားများ၏ဝိညာဉ်များ အားအင်ဖျော့တော့ခြင်း၊သူတို့၏ဒေါသအာဎာတများချုပ်ငြိမ်းသွားခြင်းနှင့် သူတို့စိတ်နှလုံးသားများမရှိကြတော့ရင်တောင်မှ ကင်မ်ယူရှင်းဒီနေရာတွင်တည်ရှိနေသရွေ့သူတို့ဓါးအားမြဲမြဲစွဲကိုင်ကာတိုက်ခိုက်ကြမည်သာဖြစ်၏။

ထိုသူတို့သည် သူတို့တိုင်းပြည်ပျက်သုန်းခြင်းမှကာကွယ်ရန်တိုက်ခိုက်ကြသောစစ်သည်တော်များဖြစ်ကာ အခုထိုသူတို့သည် ပျက်သုန်းတိုင်းပြည်အတွက်တိုက်ခိုက်နေကြသည်။

“ခင်ဗျားကခုထိစောက်ကြောက်ဖြစ်နေတုန်းပဲ ကင်မ်ယူရှင်း!အခုတော့ခင်ဗျားက ခင်ဗျားရဲ့သေလူတွေကိုတောင်တွန်းအားပေးနေတယ်ပေါ့!။”

“...”

“လာစမ်းပါ။တစ်ယောက်ချင်းစီးချင်းထိုးရအောင်!”

သူခုထိ‌ဂယ်ဘဲ့ရဲ့ရန်စမှုအောက်ရှိနေဆဲပင်။အကြောင်းမှာကင်မ်ယူရှင်းသည်ခုထိမလှုပ်ရှားချင်သေး။ထိုပုဂ္ဂိုလ်သည် ဂယ်ဘဲ့အား ယွန်းဟွာယန်းဒိုရဲ့အင်အားကြီးစွမ်းအားဖြင့်ဖျက်ဆီးနိုင်သည်။ဓါးအတွင်းမှထွက်ပေါ်လာသောမှော်စွမ်းအားများလေထုထဲရုတ်ရင်းကြမ်းတမ်းစွာထွက်ပေါ်လာနေသည်။