Uni
အခန်း (၄၀၂) မငြိမ်းသောမီးအိမ် ဗောဓိသကျ
ဆန်းလျန်၏ ညာဘက်လက်မှာ မီးများ လောင်ကျွမ်းနေဆဲ ဖြစ်လေသည်။ ကြေးနီ ခေါင်းတလားကြီးသည် တဖြည်းဖြည်း ပွင့်လာလေသည်။ သို့သော် ဒေါသ တရားများနှင့် များပြားလှသည့် စွမ်းအင်များကိုတော့ ထုတ်လွှတ်နေဆဲ ဖြစ်လေသည်။
လွန်ခဲ့သည့် နှစ်ပေါင်းများစွာ တုန်းက...
ထိုခေါင်းတလားကြီး ထဲတွင် လူထူးလူဆန်း တစ်ယောက်ကို မြှုပ်နှံ ထားခဲ့လေသည်။
ထိုလူထူးလူဆန်း ပျောက်ကွယ်သွားသည့် အခါတွင်တော့ ကြေးနီ ခေါင်းတလားကြီးမှာ ထိုလူထူး လူဆန်း၏ ဒေါသ တရားများဖြင့် ပြည့်နှက်ပြီး ကျန်ရစ် ခဲ့လေသည်။ ထိုလူထူးလူဆန်း ကလည်း ထိုဒေါသ တရားများကို ခေါင်းတလားကြီး ဆီတွင် တမင်တကာ ထားခဲ့ခြင်း ဖြစ်လေသည်။ အဘယ်ကြောင့် ဆိုသော် ထိုဒေါသ တရားများသည် လောက တစ်ခုလုံးရှိ ဝိညာဉ်များနှင့် သက်ရှိသတ္တဝါများ အားလုံးကို ဖျက်ဆီးပစ်ရန် လုံလောက်သောကြောင့် ဖြစ်လေသည်။
မီးအိမ်ဆီမှ အစိမ်းရောင် အလင်းတန်းလေးသည် တောက်ပ နေလေသည်။
ရုတ်တရက် ...
မီးအိမ်သည် ဆန်းလျန်၏ အသက်ဓာတ် စွမ်းအားများကို လောင်စာအဖြစ် စုပ်ယူလိုက်ပြီး မီးတောက်များ တဟုန်းဟုန်းဖြင့် ပြင်းထန်စွာ တောက်လောင် လာလေတော့သည်။ ကြေးနီခေါင်းတလား ဆီမှ ဒေါသ တရားများသည် မီးအိမ်မှ မီးတောက်များ အတွင်းသို့ ပျံ့နှံ့ သွားလေသည်။
မီးတောက်များ ထဲမှ တဟုန်းဟုန်း မြည်သံများ ထွက်ပေါ်လာပြီး အလုံပိတ် ထားသည့် မီးအိမ်လေးသည် အဆုံး မရှိနိုင်သည့် ခံစားချက် များစွာကို ထုတ်လွှတ်ပေး နေလေတော့သည်။
မီးအိမ်မှ မီးတောက်၏ သက်ရောက်မှု အောက်တွင် ဆန်းလျန်၏ မူလဝိညာဉ် ခန္ဓာမှာ အစိတ်စိတ်အမြွှာမြွှာ ပျက်စီးတော့မည့် အလား ခံစားနေရပြီး သူ၏ မှတ်ဉာဏ် များမှာလည်း ရှုပ်ထွေးမှုန်ဝါး လာလေသည်။
သူရယူထားသည့် မူလခန္ဓာပိုင်ရှင် ဆန်းလျန် အစစ်၏ မှတ်ဉာဏ်များသည် ပိုမို ရှင်းလင်းလာပြီး သူ၏မှတ်ဉာဏ်များ ကတော့ ထိုမှတ်ဉာဏ်များ အပေါ်တွင် ထပ်မံရောက်ရှိ လာသည့် မှတ်ဉာဏ်များ အလား မှတ်ဉာဏ် နှစ်ခုသည် ဝေဝါးလျက် ရှိလေသည်။
ESTÁS LEYENDO
ချင်းရွှမ်လမ်းစဥ် ဆရာသခင် (Part 3) (Myanmar Translation)
FantasíaZawgyi + Unicode Daoist Master of Qing Xuan မူရင္းေရးသားသူ - Zhong Yuan Wu Bai ဘာသာျပန္ဆိုသူ - ဇင္ေျပ Total episodes - 1024 Daoist Master of Qing Xuan မူရင်းရေးသားသူ - Zhong Yuan Wu Bai ဘာသာပြန်ဆိုသူ - ဇင်ပြေ Total episodes - 1024
