Unicode
အထိန်းတော်ကြီးလက်ထဲကပန်းချီကားကို လက်လွှဲယူလိုက်ပြီး အရှင့်ရှေ့မှောက်ချပြလိုက်သည်။ အရှင့်မျက်နှာကအလိုမကျသလိုမျက်မှောင်ကြုတ်သွားပြီး အမတ်တစ်ချို့ကအံ့ဩသွားကြသည်။
"အရှင်ဒီပန်းချီကားကိုသိမှာပါ"
"ချည်နှောင်ဖွဲ့အသက်ကျိန်စာကားချပ် ဒါကပန်းချီမဟုတ်ဘဲကျိန်စာကားချပ်"
"ဟုတ်ပါတယ်အရှင် အရှင်မှတ်မိမှာပါ လွန်ခဲ့တဲ့ရက်ပိုင်းကစာကြည့်ဆောင်ကိုလာပြီး အရှင့်ဆီကကျိန်စာအကြောင်းစာအုပ်မေးခဲ့တယ်လေ"
"အင်း ကိုယ်မှတ်မိတယ်"
"အဲ့ဒီနေ့က လီအော်ကိုယ်လုပ်တော်ရင်းဆီသွားခဲ့တယ် ကိုယ်လုပ်တော်ရဲ့အဆောင်မှာဒီပန်းချီကားကိုတွေ့ခဲ့တာ အဲ့ဒါကြောင့်ပဲအရှင့်ဆီကစာအုပ်လာတောင်းခဲ့တာ"
ဖန်းဇယ်ကိုယ်လုပ်တော်ရင်းကိုကြည့်လိုက်တော့ ခေါင်းငိုက်စိုက်ကြသွားပြီး ဘယ်သူ့ကိုမှမော့မကြည့်ရဲတော့ပေ။
"ဒီကားချပ်က ကိုယ်တော့်ရဲ့ဘိုးဘေးကရေးဆွဲခဲ့တာ အမုန်းတွေနဲ့ပြည့်နှက်နေတဲ့အချိန်မှာ သူမုန်းတဲ့သူကိုလဲကျိန်စာတိုက်ပြီးသူကိုယ်သူလဲစတေးပြီး ဒီကားချပ်ကိုလိုချင်သူမှန်သမျှကိုလဲကျိန်စာသင့်စေခဲ့တယ် စိတ်သန့်သန့်နဲ့ကိုင်တဲ့သူသာကျိန်စာကမထိရောက်မှာ"
"ကြင်ယာတော်ရင်းက လီအော်ကိုမကျေနပ်ရာက သူ့ကိုယ်သူထိခိုက်စေခဲ့မိတာ ဒါကြောင့်လဲသူကျိန်စာပြေနိုင်ဖို့ လီအော်ကိုမတရားစွပ်စွဲခဲ့တာ"
"တောက်! အထိန်းတော်ကြီး အဲ့ဒီကားချပ်ကို ဘိုးဘေးဆောင်မှာသွားသိမ်းထားလိုက်ပါ ကိုယ်လုပ်တော်ရင်းကို လက်ချောင်းတွေချိုးပြီးအချုပ်ထဲထည့်ထားလိုက်"
ဖန်းဇယ်အမိန့်ချပြီးတာနဲ့ ညီလာခံသိမ်းဖို့ကြေညာပြီး ပလ္လင်ပေါ်ကဆင်းကာ လီကျဲနားလျှောက်လာသည်။ လီကျဲအနားရောက်တယ်ဆိုရင်ပဲ ကိုယ်လုပ်တော်ရင်းရဲ့ ရယ်သံကိုကြားလိုက်ရသည်။
"ဟားးးးး ငါရှုံးသွားမှတော့ နင်လဲမနိုင်စေရဘူး လုလီကျဲ"
ဘေးမှာရပ်နေတဲ့ရဲမက်ရဲ့ခါးကဓားမြှောင်ကိုဆွဲယူပြီး လီကျဲဆီပစ်ပေါက်လိုက်တော့သည်။ ဖန်းဇယ်လက်ဆွဲတော်ဓားကိုသုံးပြီး ဓားမြှောင်ကိုဦးတည်မှုပြောင်းစေလိုက်ပေမဲ့ လီကျဲကတော့သူ့ရင်ခွင်ထဲပြိုကျလာသည်။
ВЫ ЧИТАЕТЕ
Systemကငါတို့ကိုအောင်သွယ်ပေးတယ်(Systemကငါတို႔ကိုေအာင္သြယ္ေပးတယ္)
ФанфикUnicode+Zawgyi Start Date= 15,4,2022 End Date= 28.9.2023