အပိုင်း ( 1196 )
"တောင်ထိပ်သခင်လီ... ငါစိတ်ထဲမှာ ဆုံးဖြတ်ပြီးပါပြီ၊ ထပ်ပြောစရာ မလိုတော့ဘူး"
ချူးယွန် အပိုတွေ မပြောချင်တော့ပါဘူး။
နောက်ဆုံးမှာတော့ သူ့ရဲ့ မူလရည်ရွယ်ချက်ဟာ ကူရှိချောင်နဲ့ တွေ့ဖို့ပဲ မဟုတ်လား။
"နင်ရော ဘယ်လိုလဲ"
လီချင်းက ဒေါသကိုထိန်းပြီး နဝမမင်းသမီးကို လှည့်ကြည့်လိုက်ပါတယ်။
ချူးယွန်က လေ့ဖုန်းနဲ့ မပူးပေါင်းချင်ဘူးဆိုရင် သူဘယ်လိုပဲ ဖိအားပေးနေပါစေ၊ အသုံးဝင်မှာ မဟုတ်ပါဘူး။
ဒါပေမဲ့ နဝမမင်းသမီးတော့ ကျန်နေပါသေးတယ်။ သူ့မှာ ကျင့်ကြံခြင်းအခြေခံမရှိပေမဲ့ သေချာပျိုးထောင်ပေးရင် အနာဂါတ်အောင်မြင်မှုတွေက ဟန်ရှင်းထက် နိမ့်ကျမှာမဟုတ်တာ သေချာပါတယ်။
ဒါပေမဲ့ အိပ်မက်တောင်ကို ဝင်ရောက်သွားတာကြောင့် ချူးယွန်ဘဝက ပြီးသွားခဲ့ပါပြီ။
သူ့အရည်အချင်းက ဘယ်လောက်ပဲ ကြောက်စရာကောင်းနေပါစေ အိပ်မက်တောင်သခင်ရဲ့ လမ်းညွှန်မှုကို ခံယူဖို့ မဖြစ်နိုင်ပါဘူး။
ကူမန်ရှန်းက အရက်ချိုးဖြစ်တာကြောင့် ဘယ်သူ့ကိုမှ သင်ကြားပေးဖို့ စိတ်မဝင်စားပါ။
ဒီအတွက် ချူးယွန်ဆိုရင်တောင် ဘာများ ထူးလာမှာမို့လဲ။
နဝမမင်းသမီးကတော့ ဘာမှပြန်မပြောဘဲ ချူးယွန်ကိုသာ လှည့်ကြည့်လိုက်ပါပြီ။ သူက ချူးယွန်ကိုကြည့်ပြီး ပြုံးကာ ပြောလိုက်ပါတယ်။
"သူသွားတဲ့နေရာကို ငါသွားမယ်"
သူ့အသံက နူးညံ့ပေမဲ့ ဒီက ပြတ်သားမှုတွေကို လူတိုင်း သိနိုင်ပါတယ်။
ဘယ်အရာကမှ သူ့စိတ်ကို မပြောင်းလဲနိုင်တော့ပါဘူး။
လီချင်းလည်း မယုံကြည်နိုင်ဟန်နဲ့ ပြောလိုပ်ပါပြီ။
"နင်ဘာတွေ ပြောနေတာလဲ..။ သူ့ဦးနှောက်က ပျက်ဆီးနေပြီ၊ နင်ဘာလို့ သူနဲ့ လျှောက်လိုက်နေတာလဲ..။ ဒါက ကြီးမားတဲ့ အခွင့်အရေးကြီးနော်... ပါရမီရှင်တွေအများကြီးက ဒီအခွင့်အရေးကို လိုချင်နေကြတာ..။ လေ့ဖုန်းတောင်ကို ဝင်ရောက်မှပဲ နင့်အတွက် ကြီးမားတဲ့ တိုးတက်မှုကို ဖြစ်စေလိမ့်မယ်..။ အိပ်မက်တောင်ကို ဝင်ပြီဆိုရင်တော့ နင့်ဘဝဆုံးပြီပဲ"
YOU ARE READING
ကောင်းကင်စစ်ဝိညာဉ်(ချူးယွန်)အတွဲ-၃ Uni & Zawgyi ေကာင္းကင္စစ္ဝိညာဥ္ အတြဲ-၃
Actionအပိုင်း ၃၉၅ မှ ၁၂၈၀ ဇာတ်လမ်းအကျဉ်း ၂၁ ရာစု တရုတ်နိုင်ငံရဲ့အထူးစစ်သားတစ်ယောက်၊ ရှေးဟောင်းပစ္စည်းတွေ ဖောက်ထွင်းခံရတာကြောင့် ပြန်လည်လိုက်ယူရင်း သေလောက်တဲ့ ဒဏ်ရာရခဲ့တယ်။ အဲဒီမှာ ထူးဆန်းတဲ့ရှေးဟောင်းပစ္စည်းတစ်ခုကို သူ့ကိုယ်က စီးကျလာတဲ့သွေးတွေ ဝင်သွ...
