The Last Immortal, Hidden God (Myanmar Translation)

Ch-6

Unicode
....
Hidden God, Shen Yin
Chapter (6)
..

ရှေးလူတွေပြောခဲ့ကြသလို စွမ်းရည်မြင့်မားတဲ့လူတွေဟာ မျိုးဆက်တစ်ခုဆီမှာ ရှိကိုရှိကြတယ်တဲ့။ တဖြေးဖြေးနဲ့ လူဟောင်းတွေနေရာမှာ လူသစ်တွေဟာဝင်ရောက်လာကြပြီး ဆက်လက်တာဝန်ထမ်းဆောင်ကြရသည်။ သူရဲကောင်းတွေအတွက် ဒီစကားကမှန်ကန်သလို အလှပဂေးတွေအတွက်လည်း ကွက်တိကျသောစကားပင်ဖြစ်၏။

လူရှိရင် မြစ်တွေချောင်းတွေတည်ရှိပေးနေသလို မသေမျိုးလောကမှာလည်းထိုနည်းတူပင်။ နတ်သမီးလှလှလေးတွေဟာ မြစ်တစ်ခုကိုဖြတ်သန်းကူးလူးနေတဲ့ ရွှေငါးလေးတွေနဲ့သဏ္ဍာန်ဆင်တူသည်။ ထိုအချိန်မှာပဲ သုံးလောကမှာအလှဆုံးဖြစ်သော ကောင်းကင်ဧကရာဇ်၏ မိန်းကလေးဖြစ်သူ ကျင်ချောင်ဟာ ပျောက်ကွယ်သွားတာကြာချေပြီ။

ဒီလိုနဲ့ နှစ်ရာချီကြာလာတော့ အလှအပစံနှုန်းတွေနဲ့ကိုက်ညီသော ကျော်ကြားမှုတွေဟာ ပေ့ဟိုင်ရှိ ပိုင်နျန်ကျွန်းရဲ့ဥဒေါင်းမျိုးနွယ်စုသခင်မလေး-ဟွားရှုထံ အဆင့်ဆင့်လက်ကမ်းလာသည်။

ဟွားရှုဟာ ဥဒေါင်းမျိုးနွယ်ဧကရာဇ်ဟွားမော့၏ သမီးငယ်ဖြစ်ကာ အသက်တစ်ထောင်သာရှိသေး၏။ သူမရဲ့မွေးဖွားမှုကတော့ ရာဇဝင်မှာတောင်စာတင်လောက်ပေသည်။ သူမကိုမွေးဖွားမဲ့နေ့မှာ မင်္ဂလာအပေါင်းနဲ့ခညောင်းသည့် အရောင်အသွေးစုံတိမ်တိုက်တွေဟာ ပေ့ဟိုင်ရဲ့ ကောင်းကင်ပေါ်တွင် ထွက်ပေါ်လာခဲ့၏။

နှစ်ပေါင်းများစွာရှာဖွေရင်တောင် တွေ့နိုင်ဖို့ခက်သော ငါးမန်းမျိုးနွယ်စုတွေဟာလည်း ကုန်းပေါ်တက်ကာ သီချင်းတွေဆိုညည်းကြသည်။ နောက်ထပ်တချို့သော ပင်လယ်မိစ္ဆာ ကြီးကလည်း လကိုအမှီပြုကာ အနောက်ပင်လယ်ဆီမှအောင်ပွဲခံပေးကြ၏။

နောက်တနေ့ ဟွားရှုကိုမွေးဖွားသောအခါ တိမ်တိုက်တွေဟာပြန့်ကျဲသွားပြီး ငါးမန်းတွေလည်းနေရပ်ပြန်သွားကြကာ အောင်ပွဲခံသော ပင်လယ်မိစ္ဆာကြီးလည်းသေဆုံးသွားတော့သည်။ ဒီအဖြစ်အပျက်တွေဟာ မသေမျိုးတွေကြားထဲမှာတော့ပြောစရာဇာတ်လမ်းတွေအဖြစ်ကျန်ခဲ့ပြီး မင်းသမီးဟွားရှုဟာလည်း ကောင်းကင်ရဲ့အဖိုးတန်သမီးပျိုဖြစ်ကြောင်း ပြောကြလေ့ရှိသည်။ အနာဂတ်မှာတကယ်ကို အောင်မြင်မယ့်မိန်းကလေးဟာ ဟွားရှုသာလျှင်ဖြစ်နိုင်ကြောင့် သူတို့အများစုပြောဆို ချီးမွမ်းကြလေ၏။