#كحل_عرب
(أحضان باردة)
((( بقلم زينب ماجد )))
الحلقة_٨
( حب غير متكافئ )
بالكيف هو الكلب لمن يحب بالكيف ؟
لــِ عريان السيد خلف ||🖤
دينار : اذا الزلمة رايدج بعد شنو المانعج تتزوجين
- مروان لو عرف اني متزوجة ياخذ جهالي مني ويخليني
- وشمدريه مروان .. نشوفلنا بيت ايجار ونشيل واتزوجي المن ضالة وياهو اليفيدج ، مثل حالي لا سند ولا رفيج ضالة محد بحالي من تالي لحكتي عليه وشلتي عني .. اتزوجي ولا اظلين ومن تخلصون .. ناخذ الجهال قونسافر كلنا
- وعمي سرحان
- وعمج شحصلتي منه حتى تفكرين بيه
- هو الرباني وداراني اجازيه واتزوج بدون علمه
-رباتيش الرباجياها عد فخرية الشبعتج ضيم لو عد مروان الشوفاج نجوم الظهر
- بس عمي ماله غرض لا بمروان ولا بفخرية ولا راضيلهم ..
- وهسه شني لو خطبج كاظم يطيج ؟ لا راح يتبرى منج ولو درى عمج زناد معناتها مروان درى وياخذ جهالج .
- والحل شلون
- نشيل وتتزوجين
- وين نشيل
- لمكان غير الثورة ، كون منطقة هادئة مو مكتضة حتى لا نسمع هذا ولا نشوف هذا ولا نخالط ويعايرونا
- يعايرونا ابيش اني ما عدي الاتعاير بيه غير شغلج القديم .
- هي الناس هيج .. من تسمع بالكاوليه كلها تتعنى حتى تشوفها شلون تركص ، بس عد الحجي يذبون عليها اشكال والوان .
- كاظم يلح عليه ويكلي اذا ما تطيني جواب .. عوفيني امشي بدربي لا تخليني هيج معلك
- بدربه شيسوي ؟
- يتزوج غير .. هو مطلك وظال بلا مرة ومحتاج مرة اداريه
- دحجيله وكليله خلي يلكالنا بيت ايجار بغير هاي المنطقة وكليله بعدعا نتزوج ما اكدر اتزوج بنفس منطقة عمي ما راح يخلونا بحالنا .
قنعت بحجي امي .. ومن خابر كاظم حجيتله وكال : هاهية من باجر اشوفلج بيت بالامين .. وتكعدين يمنا منطقتنا هادئة وما بيها قال وقلت .
خلال يومين لكالنا بيت ..
لميت غراض البيت وجابلنا سيارة وحمل النا الغراض بالسيارة ونقلها النا ، عمي ما يرد عليه فوديت رسالة المأمون كتله ( اني اجرت بيت بالامين لإن الجيران هنا اذوني وتعبت من القال والقلت .. من تشوف الرسالة خابرني حتى اطيك عنواني بس امانة لا ادلي لمروان )
عفته المهم انطيته خبر
واتفقنا اني وكاظم بس نستقر .. نتزوج .. نسوي حفلة بس قررت بيوم زواجي جهالي اوديهم يم بيت جدهم .. هم يشوفون ابوهم وهم حتى ميشوفون يوم عرسنا والحفلة .. غلى ما نكمل الاجرئات اخذهم ونطلع .
