အပိုင်း 631 "တိုက်ပွဲ" စာလုံးကို နားလည်ခြင်း
"ဒီပျက်ဆီးခြင်းပိုးကောင်လေးတွေ ပေါင်းစပ်နိုင်မယ်လို့ ငါတစ်ခါမှ တွေးမထားခဲ့ဖူးဘူး… သူတို့တွေ ပေါင်းစပ်လိုက်ရင် အင်အားတွေတောင် ပိုတိုးလာသေးတယ်… ဒါကတစ်ကယ့်ကိုသိမ်မွေ့တာပဲ"
ချူးယွန် တီးတိုးပြောလိုက်ပါတယ်။ ကောင်းကင်ခန်းမကိုလည်း သူပိုပိုပြီး စိတ်ဝင်စားလာခဲ့မိပြီလေ။ဒီနေရာက အရိပ်တောင်တန်းက ဒေသကြီးရဲ့ ဧကရာဇ်တွေကို လေ့ကျင့်ပေးတဲ့ အဖိုးတန်နယ်မြေတစ်ခုဆိုတာ သိကြမှာပါ။
နောက်ပြီး ဒီနေရာမှာ သုံးလကြာလေ့ကျင့်ခွင့်ရှိတယ်မဟုပ်လား။ဒါက လူတစ်ယောက်ကို ဆက်တိုက်တိုးတက်သွားစေဖို့ လုံလောက်တာထက်တောင် ပိုနေခဲ့ပါပြီ။
သူ့အတွက် ပြဿနာက တစ်ခုပဲရှိနေခဲ့ပါတယ်။သူရောက်လာတာ တစ်ရက်နောက်ကျသွားတဲ့အတွက် မဟာပညာရှိ ၊ ရီလီလီနဲ့ အခြားသူတွေကို သူမတွေ့တော့ပါဘူး။
ကောင်းကင်ခန်းမက အလွန်ကြီးမားတယ်မဟုပ်လား။သူတို့တွေ ပြန်တွေ့နိုင်ပါမယ်လို့ ဘယ်သူပြောနိုင်မှာလဲ။
ချူးယွန် အတွေးစတွေကို ဘေးဖယ်ရင်း ကောင်းကင်ခန်းမရဲ့ နက်ရှိုင်းတဲ့ နေရာကို ဆက်လျှောက်သွားလိုက်ပါပြီ။
အပေါ်ကိုမော့ကြည့်လိုက်ရင် အဆုံးမဲ့ကြယ်တာရာတွေနဲ့ ကောင်းကင်ကျယ်ကြီးကိုသာ မြင်တွေ့နေရလို့… ကြယ်တွေအားလုံးက တစ်လက်လက်တောက်ပနေပြီး အာကာသထဲမှာ ခရီးသွားနေသလို ခံစားချက်မျိုးကို ရရှိစေပါတယ်။
ငုံ့ကြည့်လိုက်ရင်တော့ ပျက်ဆီးနေတဲ့ ဖရိုဖရဲကုန်းမြေတိုက်ကြီး… ဒီလိုနေရာမှာ ဘာတွေနဲ့ တွေ့ကြုံရင်ဆိုင်ရမယ်ဆိုတာ ဘယ်သူမှ ပြောနိင်လိမ့်မယ်မဟုပ်ပါဘူး။
ဒီလိုပတ်ဝန်းကျင်အခြေနေက လူတစ်ယောက်ကို အလွန်မင်းစိတ်လှုပ်ရှားနေစေပါတယ်။ တိုက်ခိုက်ချင်စိတ်တွေနဲ့အတူ သူ့သွေးတွေက ပွက်ပွက်ဆူလာခဲ့ပါပြီ။
ချူးယွန် ပြုံးရင်း အရှေ့ကို စူးစမ်းလာခဲ့ပါတယ်။
အချိန်အတိုင်းအတာတစ်ခုအထိ လျှောက်လာခဲ့ပြီးနောက် ချူးယွန် အဝေးက ရှေးဟောင်းနန်းတော်တစ်ခုကို မြင်လိုက်ရပါပြီ။
YOU ARE READING
ကောင်းကင်စစ်ဝိညာဉ်(ချူးယွန်)အတွဲ-၃ Uni & Zawgyi ေကာင္းကင္စစ္ဝိညာဥ္ အတြဲ-၃
Actionအပိုင်း ၃၉၅ မှ ၁၂၈၀ ဇာတ်လမ်းအကျဉ်း ၂၁ ရာစု တရုတ်နိုင်ငံရဲ့အထူးစစ်သားတစ်ယောက်၊ ရှေးဟောင်းပစ္စည်းတွေ ဖောက်ထွင်းခံရတာကြောင့် ပြန်လည်လိုက်ယူရင်း သေလောက်တဲ့ ဒဏ်ရာရခဲ့တယ်။ အဲဒီမှာ ထူးဆန်းတဲ့ရှေးဟောင်းပစ္စည်းတစ်ခုကို သူ့ကိုယ်က စီးကျလာတဲ့သွေးတွေ ဝင်သွ...