ဟော်ထျဲရှင်း ခေါင်းညိတ်လိုက်ပါတယ်။ ချူးယွန်က စိတ်ပိုင်းဖြတ်ထားတာမို့ သူဆက်ပြီးမဆွဲဆောင်တော့ပါဘူး။
"အကိုချူး… မင်းရဲ့တောင်းဆိုမှုက မနိမ့်လွန်းဘူးလား… ဒီလိုတိုက်ပွဲစွမ်းရည်ကို ဘယ်နှယ့်လုပ်ပြီး တောင်းနိုင်ရတာလဲ… ဆေးလုံးတွေ၊ လျှို့ဝှက်ပညာရပ်တွေနဲ့ ဝိညာဉ်လက်နက်တွေ မင်းလိုချင်လား"
ဟော်ရွှင်းက မနေနိုင်တော့ဘဲ အမြန်ပြောလိုက်ပါတယ်။
ဒီတောင်းဆိုမှုက သူ့ကို မျက်နှာပျက်စေပါတယ်။ သူ့ရဲ့လိုအပ်ချက်က နည်းပါးလွန်းတယ်။
"မလိုတော့ပါဘူး"
ချူးယွန် ပြုံးလိုက်ပါတယ်။ သူက လောဘကြီးတက်ပေမယ့် သူ့သူငယ်ချင်းတွေအပေါ်မှာတော့ မဟုတ်ပါဘူး။
ဒါက သူ့ရဲ့အခြေခံကိုယ်ကျင့်တရားပါ။
သူက ဘာမှမပေးရသေးဘဲ အများကြီးယူလိုက်မိရင် အပြစ်ရှိသလို ခံစားနေရပါလိမ့်မယ်။
နောက်ပြီး ဟော်အိမ်တော်နဲ့ မိတ်ဆွေဖွဲ့ထားခြင်းက ရေရှည်မှာ အကျိုးပိုရှိစေမှာပါ။ ဟော်အိမ်တော်က သူ့အပေါ် ကျေးဇူးကြွေးတင်နေရင် ဒါက တကယ်ကောင်းပါတယ်။
"ငါရတာနဲ့ တစ်ယောက်ကို ချက်ချင်းလွှတ်လိုက်မယ်"
ဟော်ထျဲရှင်းက ခေါင်းညိတ်ပြီး ဟော်ရွှင်းကို ထူးခြားစွာကြည့်လိုက်ပါတယ်။
ဒီကောင်လေးက အလွန်မောက်မာပြီး အပေါင်းအသင်းတွေနဲ့ ပျော်ပါးရတာကို သဘောကျသူပါ။ သူက လေ့ကျင့်ဖို့လည်း စိတ်မဝင်စားပါဘူး။
သူ့ရဲ့ အနေအထားကြောင့်လည်း ဘယ်သူ့ကိုမှ လေးစားမှုမရှိခဲ့ပါ။
ဒါပေမယ့် ချူးယွန်အရှေ့မှာတော့ သူက နောက်လိုက်တစ်ယောက်လို လေးစားမှု အလွန်ရှိခဲ့ပါတယ်။
ဒါကြောင့်ပဲ ဟော်ထျဲရှင်းအနေနဲ့ ချူးယွန်ကို အနည်းငယ်ပိုလေးစားသွားမိပါပြီ။
ဟော်ရွှင်းလိုလူကို နှလုံးသားထဲက လေးစားသွားစေဖို့ဆိုတာက မလွယ်ကူပါဘူး။
ချူးယွန်ရဲ့ စွမ်းရည်တွေက အံ့အားသင့်စရာကောင်းပြီး သူ့ရဲ့ကျွမ်းကျင်မှုက အခြားသူတွေကို ဖိနှိပ်နိုင်ပါတယ်။ သူ့ရဲ့စိတ်သဘောထားကလည်း မဆိုးတော့ ထိုကောင်လေးက ချူးယွန်ဆီကနေ သင်ယူနိုင်ဖို့ မျှော်လင့်ရပါတယ်။
YOU ARE READING
ကောင်းကင်စစ်ဝိညာဉ်(ချူးယွန်)အတွဲ-၃ Uni & Zawgyi ေကာင္းကင္စစ္ဝိညာဥ္ အတြဲ-၃
Actionအပိုင်း ၃၉၅ မှ ၁၂၈၀ ဇာတ်လမ်းအကျဉ်း ၂၁ ရာစု တရုတ်နိုင်ငံရဲ့အထူးစစ်သားတစ်ယောက်၊ ရှေးဟောင်းပစ္စည်းတွေ ဖောက်ထွင်းခံရတာကြောင့် ပြန်လည်လိုက်ယူရင်း သေလောက်တဲ့ ဒဏ်ရာရခဲ့တယ်။ အဲဒီမှာ ထူးဆန်းတဲ့ရှေးဟောင်းပစ္စည်းတစ်ခုကို သူ့ကိုယ်က စီးကျလာတဲ့သွေးတွေ ဝင်သွ...
871-875
Start from the beginning
