Unicode
မနက်ခင်းနေရောင်ခြည်နွေးနွေးကိုခံစားမိတာကြောင့် တိမ်လွှာထက်ယံ မျက်လုံးဖွင့်ကြည့်လိုက်တော့ ကုတင်ဘေးကနေသူ့ကိုရပ်ကြည့်နေတဲ့ မင်းအက္ခရာကိုတွေ့လိုက်ရသည်။
"အင်းးးးး နိုးနေတာကြာပြီလား"
"မကြာသေးဘူး ယံလေးခါတိုင်းဒီလောက်မအိပ်သလိုဘဲ"
"ဘယ်လိုသိတာလဲ"
"ဘာကိုလဲ?"
"ဒီချိန်ထိမအိပ်တာကိုလေ"
ကုတင်ပေါ်မှာ တင်ပလ္လင်ခွေထိုင်ပြီး ခေါင်းအုံးကိုပေါင်ပေါ်တင်ကာ သူ့ကိုမျက်လုံးတောက်တောက်လေးတွေနဲ့ကြည့်နေတဲ့ယံလေးကြောင့် ခရာရင်ခုန်ရပြန်သည်။
"အဲ့ဒါက....အဟမ်း ခါတိုင်းဒီအချိန်ဆိုကိုယ့်အတွက်မနက်စာတောင်လုပ်ပေးပြီးပြီလေ"
ငေးကြည့်နေမိတာကြောင့် အရှက်ပြေချောင်းဟန့်ပြီးမှဖြေရသည်။ အခုရက်ပိုင်းအရင်နဲ့မတူဘဲချစ်စရာကောင်းလာတာ သူများမြင်မှာတောင်ဝန်တိုနေရလေသည်။
"အာ.....ဟုတ်သားပဲ ခုသွားလုပ်ပေးမယ်နော်"
ကုတင်ပေါ်ကအမြန်ပြေးဆင်းပြီး ရေချိုးခန်းထဲပြေးဝင်သွားတဲ့ကောင်လေးကိုကြည့်ပြီး သူ့လုပ်ရပ်တွေကို နောင်တရနေရလေသည်။ အရင်ကတည်းက ခရာ့ဝိယာဝိစ္စအကုန်မငြီးမငြူလုပ်ပေးတတ်သလို သွေးမတော်သားမစပ်တဲ့ အိန္ဒြာလေးကိုလဲသမီးအရင်းလိုစောင့်ရှောက်ပေးသည်။ ဒီကောင်လေးရဲ့ဖြူစင်တဲ့စိတ်ထားလေးကိုသူဘာကြောင့်မမြင်ခဲ့ရပါလိမ့်။
မင်းအက္ခရာcompanyသွားတာနဲ့ ဒီဇိုင်းတွေကိုသာစိတ်နစ်ပြီးဆွဲနေလိုက်သည်။ နေ့လည်လောက်ရောက်မှနေ့လည်စာချက်ပြုတ်ပြီး companyကိုလိုက်သွားသည်။ အားလျန်ရဲ့ပြောပြချက်အရဆို ဒီနေ့အခြေအနေက ကစားလို့ကောင်းမယ့်အနေအထားဖြစ်သည်။ companyရောက်တော့ မင်းအက္ခရာရဲ့ရုံးခန်းကိုသာတန်းသွားလိုက်သည်။
အရင်တစ်ခါပြဿနာတက်ပြီးကတည်းကသူ့ကိုမင်းအက္ခရာနဲ့လက်ထက်ထားတဲ့သူဆိုတာသိသွားတာကြောင့် ဘယ်သူကမှမတားရဲပေ။
"ကို ကိုဘာတွေဖြစ်နေရတာလဲ ဘာကိုတွေဝေနေတာလဲ အဲ့ကောင်ကကို့လုပ်စာကပ်စားနေတဲ့သူပဲဟာ လျော်ကြေးပေးပြီးမောင်းထုတ်လိုက်ရင်ရတာပဲ"
YOU ARE READING
Systemကငါတို့ကိုအောင်သွယ်ပေးတယ်(Systemကငါတို႔ကိုေအာင္သြယ္ေပးတယ္)
FanfictionUnicode+Zawgyi Start Date= 15,4,2022 End Date= 28.9.2023
