#كحل_عرب
(احضان باردة )
((( بقلم زينب ماجد )))
الحلقة_١٨
( مصالحة)
وچلمة الخوف الذليلة تظل غريبة
تظل مثل بوسة حلم من غير خد
وهمي دنيا إنبعت بيها بغيرك انتَ
و شنهي معناة الجرح من غير دم؟
لــِ عريان السيد خلف ||🖤
نانة : استعجل مرواااان .. فدوة خاف بيها شي
- جهال مأمون وين ظلو
- بالبيت نايمين يمعووود دستعجل .
- طلعنا وما بلغنا امي ، خل اخابرها
- شتفززها هسه ، عوفها خل نشوف حال الاء شنو وعود وقتها اخابر على امي تنهده اخوتي وتجيبهم .
وصلنا لباب البيت دكينا ، مروان بساع كض الباب وطفر من فوكاه ، فتحلي للباب، صاحت هي من جوا : الحكوووووولي .
ركضنا اني ومروان الها ، صرخت : شبييييج ، يممممه ، وج شصاير ةيااااج
مروان : عبايتها بسااااع اركضي .
نزعت عباتي واطيته اله غطاها وشالاها بساع وهي تصيح بكل صوتها وجهالها يتباجووون ، زين شلون اظل هتا اروح وياها جهالها وين اعوفهم .. انوب كضو بذيالي يتباجون
ركضت ع الكنتور مالتها ادور العباية جريتها وشلت قمر وجريت غلو وطلعت من البيت مروان : ديلاااا فضيها شبييييج راح تمووووت
صعدت الجهال وصعدت يمها ، ترست السيارة زواع ، كمت خابرت على امي .. ردت : الو
- ها يمه اكعدي فدوة ودي واحد من اخوتي الاء مدري شبيها متسممه ما ادري شنو .. مكلوب حالها فد دور ،
- اسم الله بتي شبيهااااا ؟
- ما ادري هسه اني ومروان جاي ناخذها وجهالها ذوله جبتهم وياي ،
- وين ماخذينها وين
- ما ادري مروان وين راح تطلع ؟
- لمستشفى الجوادر .
- ديكول لمستشفى الجوادر
- يلا هسه انده اخوتج .. ظلي وياها
سديت الخط ، صف مروان السيارة وصاح ع الولد يجون يساعدونه .. اندارلي : تكدرين تنزلين وياها بس اصف سيارتي بالكراج ما يرضون احطها هنا
- اي بس الجهال خليهم يمك
- اي اي دمشي
نزلت الولد تلكوها وحطوها بكرسي ، وركضو بيها واني اركض وراهم .. خذوها للطواري ، شافها الدكتور الخفر كال : تسمم .. انقلوا فورا .
حطوها بسديا ودخلوها جوا واني وياها كاضة بيدها ، صاح الدكتور : الباص مالتها وين
- ما ادري مكاصة باص
