Unicode
....
Hidden god, Shen Yin
အခန်း-၄
..
ဓားသွားသဏ္ဍာန်မျက်ဝန်းများက ဆွေခနဲဖြစ်သွားသည်။ ရေရဲ့ကြည်လင်မှုနဲ့အတူ သူ့ရဲ့ပုံပန်းသွင်ပြင်ဟာ ပန်းချီကားတချပ်အလားပင်။ ဒီပုံနဲ့သာဆိုရင် သုံးလောကမှာရှိတဲ့ မိန်းမပျိုလေးတွေကိုအလွယ်လေးဆွဲဆောင်နိုင်မှာပဲ။ သို့ပေမဲ့ အေးတိအေးစက်မျက်လုံးတွေပိုင်ဆိုင်ထားတာကတော့ စိတ်မကောင်းစရာ....။ သို့သော် ရေထဲကနေတဆင့်မြင်နေရသောသူ့ပုံရိပ်ဟာ ငယ်စဉ်က ရုပ်ရည်သွင်ပြင်နဲ့ဘာမှထူးမခြားနားပါချေ။
သူ့နောက်ကို လက်ထပ်ဖို့ဆိုပြီး တကောက်ကောက်လိုက်နေတဲ့ နတ်သမီးတစ်ပါးက သူ့ကိုကြည့်ရင်းစိတ်ခံစားချက်အပြည့်နဲ့စကားဆိုဖူးသည်။ ပန်းဆိုတာ အမြတ်တနိုးတစိမ့်စိမ့်ကြည့်နေရတာကောင်းပေမဲ့ ခြုံတောထဲက ပန်းဖြစ်မနေဖို့တော့လိုသည်တဲ့...။
ဖုန့်ရန်(ကောင်းကင်ဧကရာဇ်) ကျင်းပခဲ့သော ဝူးထုံကျွန်းရှိ မွေးနေ့ စားသောက်ပွဲတစ်ခုပြီးသွားကတည်းက နတ်သမီးဟွားရှုအကြောင်းကို မကြားရတာကြာချေပြီ။ ပြီးတော့ အဲ့ချိန်ကနေစပြီး သူ့ဘဝဂြိုဟ်ဆိုးဝင်ခဲ့တာပဲ။ သူဒီလိုကြီး အကျဉ်းကျသွားလိမ့်မယ်လို့ သူလည်းဘယ်ထင်ခဲ့ပါ့မလဲ?။ ကူချင်းသက်ပြင်းချလိုက်ကာ သဘက်ကိုခါးမှာပတ်လိုက်ရင်း အစိမ်းရောင်ခြုံနွယ်များပေါ်ကနေဖြတ်လျှောက်သွားလိုက်၏။
ရက်ပေါင်းတစ်ထောင့်ရှစ်ရာကျော်ကြာခဲ့ပြီးတာတောင် သူ့အနေနဲ့ လူနဲ့တူတာဆိုလို့ ခုနကသေရည်လာလာပို့တတ်သောကလေးမလေးကိုသာ သူတွေ့ဖူးသည်။ ဆရာကလည်း တအားမချုပ်ချယ်ထားပေမယ့် သူဒီတောင်ချိုင့်ဝှမ်းမှာ ကိုယ့်ကိုကိုယ် ဖုန်တက်ဆွေးမြေ့မသွားအောင် နေနေရ၏။(Tn-ပျင်းပြီးသေသွားမှာစိုးလို့ပါ)
ကူချင်း တောင်ထိပ်ပေါ်ကိုမော့ကြည့်ရင်း သူ့ရင်ထဲတင်းကျပ်လာသည်။ အကယ်၍ နေနတ်မင်း(လောကပါလနတ်မင်းလေးပါးထဲကတစ်ပါး)ကသာ သူ့ရဲ့စိတ်စွမ်းအင်တွေကို ချိတ်ပိတ်မပစ်ခဲ့ဘူးဆိုရင် တနေကုန်အိပ်လိုက်စားလိုက်ပဲနေနေတတ်တဲ့ ဝတုတ်(ရှင်းရီ) ကို အဖော်လုပ်ခိုင်းနေစရာတောင်မလိုပေ။ ပြောရရင် တာ့ကျဲတောင်ပေါ်က မှော်စွမ်းအားတွေကတောင် သူ့ကိုတားဆီးနိုင်မှာတဲ့လား?။ ဟင့်အင်း သူ့ကိုတားဆီးနိုင်လောက်တဲ့ထိအားပြင်းမနေဘူး!။
YOU ARE READING
The Last Immortal, Hidden God (Myanmar Translation)
FanfictionWangAnYu ,ZhaoLusi တို့ရဲ့ Xianxia drama (The Last Immortal , ShenYin )ကို Hengdianမွာ စတင္ရိုက္ကူးေနပါပီ ❤❤ Translation work of Best Novels Collection Team- BNC Team U can search 'Best Novels Collection Team' on Fb💛
