အပိုင်း ( 867 ) ဒါကြောင့်ပဲ ငါလာခဲ့တာ
"မင်းပြောချင်တာက ငါ့အကိုကြီးက လေ့ကျင့်လို့ရသေးတယ်ပေါ့"
ဟော်ရွှင်း ရုတ်တရက် အသက်ရှုနှုန်းတွေ မြန်လာခဲ့ပါတယ်။ဒါက အသေးအဖွဲကိစ္စမဟုတ်ပါ။ လေ့ကျင့်နိုင်ခြင်းရှ်ိ၊မရှိက လူတစ်ယောက်ရဲ့ လုပ်နိုင်စွမ်းအပေါ် သက်ရောက်မှုရှိပါတယ်။
နောက်ပြီး ဟော်ကျားက ဟော်အိမ်တော်ရဲ့ အကြီးဆုံးသခင်လေးပါ။ ဒါကြောင့် သူ့ရဲ့အဆင့်အတန်းက ဟွာဖေးလုံလိုပဲ အလွန်မြင့်မားပါတယ်။
ဒီအတွက်ကြောင့် သူသာ မလေ့ကျင့်နိုင်ဘူးဆိုရင် ကြီးမားတဲ့ထိုးနှက်ချက်တစ်ခု ဖြစ်လာပါလိမ့်မယ်။ ဟော်ကျားအနေနဲ့ သူ့အရှုံးကနေ ပြန်မနိုးထနိုင်သေးတာ အံ့ဩစရာတော့ မရှိတော့ပါဘူး။
"မင်းခန္ဓာကိုယ်က တစ်ခုခုဖြစ်မနေသ၍ လေ့ကျင့်နိုင်တယ်… ဒါက သိုင်းဝိညာဉ်နဲ့ ဘာမှ မဆိုင်ဘူး"
ချူးယွန်က ယုံကြည်မှုအပြည့်နဲ့ ခေါင်းညိတ်လိုက်ပါတယ်။"မင်းသာ အကိုကြီးရဲ့ ကျင့်ကြံခြင်းလမ်းစဉ်ကို ပြန်ထူထောင်ပေးနိုင်ရင် ငါတို့ဟော်အိမ်တော်က မင်းကို ကျေးဇူးတင်နေမှာပါ"
ဟော်ရွှင်း အလွန်စိတ်လှုပ်ရှားသွားကာ ချူးယွန်လက်ကို ဖမ်းဆွဲလိုက်ပါတယ်။ သူ့မျက်လုံးထဲမှာလည်း စိတ်လှုပ်ရှားမှုတွေ ပြည့်နှက်နေလို့ပါ။ချူးယွန်က ခေါင်းညိတ်ပြလိုက်ပါတယ်။ ဒါပေမယ့် သူ့စိတ်ထဲမှာတော့ သံသယအချို့ ဖြစ်ပေါ်လာခဲ့ပါပြီ။
ဒါက တကယ်ထူးခြားပါတယ်။
ကောင်းကင်ဘုံခုံရုံးမှာ ခန္ဓာကိုယ်သန့်စင်သူတွေက အလွန်ရှားပါးပြီး ခန္ဓာကိုယ်သန့်စင်နည်းတွေ မရှိဘူးဆိုတာ ယုံနိုင်စရာတောင် မရှိပါဘူး။
သူတို့ကိုယ်သူတို့ ခန္ဓာကိုယ်သန့်စင်သူလို့ ပြောကြပေမယ့် လက်တွေ့မှာတော့ သူတို့က သာမန်ခန္ဓာကိုယ်သန့်စင်နည်းတွေကိုသာ လေ့ကျင့်နိုင်တာပါ။
"ဒါက ပုံမှန်ပါပဲ"
အချိန်အတော်ကြာ တိတ်ဆိတ်နေခဲ့တဲ့ တာ့လင်က ရှင်းပြလိုက်ပါတယ်။
"ကောင်းကင်ဘုံခုံရုံးက သယံဇာတ အရမ်းကြွယ်ဝပြီး ကံကောင်းခြင်းတွေပြည့်နှက်နေတာကြောင့် ကိုးဆယ်ရာခိုင်နှုန်းနီးပါးရှိတဲ့လူတွေက ကောင်းကင်အဆင့်သိုင်းဝိညာဉ်ကို ပိုင်ဆိုင်ထားခဲ့ကြတယ်လေ… လူတစ်ယောက်က ချို့ယွင်းချက်တစ်ခုရှ်ိနေမှ အဲတာကို ဂရုစိုက်ပြီးလေ့လာတတ်ကြတယ်… ဒါပေမယ့် ကောင်းကင်ဘုံခုံရုံးမှာတော့ ကျင့်စဉ်တွေနဲ့ တိုက်ပွဲစွမ်းရည်တွေပဲ လိုအပ်ပြီး အရင်းအမြစ်ကြွယ်ဝတာကြောင့် အခြေခံကျတဲ့ ခန္ဓာကိုယ်သန့်စင်နည်းကို ဘယ်သူမှ မလေ့ကျင့်ကြတော့ဘူး"
YOU ARE READING
ကောင်းကင်စစ်ဝိညာဉ်(ချူးယွန်)အတွဲ-၃ Uni & Zawgyi ေကာင္းကင္စစ္ဝိညာဥ္ အတြဲ-၃
Actionအပိုင်း ၃၉၅ မှ ၁၂၈၀ ဇာတ်လမ်းအကျဉ်း ၂၁ ရာစု တရုတ်နိုင်ငံရဲ့အထူးစစ်သားတစ်ယောက်၊ ရှေးဟောင်းပစ္စည်းတွေ ဖောက်ထွင်းခံရတာကြောင့် ပြန်လည်လိုက်ယူရင်း သေလောက်တဲ့ ဒဏ်ရာရခဲ့တယ်။ အဲဒီမှာ ထူးဆန်းတဲ့ရှေးဟောင်းပစ္စည်းတစ်ခုကို သူ့ကိုယ်က စီးကျလာတဲ့သွေးတွေ ဝင်သွ...