Unicode
....
Last Immortal, Hidden god shen yin
Chapter (19) Part 3
...ဘေးနားမှာကူချင်းရဲ့သရုပ်မှန်ကိုမသိတဲ့လူနှစ်ယောက်ရှိနေသည်မို့ သုံ့ဟွာရဲ့ဩဝါဒက ဤတွင်ပြီး၏။
ကူချင်းကခေါင်းညိမ့်ပြပြီး သုံ့ဟွာရဲ့စကားတွေကို စိတ်ထဲ သေချာမှတ်သားထားလိုက်သည်။
"ဆရာ., ဒီတပည့်သေချာမှတ်သားထားပါ့မယ်။ ဆရာလည်းအထက်ဘုံကို စိတ်ဖြောင့်ဖြောင့်နဲ့တက်လှမ်းပါ။ ဒီတပည့်က ဖုန့်ယင်ရဲ့ဝိဉာဉ်ကို ဖုန့်မျိုးနွယ်ဆီပြန်ပို့ပြီး ဆရာတို့ဂုဏ်ယူရအောင်ကြိုးစားပါ့မယ်"
သုံ့ဟွာက ခေါင်းညိမ့်ပြပြီး သူ့ရဲ့တောင်ဝှေးကိုတချက်ဝေ့လိုက်တော့ လေထဲမှာ ထီးတစ်ချောင်းက ရုတ်တရက်ပေါ်လာပြီး ကူချင်းရှေ့တည့်တည့်ကိုပျံသန်းလာလေသည်။ ထီးရဲ့မျက်နှာပြင်ဟာ တောက်ပပြီး စွမ်းအားအပြည့်ပင်။ တောင်တွေနဲ့သစ်တော၊ သဘာဝရဲ့ပုံရိပ်တွေအားလုံးဟာ ထီးမျက်နှာပြင်တွင်ထင်ဟပ်နေ၏။ နောက်ပြီး ရေးချယ်ထားသောအနုပညာသည်လည်းအသေးစိတ်လွန်းသည်။
"အားချင်း, ဒါက ငါဆရာတစ်ယောက်တာဝန်ယူပြီးတဲ့နောက် သိမ်းထားခဲ့တဲ့ နတ်လက်နက်ပဲ။ ဒါကို နတ်မှော်ထီးလို့ခေါ်တယ်။ ဒီထီးရဲ့အောက်မှာရှိနေသရွေ့ ဘသူမှလာဖျက်ဆီးလို့မရဘူး။ ဒီနတ်မှော်ထီး(တနည်း..ကောင်းကင်ဒိုင်းကာမှော်ထီး)က တာ့ကျဲတောင်ရဲ့ဝိဉာဉ်အစောာင့်အရှောက်တွေရဲ့ အတွင်းအားတွေပေါင်းစည်းထားတာ။
ဖုန့်ယင်ရဲ့ဝိဉာဉ်ကိုရှာရင်း အန္တရာယ်တွေနဲ့ရင်ဆိုင်ရတဲ့အခါ ဒီလက်နက်ကိုသုံးပါ ငါ့တပည့်။ ဒီကောင်းကင်ဒိုင်းကာ မှော်ထီးကို မင်းအတွက်ဆရာကလက်ဆောင်ပေးလိုက်ပြီ။ မင်းအတွက် အထောက်အကူကောင်းဖြစ်မှာပါ"
သို့သော် ကူချင်းကတော့ နားမလည်နိုင်စွာနဲ့ပဲခေါင်းယမ်းမိသည်။
"ဆရာ, ဒီထီးက တာ့ကျဲတောင်ရဲ့လုံခြုံရေးအတွက်လည်းအသုံးလိုတယ်လေ! ဒီလိုယူလို့ဖြစ်ပါ့မလား?"
ထို့အခါ သုံ့ဟွာက အသံတည်ဖြင့်ပြောလိုက်၏။
"အကြီးတွေကပေးရင် မငြင်းဘဲယူရတယ်။ အားချင်း, ဆရာတစ်ယောက်အနေနဲ့ပြောရရင် ဒီထီးမှာ အတွင်းအားတွေအပြည့်ရှိနေပြီး ကောင်းချီးတွေအများကြီးရထားတာ။ နတ်ဘုရားတစ်ပါးလိုတောင်အစွမ်းထက်တယ်။ ဒါကြောင့်မလို့လဲ အကြောင်းရှိရှိ မင်းကို ဒီဆရာပေးတာပေါ့။ ဒါ ရထိုက်လို့ရတယ်သာမှတ်"
STAI LEGGENDO
The Last Immortal, Hidden God (Myanmar Translation)
FanfictionWangAnYu ,ZhaoLusi တို့ရဲ့ Xianxia drama (The Last Immortal , ShenYin )ကို Hengdianမွာ စတင္ရိုက္ကူးေနပါပီ ❤❤ Translation work of Best Novels Collection Team- BNC Team U can search 'Best Novels Collection Team' on Fb💛