السيد العقيد ♥️

الجزء الأول ( تعريف الشخصية الرئيسية)💜

🌿الجزء الأول🌿
💞بقلمي: هند حداوي 💞

.. عيون متعبة .. سوداء كسواد الليل.. وشعر ماقصير ماطويل.. لامع.. . كانو كايبانو خصلات منو من تحت حجاب ملتف حول الرقبة بعناية وايادي صغيرة وشفافة.فم كرزي.. جسم متناسق مخبي تحت من حوايج مفضفضين ..وباليين... هادو من مواصفات الجميلة ياسمين.. بنت فعقدها الثاني.. كاتعيش مع واليديها فحي مهمش بمدينة الدار البيضاء.. من نهار عقلات على راسها وهي . عايشة فبيت متواضع او بالاحرى نقدرو نكولو خربة مع الاب محمد نجار وامها عائشة كيف كل ام مغربية كالسة فدار مقابلة راجلها ووليداتها لي كاتشوف فيهم راسها مستقبلا وفاحسن المناصب انشاء الله وخوها اشرف لي كايتعتابر هو الذكر ديال دار عزيز على واليديه بلی قیاس نقدرو نکولو هو الابن المدلل رغم أن عمرو 23 سنة . محبوبة من طرف الجميع وتمنات لو حتى الحياة كانت كاتبغيها بحال الناس.. لانها وبكل بساطة من نهار تزادت شي نهار زوين مايمكنش لينا نكولو بان الفقر هو السبب لانها كاتعتابرو من اقوى المحفزات لي غاتخليها توصل لداكشي لي كاطمح ليه وبكل امل... لكن هاهي الان كاتلعن حظها لي حطها فهاد الموقف بل مواقف هما خلاوها تكره راسها وتكره هاد الحياة لي عايشاها واكثر شيء تكره انها ولدت انثى ... كاتبكي وكاتبكي وكاطلب من الله ينجيها من هاد القذارة لي ولات عايشة فيها .. كاتذكر شنو وقع ليها كاتبغي تحماق... وخاصة خاصة ان واليديها لي كانت كاتكول ماكاينش بحالهوم فاول فرصة ليهم زفوها لواحد الشخص لي ما كاتعرف عليه حتا حاجة سوا انه لاباس عليه بالبيان ومن بعد هاد الزيجة غاتقدر ديك ساعة تحصل على رضا واليديها.. فاش كاتذكر بأن الرضا ولا بالفلوس كاتجيها الضحكة.. كاتضحك بشمتة على هادشي لي جا ولي مازال جاي فطريقها...