The Last Immortal, Hidden God (Myanmar Translation)

Ch-23

Unicode
...
Hidden god shen yin
Chapter (23)
....

ကူချင်းနဲ့အားယင် နှစ်ယောက်သား မိစ္ဆာနယ်မြေနဲ့ နတ်လောကစည်းနားထိရောက်အောင် ဓားပျံသုံးကာပျံသန်းလာကြ၏။ ဒီလိုနဲ့ နှစ်ရက်အကြာမှာတော့ အရင်ကောင်းကင်ဧကရာဇ် ကျောက်အဖြစ်ပြောင်းလဲသွားရာ နေရာဆီကိုရောက်သွားကြသည်။

ရှီးလုံ(ဧကရာဇ်ဟောင်း)ရဲ့ ခန္ဓာကိုယ်ဟာ နဂါးအသွင်တိုင်းကျောက်ရုပ်ဖြစ်နေပြီး မီတာတစ်ရာကျော်ရှည်လျား၏။ ထို့အတူ နဂါးရဲ့ဦးခေါင်းဟာ ကောင်းကင်ယံထက်မော့ချီနေပြီး ပတ်ပတ်လည်မှာ အကာအကွယ်အစီရင်တစ်ခုက ပတ်ခြုံထားသည်။

သုံးလောကကိုနှစ်ကြာရှည်စီမံအုပ်ချုပ်နိုင်သော ဧကရာဇ်တစ်ပါးသည် နဂါးကျောက်ရုပ်တစ်ခုအသွင်ပြောင်းပြီး အသက်ဆုံးခဲ့ရသည့်တိုင် ရုပ်တုသည် ခန့်ညားဝင့်ထည်နေဆဲပင်။ (Tn-သူက acient love poetry ထဲမှာ ကျောက်ရုပ်အဖြစ်ပြောင်းသွားရတဲ့နဂါးဧကရာဇ်ပါ။ သူ့မိဖုရားကဗီလိန်လေ)

ကူချင်းနဲ့အားယင်လည်း တိမ်တွေပေါ်ကဆင်းကာ နဂါးရုပ်တုရှေ့ရပ်ကြည့်လိုက်ကြ၏။ ကူချင်းရဲ့အကြည့်တွေဟာမှေးမှိန်နေတာကိုမြင်တော့ အားယင် ဒွိဟဖြစ်သွားသည်။

"အားချင်း ဧကရာဇ်ဟောင်းက နဂါးကျောက်ရုပ်အသွင်ကိုပြောင်းသွားခဲ့တာ နှစ်အတော်ကြာပြီတဲ့!။ သူ့ကိုရှင်ရောအရင်ကတွေ့ဖူးလား?"

ကူချင်းကသုံ့ဟွာရဲ့တပည့်တစ်ယောက်ဖြစ်တာမို့ ဧကရာဇ်ကိုမြင်ဖူးမမြင်ဖူးဆိုတာ ထူးဆန်းသည့်ကိစ္စတော့မဟုတ်ပေ။

ကူချင်းကခေါင်းခါပြလိုက်သည်။

"ငါငယ်ငယ်တုန်းကတော့ သူကကျောက်ရုပ်အသွင်ကို မပြောင်းသေးဘူး။ ငါ့မိဘတွေကတော့ သူ့အကြောင်းပြောတာခဏခဏကြားဖူးတယ်။ ဒါပေမဲ့ ကံမကောင်းချင်တော့ ငါသူနဲ့တခါမှမတွေ့ဖူးခဲ့ဘူး"

ကူချင်းက ရှီးလုံဧကရာဇ်ကို လေးစားမှုအပြည့်နဲ့ကြည့်နေသည်။ ထို့အတူ ရှီးလုံရဲ့ နောက်ဆုံးသောခွန်အားသတ္တိနဲ့ ရဲရင့်မှုတို့ဟာ ရုပ်ထုကကြည့်လိုက်ရုံနဲ့မြင်သာလှပေ၏။

အားယင်က ကူချင်းပြောတဲ့စကားအဓိပ္ပါယ်ကိုနားမလည်ပေ။ သို့ပေမဲ့ ရုတ်တရက်သူမတခုခုကို သဘောပေါက်သွားဟန်နဲ့ ခေါင်းမော့ပြီး ကူချင်းအားမေးလိုက်သည်။