#كحل_عرب
((( بقلم زينب ماجد )))
الحلقة_20
(القرار الحاسم)
جلال: جمارة
انداريت بكل حيلي ساعة الصاح ، ضميت الورقة ورى ظهري وظليت اعاين له بخوف ، ولشتي من فوك ليتحت ترعش .
استغرب ردة فعلي وموقفي وعيوني الواضح بيهن الخوف، حجه : شبيج اكو شي ؟
حجت الممرضة بأبتسامة : هو هذا زوجج
عاين عليها ابتسم ، كالتله : مبروك ان شاءالله يجي بخير ويتربى بعزكم
عكد حواجبه : مفتهمت
جريت ايده : لازم نطلع منا بسرعة
- اوكفي شكو شنو مبروك شنو يتربى بعزكم على شنو مبروك
هي استغربت وضعنا ، كالتله : انتم مو متزوجين اني اقصد على الحمل .
عاين علي بنظرة ما تحملتها طلعت من المستشفى امشي شبه الركض وهو وراي يمشي : جماااارة تعااااي هنا
طلعت من المستشفى بساع حتى لا انفضح كدام صديقاتي وزملائي ويوصلهم كلام عني واشتهر .
طلعت من المستشفى دموعي تهمل قبق راسي طاير من القهر ، اريد اشوف الكدامي من كثر الدموع امشي وادعم .
وصلت باب المستشفى ، انطكت رجلي بالحديدة المثبته بالدخولية ، كضاني من ايدي : حمل شنو تعاي ليش تتهربين
- امشي وانا راح احجيلك كلشي بس امانة الله ورسولة ما تفضحني .
جر ايدي و طلع من المستشفى ، واحنا نمشي للكراج ، امشي وامسح بدموعي واشهك وجسمي يرعش ووضعي مو ثابت ، حجه و هو يمشي : منه مو
- ظليت ساكته وامشي دخلنا للكراج مال المستشفى فارغ تقريبا ، الجو ربيع بس الشمس حرارتها تصكع الراس بهيج وكت ضحى .
وكفت ، مسحت امدموعي باثنين اديه وشلت شعري وارجع اجر بخشمي وامسح بمدموعي وانا احاول اثبت روحي خاطر ابرر عن نفسي و هو واكف مشبك اديه : انبلع السانج يولي احجي حامل منين ؟ متوهم بوحدة كح*** اني ؟ ، اني اصيلة والحجاية تاخذها من اهلي وتالي حامل بلا زواااااج .
- اني متزوجة
رفع حواجبه مستغرب، تقرب علي راد يكض اذني ، بعدت عنه وانا اكله : احجيلك بس عليك العباس ابو فاضل ما تحجي لاحد
- ما احجي لاحد شنو ، لج انت شمسوووية .
- اني وخنجر متزوجين بلا علم احد واني جنت مقررة لما اخلص جامعة اترك كلشي واطلع حتى من العراق .
- يعني دا تلعبين علينا كلنا ، دا تمشينا على مزاجج
- اني حاول وياك وشرحتلك بالتفصيل شنو البيني وبين خنجر وكلت الك خطب ٦ مرات واهلي ما رضوا بيه وانا نجبرت على الصار
