အပိုင်း 511 လက်ရွေးစင်လေးပါးရဲ့ပထမ
သူမရဲ့ စွမ်းဆောင်ရည်က ပြီးပြည့်စုံတယ်လို့ပြောနိုင်ပါတယ်။ဒါပေမယ့် သူမရဲ့ ကန့်သတ်ချက်တွေရ ပထမနေရာက ချူးယွန်ပဲ ရမှာပါ။
"ဆရာက ဘယ်လိုဆေးမျိုး ဖော်စပ်မလဲတော့မသိဘူး... ဒါပေမယ့် ငါအရမ်းမတုန်လှုပ်ရဖို့ မျှော်လင့်တယ်"
တန်းရှီ တွေးလိုက်တယ်။တာ့လင်ရဲ့စိတ်ထားကို သူမသိပါတယ်။သူမက အေးအေးဆေးဆေး ရှိနေတာကို မကြိုက်ပါဘူး။
ယွမ်ရို့စီ ဆေးလုံးကိုယူပြီးနောက် သူမမျက်လုံးတွေက တောက်ပသွားပြီး
"ဒီဆေးလုံးက ကီငွေ့ရည်ဖွဲ့ခြင်းဆေးလုံးပဲ... ဒါက ထိပ်တန်းအဆင့်ဆေးလုံးတွေကြားမှာ တစ်ကယ်ထူးခြားတယ်... အချိန်တိုအတွင်း ပြိုင်ပွဲဝင်တစ်ဦးက ဒီလိုဆေးလုံးမျိုးကို ဖော်စပ်နိုင်မယ်လို့ ထင်မထားခဲ့ဘူး... မယုံနိုင်စရာပဲ... မယုံနိုင်စရာပဲ"
ယွမ်ရို့စီ တန်းရှီရဲ့ စွမ်းဆောင်ရည်တွေကို မချီးမွှမ်းပဲ မနေနိုင်ပါဘူး။
"ဒီဆေးလုံးရဲ့ ဆေးသိပ်သည်းဆက အတွေ့ကြုံရှိ ဆေးဝါးသခင်တွေနဲ့တောင် နှိုင်းယှဉ်နိုင်တယ်... နင့်ဆရာက ဘယ်သူများပါလိမ့်"
ယွမ်ရို့စီ ဒီပါရမီရှင်ကို လိုချင်နေတယ်ဆိုတာ သိသာပါတယ်။တစ်ဖက်လူမှာသာ ဆရာသခင် ဆရာမရှိရင် သူမရဲ့ တပည့်အဖြစ် ခေါ်ဆောင်လိုက်မှာပါ။
"ကျွန်မမှာ ဆရာက နှိမ့်ချနေတတ်သူပါ... သူဘယ်သူဆိုတာ အခြားသူတွေကို ပြောမပြစေချင်ဘူး"
တန်းရှီ ပြုံးလိုက်ပါတယ်။
"အင်း... သူက ပုံးကွယ်နေထိုင်တဲ့ ဆရာသခင်ပဲနေမှာပါ... မဟုပ်ရင် ဒီလိုပါရမီရှင်မျိုးကို ဘယ်လိုမွေးထုတ်နိုင်မှာလဲ... နင့်အနေနဲ့ အနာဂါတ်မှာ ဆရာသခင်တစ်ပါး သေချာပေါက်ဖြစ်လာလိမ့်မယ်"
ယွမ်ရို့စီ ခေါင်းညိမ့်လိုက်ပါတယ်။
သူမ သိပ်တော့ မအံ့ဩမိခဲ့ပါဘူး။တန်းရှီမှာ ဆရာမရှိဘူးဆိုမှာသာ အံ့အားသင့်လိမ့်မယ်။
ပရိသတ် ရုတ်ရုတ်သဲသဲဖြစ်သွားပါတယ်။ယွမ်ရို့စီလို ထိပ်တန်းဆရာသခင်က ချီးမွှမ်းခဲ့တဲ့အတွက် တန်းရှီရဲ့ စွမ်းရည်ကို စဉ်းစားကြည့်နိုင်တယ်။
YOU ARE READING
ကောင်းကင်စစ်ဝိညာဉ်(ချူးယွန်)အတွဲ-၃ Uni & Zawgyi ေကာင္းကင္စစ္ဝိညာဥ္ အတြဲ-၃
Actionအပိုင်း ၃၉၅ မှ ၁၂၈၀ ဇာတ်လမ်းအကျဉ်း ၂၁ ရာစု တရုတ်နိုင်ငံရဲ့အထူးစစ်သားတစ်ယောက်၊ ရှေးဟောင်းပစ္စည်းတွေ ဖောက်ထွင်းခံရတာကြောင့် ပြန်လည်လိုက်ယူရင်း သေလောက်တဲ့ ဒဏ်ရာရခဲ့တယ်။ အဲဒီမှာ ထူးဆန်းတဲ့ရှေးဟောင်းပစ္စည်းတစ်ခုကို သူ့ကိုယ်က စီးကျလာတဲ့သွေးတွေ ဝင်သွ...
